ಸೌದಿ: ರಸ್ತೆಗಳಲ್ಲಿ ಟ್ರಾಕ್ ಬದಲಿಸುವುದನ್ನು ಪತ್ತೆಹಚ್ಚಲು ಸ್ಮಾರ್ಟ್ ಕ್ಯಾಮೆರಾ

ಜಿದ್ದಾ: ಸೌದಿ ಅರೇಬಿಯಾದ ರಸ್ತೆಗಳಲ್ಲಿ ಟ್ರಾಕ್ ಬದಲಾಯಿಸಿ ವಾಹನ ಓಡಿಸುವುದು ಸೇರಿದಂತೆ ಸಂಚಾರ ಉಲ್ಲಂಘನೆಯನ್ನು ಪತ್ತೆಹಚ್ಚಲು ಅತ್ಯಾಧುನಿಕ ಸ್ಮಾರ್ಟ್ ಕ್ಯಾಮೆರಾಗಳನ್ನು ಅಳವಡಿಸಿರುವುದಾಗಿ ಸೌದಿ ಅರೇಬಿಯಾದ ಸಂಚಾರ ಪ್ರಾಧಿಕಾರ ಪ್ರಕಟಿಸಿದೆ. ಸಂಚಾರ ವಿಭಾವು ತಂತ್ರಜ್ಞಾನದ ಉಪಯೊಗವನ್ನು ವ್ಯಾಪಕಗೊಳಿಸುವ ಭಾಗವಾಗಿ ಅಂತಹ ಕ್ಯಾಮೆರಾಗಳನ್ನು ಸ್ಥಾಪಿಸಿದೆ.

ಹೆಚ್ಚಿನ ವೇಗದಲ್ಲಿ ವಾಹನ ಚಲಾಯಿಸುವುದು ಮತ್ತು ಟ್ರಾಫಿಕ್ ಸಿಗ್ನಲ್‌ಗಳನ್ನು ದಾಟುವುದನ್ನು ಪತ್ತೆ ಹಚ್ಚಲು ಈಗಾಗಲೇ ಕ್ಯಾಮೆರಾಗಳನ್ನು ಸ್ಥಾಪಿಸಲಾಗಿದೆ. ಇದೇ ಮೊದಲ ಬಾರಿಗೆ, ಟ್ರ್ಯಾಕ್‌ ತಪ್ಪಿಸುವವರನ್ನು ಪತ್ತೆ ಹಚ್ಚಲು ಕ್ಯಾಮೆರಾಗಳನ್ನು ಸ್ಥಾಪಿಸಲಾಗುತ್ತಿದೆ. ಸ್ಥಿರ ಟ್ರ್ಯಾಕ್‌ಗಳನ್ನು  ತಪ್ಪಿಸುವುದು ಇತರರ ಹಕ್ಕುಗಳ ಮೇಲೆ ಪ್ರಾಬಲ್ಯ ಸಾಧಿಸುವ ಒಂದು ಮಾರ್ಗವಾಗಿದ್ದು, ರಸ್ತೆಯ ಸುಗಮ ಸಂಚಾರಕ್ಕೆ ಇದು ಅಡ್ಡಿಯಾಗಿದೆ. ಇದರಿಂದ ಟ್ರಾಫಿಕ್ ಅಪಘಾತಗಳು ಹೆಚ್ಚಾಗುವ ಅಪಾಯವಿದೆ ಎಂದು ಸಂಚಾರ ಇಲಾಖೆ ತಿಳಿಸಿದೆ.

ಅಲ್ಲದೆ, ಈ ಉಲ್ಲಂಘನೆಯು ಸಂಸ್ಕೃತಿ ವಿರೋಧಿ ಮತ್ತು ಕೆಟ್ಟ ನಡವಳಿಕೆ ಎಂದು ಸಂಚಾರ ಇಲಾಖೆ ಹೇಳಿದೆ. ಸೌದಿ ತಾಂತ್ರಿಕ ಮತ್ತು ಭದ್ರತಾ ನಿಯಂತ್ರಣ ಕಂಪನಿ ಅಭಿವೃದ್ಧಿಪಡಿಸಿದ ಸ್ಮಾರ್ಟ್ ಕ್ಯಾಮೆರಾಗಳನ್ನು ಬಳಸಿ ಟ್ರ್ಯಾಕರ್‌ಗಳನ್ನು ತಪ್ಪಿಸುವವರನ್ನು ಕಂಡುಹಿಡಿಯಬಹುದು. ದಂಡ ವಿಧಿಸಿದರೆ ಅಂತಹ ಅಪರಾಧವನ್ನು ನಿಲ್ಲಿಸಬಹುದು ಎಂದು ಟ್ರಾಫಿಕ್ ಅಥಾರಿಟಿ ಹೇಳಿದೆ.