ಡಾಕ್ಟರ್ಸ್ ಡೇ ದಿನದ ಅಂಗವಾಗಿ ಡಾ:ದುರ್ಗಾ ಪ್ರಸಾದ್ ರವರಿಗೆ ಎಸ್ ವೈ ಎಸ್ ವಿರಾಜಪೇಟೆ ಸೆಂಟರ್ ವತಿಯಿಂದ ಸನ್ಮಾನ

ತನಗೆ ದೇವರು ಆಸ್ತಿ, ಐಶ್ವರ್ಯ, ಸಂಪತ್ತು ಎಲ್ಲವನ್ನೂ ಕೊಟ್ಟಿದ್ದಾರೆ ಆದರೂ ಈ ಇಳಿವಯಸ್ಸಿನಲ್ಲೂ ಜನ ಸೇವೆಗಾಗಿ ತನ್ನ ಜೀವನವನ್ನೇ ಮುಡಿಪಾಗಿಟ್ಟ ವೈದ್ಯ ಲೋಕದ ಮಾಣಿಕ್ಯನೇ ವಿರಾಜಪೇಟೆಯ ಡಾ: ಐ ಆರ್ ದುರ್ಗಾ ಪ್ರಸಾದ್. ಅತ್ಯಂತ ಕಡಿಮೆ ದರದಲ್ಲಿ ಅತ್ಯುತ್ತಮ ಚಿಕಿತ್ಸೆ ನೀಡುತ್ತಿರುವ ಡಾಕ್ಟರ್ ದುರ್ಗಾ ಪ್ರಸಾದ್ ಅವರಿಂದ ಚಿಕಿತ್ಸೆ ಪಡೆಯದವರು ವಿರಳ ಹಾಗೂ ರೋಗಿಗಳೊಂದಿಗೆ ಅವರಿಗಿರುವ ಒಡನಾಟ ಮೆಚ್ಚುವಂತದ್ದು,ಇದನ್ನು ಮನಗಂಡ ವಿರಾಜಪೇಟೆ ಸೆಂಟರ್ ಎಸ್ ವೈ ಎಸ್ ಹಿಸಾಬ ತಂಡವು ಕೊರೋನ ಮುನ್ನೆಚ್ಚರಿಕೆಯೊಂದಿಗೆ ಡಾಕ್ಟರ್ ದುರ್ಗಾ ಪ್ರಸಾದ್ ಅವರುಗಳನ್ನು ಇವತ್ತು ಡಾಕ್ಟರ್ಸ್ ಡೇ ಪ್ರಯುಕ್ತ ಅವರ ಆಸ್ಪತ್ರೇಗೆ ಭೇಟಿ ನೀಡಿ ಶಾಲು ಹೊದಿಸಿ ಸನ್ಮಾನಿಸಲಾಯಿತು.

ಈ ಸಂದರ್ಭದಲ್ಲಿ ಎಸ್ ವೈ ಎಸ್ ವಿರಾಜಪೇಟೆ ಸೆಂಟರ್ ಕಾರ್ಯದರ್ಶಿ ಅಹಮದ್ ಮದನಿ ಉಸ್ತಾದ್ ಸರ್ವರನ್ನು ಸ್ವಾಗತಿಸಿದರು. ಎಸ್ ಎಸ್ ಎಫ್ ಕೊಡಗು ಜಿಲ್ಲಾ ಮಾಜಿ ಕಾರ್ಯದರ್ಶಿ ಉಬೈದ್ ಗ್ಲೋಬಸ್ ಟ್ರಾವಲ್ಸ್ ಪ್ರಾಸ್ತಾವಿಕ ಭಾಷಣ ಮಾಡಿದರು. ಕಾರ್ಯಕ್ರಮದಲ್ಲಿ ಎಸ್ ವೈ ಎಸ್ ಕೊಡಗು ಜಿಲ್ಲಾ ಕೋಶಾಧಿಕಾರಿ ಇಬ್ರಾಹಿಂ ಹಾಜಿ ಕಲ್ಲುಬಾಣೆ, ಇಸ್ಮಾಯಿಲ್ ಹಾಜಿ ಗುಂಡಿಕೆರೆ, ಸೂಫಿ ಕಲ್ಲುಬಾಣೆ, ಕೆ.ಸಿ.ಎಫ್ ಕಾರ್ಯಕರ್ತ ನಝೀರ್ ಹಾಜಿ ಗುಂಡಿಕೆರೆ, ಉಮ್ಮರ್ ಕಲ್ಲುಬಾಣೆ, ಹಿಸಾಬ ಅಮೀರ್ ಶರೀಫ್ ಝೈನಿ ಎಡಪಲ,ಸಾಮಾಜಿಕ ಕಾರ್ಯಕರ್ತ ಹಮೀದ್ ಗುಂಡಿಕೆರೆ ಮುಂತಾದವರು ಭಾಗವಹಿಸಿದ್ದರು ಕಾರ್ಯಕ್ರಮದ ಕೊನೆಯಲ್ಲಿ ಡಾಕ್ಟರ್ಸ್ ಡೇ ಯ ಪ್ರಯುಕ್ತ SSF, SYS ನ ಎಲ್ಲಾ ರೀತಿಯ ಅಭಿನಂದನೆಗಳನ್ನು ಸಲ್ಲಿಸುತ್ತಾ ಶಫೀಕ್ ಗುಂಡಿಕೆರೆ ಯವರು ಸರ್ವರನ್ನು ವಂದಿಸಿದರು.

ವರದಿ ಶಫೀಕ್ ಗುಂಡಿಕೆರೆ