ಕಣ್ಣಂಗಾರ್: ಹಿದಾಯತುಲ್ ಇಸ್ಲಾಂ ಮದರಸ ಎಸ್.ಎಸ್ ರೋಡ್ ಅದ್ದೂರಿ ಸ್ವಾತಂತ್ರ್ಯ ಸಂಭ್ರಮಾಚರಣೆ

ದೇಶದ ಸ್ವಾತಂತ್ರ್ಯಅಮೃತ ಮಹೋತ್ಸವದ ಅಂಗವಾಗಿ ತ್ವಾಹಾ ಮಸ್ಜಿದ್ ಎಸ್.ಎಸ್ ರೋಡ್ ವಠಾರದಲ್ಲಿ ಅತ್ಯಂತ ವಿಜೃಂಭಣೆಯಿಂದ 75ನೇ ಸ್ವಾತಂತ್ರ್ಯೋತ್ಸವವನ್ನು ಆಚರಿಸಲಾಯಿತು.

ಹಿದಾಯತುಲ್ ಇಸ್ಲಾಂ ಮದ್ರಸಾ ಎಸ್.ಎಸ್ ರೋಡ್ ವಿದ್ಯಾರ್ಥಿಗಳು, ವಿದ್ಯಾರ್ಥಿನಿಯರು ಹಾಗೂ ನಾಡಿನ ಸರ್ವ ನಾಗರಿಕರು ಭಾಗವಹಿಸಿದ ಈ ಕಾರ್ಯಕ್ರಮದಲ್ಲಿ ತ್ವಾಹಾ ಮಸೀದಿ ಇದರ ಅಧ್ಯಕ್ಷರಾದ ಅಬ್ಬಾಸ್ ಹಾಗೂ ಇಮಾಮ್ ಮತ್ತು ಸದರ್ ಉಸ್ತಾದರಾದ ರಫೀಕ್ ಸಖಾಫಿ ಅಲ್ ಕಾಮಿಲ್ ರವರು ಧ್ವಜಾರೋಹಣ ನಡೆಸಿ ಶುಭಹಾರೈಸಿದರು.

ಶರೀಫ್ ಹನೀಫೀ ಅಲ್ ಅಶ್‌ಅರಿ ಸಂದೇಶ ಭಾಷಣ ಮಾಡಿದರು. ಅಬ್ದುಲ್ ಖಾದರ್ ರವರು ಶುಭ ಹಾರೈಸಿ, ಹಿದಾಯತುಲ್ ಇಸ್ಲಾಂ ಮದರಸ ವಿದ್ಯಾರ್ಥಿ ಫಾಝಿಲ್ ಸ್ವಾತ್ಯಂತ್ರ್ಯ ಗೀತೆಯನ್ನು ಹಾಡಿದರು. ನಂತರ ಸ್ವಾತಂತ್ರ್ಯ ಅಮೃತ ಮಹೋತ್ಸವದ ಅಂಗವಾಗಿ ನಡೆಸಿದ ಮದರಸ ಮಕ್ಕಳ ಸ್ಪರ್ಧಾ ಕಾರ್ಯಕ್ರಮಗಳ ವಿಜೇತರಿಗೆ ಬಹುಮಾನ ವಿತರಿಸಲಾಯಿತು.

ಕಾರ್ಯಕ್ರಮದಲ್ಲಿ ಅಧ್ಯಾಪಕರಾದ ನೌಫಲ್ ಮದನಿ, ರಾಶಿದ್ ಮದನಿ, ತ್ವಾಹಾ ಮಸ್ಜಿದ್ ಇದರ ಸಮಿತಿಯವರು, ಯಂಗ್ ಮೆನ್ಸ್ ಕಾರ್ಯಕರ್ತರು ಹಾಗೂ ನಾಡಿನ ಹಲವಾರು ಜನರು ಉಪಸ್ಥಿತರಿದ್ದರು. ಕೊನೆಗೆ ನೌಫಲ್ ಮದನಿ ಉಸ್ತಾದರು ವಂದಿಸಿದರು.