2026 ರಲ್ಲಿ ‘ಸಮಸ್ತ’ 100 ನೇ ವಾರ್ಷಿಕೋತ್ಸವ- ಅಜೇಯತೆಯ ಘೋಷಣೆ ಸಮಾವೇಶ

ಕಾಸರಗೋಡು | ಶತಮಾನದ ಯಶಸ್ಸಿನ ಕಥೆಗೆ ಸಂಭ್ರಮ ಮತ್ತು ಅಭೂತಪೂರ್ವ ಪ್ರಾರಂಭ. ಇತಿಹಾಸ ಪ್ರಸಿದ್ಧ ಮಾಲಿಕ್ ಬಿನ್ ದೀನಾ‌ರ್ ಅವರ ನಾಡು ಇಂದು ಮತ್ತೊಂದು ಐತಿಹಾಸಿಕ ಘೋಷಣೆಗೆ ಸಾಕ್ಷಿಯಾಯಿತು. ಸಮಸ್ತ ಕೇರಳ ಜಮ್ಇಯ್ಯತುಲ್ ಉಲಮಾದ 100ನೇ ವಾರ್ಷಿಕ ಸಮ್ಮೇಳನ 2026ರಲ್ಲಿ ನಡೆಯಲಿದೆ ಎಂದು ಸಮಸ್ತ ಪ್ರಧಾನ ಕಾರ್ಯದರ್ಶಿ ಕಾಂತಪುರಂ ಎ.ಪಿ.ಅಬೂಬಕ‌ರ್ ಮುಸ್ಲಿಯಾರ್ ಘೋಷಿಸಿದರು.

ಇದಕ್ಕೂ ಮುನ್ನ 2024ರಲ್ಲಿ ಎಸ್‌ವೈಎಸ್‌ ಪ್ಲಾಟಿನಂ ಜುಬಿಲಿ ಹಾಗೂ 2025ರಲ್ಲಿ ಕೇರಳ ಮುಸ್ಲಿಂ ಜಮಾತ್ ದಶಮಾನೋತ್ಸವ ನಡೆಯಲಿದೆ ಎಂದು ಕಾಂತಪುರಂ ಉಸ್ತಾದ್ ಘೋಷಿಸಿದರು. ಮೂರು ವರ್ಷಗಳ ಕಾರ್ಯಕ್ರಮವು ‘ಸಮಸ್ತ ಶತಮಾನೋತ್ಸವ: ನೂರು ಬೆಳಕಿನ ವರ್ಷಗಳು’ ಎಂಬ ಧ್ಯೇಯ ವಾಕ್ಯದೊಂದಿಗೆ ಮೂರು ವರ್ಷಗಳ ಆಚರಣೆ ನಡೆಯಲಿದೆ.

ಸಮಸ್ತ ಚಳವಳಿ ಯಾರೋ ಊದಿದರೆ ನಾಶವಾಗುವ ಚಳವಳಿಯಲ್ಲ ಎಂಬುದನ್ನು ಕಾಲ ಸಾಬೀತುಪಡಿಸಿದೆ ಎಂದು 100 ನೇ ವರ್ಷಾಚರಣೆಯ ಘೋಷಣೆಯೊಂದಿಗೆ ಕಾಂತಪುರಂ ಉಸ್ತಾದ್ ಒತ್ತಿ ಹೇಳಿದರು. ಕಾಂತಪುರಂ ಉಸ್ತಾದರ ಘೋಷಣೆಯನ್ನು ಅಪಾರ ಜನಸ್ತೋಮ ತಕ್ಷೀ‌ರ್ ಘೋಷಗಳೊಂದಿಗೆ ಸ್ವಾಗತಿಸಿತು.

ಸಮಸ್ತದ 100 ನೇ ವಾರ್ಷಿಕ ಸಮ್ಮೇಳನದ ಪೂರ್ವಭಾವಿಯಾಗಿ ಇಂದು ನಡೆದ ಘೋಷಣಾ ಸಭೆಗೆ ವಿವಿಧ ಜಿಲ್ಲೆಗಳಿಂದ ವಿಶೇಷ ಪ್ರತಿನಿಧಿಗಳು ಮತ್ತು ಉತ್ತರ ಜಿಲ್ಲೆಗಳಿಂದ ಸುನ್ನಿ ಕಾರ್ಯಕರ್ತರ ದಂಡು ನೆರೆದಿತ್ತು. ಮಂಗಳೂರು-ಕಾಸರಕೋಡು ರಾಷ್ಟ್ರೀಯ ಹೆದ್ದಾರಿಯು ಇಂದು ಬೆಳಗ್ಗೆಯಿಂದಲೇ ಸಮಸ್ತದ ತ್ರಿವರ್ಣಧ್ವಜ ಹೊತ್ತ ವಾಹನಗಳಿಂದ ತುಂಬಿ ತುಳುಕುತ್ತಿತ್ತು. ಸಂಜೆ ನಾಲ್ಕು ಗಂಟೆಯ ಹೊತ್ತಿಗೆ ಕಾಸರಗೋಡಿನ ಚಟ್ಟಂಚಾಲ್‌ನ ಮಾಲಿಕುದ್ದೀನಾರ್ ನಗರ ಅಕ್ಷರಶಃ ಶ್ವೇತಸಾಗರವಾಗಿತ್ತು.

ಸಯ್ಯಿದರು, ವಿದ್ವಾಂಸರು ಮತ್ತು ಮುಖಂಡರು ಭಾಗವಹಿಸಿದ್ದ ಭವ್ಯ ವೇದಿಕೆಯ ಕಾರ್ಯಕ್ರಮವು ಸಮಸ್ತ ಉಪಾಧ್ಯಕ್ಷ ಸಯ್ಯಿದ್ ಅಲಿ ಬಾಫಕಿ ಅವರ ಪ್ರಾರ್ಥನೆಯೊಂದಿಗೆ ಪ್ರಾರಂಭವಾಯಿತು. ಅಲ್ಪಸಂಖ್ಯಾತರು ಮತ್ತು ಅಂಚಿನಲ್ಲಿರುವ ಸಮುದಾಯಗಳನ್ನು ಅಪ್ಪಿಕೊಳ್ಳುವುದು ಸೇರಿದಂತೆ ಮೂರು ವರ್ಷಗಳ ವಾರ್ಷಿಕೋತ್ಸವದ ಯೋಜನೆಗಳ ಬಗ್ಗೆಯೂ ಸಮ್ಮೇಳನದಲ್ಲಿ ವಿವರಿಸಲಾಯಿತು.

ಸಮಸ್ತದ ಬಗ್ಗೆ ವಾದ ಮಾಡಿ ಮಾತನಾಡುವುದಲ್ಲ ತಮ್ಮ ಕಾರ್ಯ ವಿಧಾನ ಎಂಬುದನ್ನು ಪದೇ ಪದೇ ಸ್ಪಷ್ಟಪಡಿಸುತ್ತಿತ್ತು ಇಂದಿನ ಸಮಾವೇಶ.ಇಸ್ಲಾಮಿನ ನೈಜ ನಂಬಿಕೆಯ ಹಾದಿಯಿಂದ ಮುಸ್ಲಿಂ ಸಮುದಾಯವನ್ನು ಬೇರ್ಪಡಿಸಲು ಯತ್ನಿಸುವ ನೂತನವಾದಿಗಳ ವಿರುದ್ಧ ಪೂರ್ವಿಕ ನಾಯಕರ ಮಾದರಿಯನ್ನು ಎಚ್ಚರಿಕೆಯೊಂದಿಗೆ ಅನುಸರಿಸಲು ಸಮ್ಮೇಳನವು ನೆನಪಿಸಿತು.

ಮುಸ್ಲಿಂ ಸಮುದಾಯವನ್ನು ಆಂತರಿಕ ಭಿನ್ನತೆಗಳಿಂದ ರಕ್ಷಿಸುವುದು ಮತ್ತು ಸಮಾಜದಲ್ಲಿನ ಉಗ್ರಗಾಮಿ ಮತ್ತು ಕೋಮುವಾದಿ ಪ್ರವೃತ್ತಿಯನ್ನು ಎದುರಿಸುವುದು ಇದರ ಗುರಿಯಾಗಿದೆ. ಇದಕ್ಕಾಗಿ ಮಾಡಿದ ಕೆಲಸವು ಕೇರಳದ ಮುಸ್ಲಿಂ ಸಮುದಾಯದ ಸಬಲೀಕರಣಕ್ಕೆ ನಾಂದಿ ಹಾಡಿದೆ. ಇದಲ್ಲದೆ, ಕೇರಳದ ಧಾರ್ಮಿಕ-ಲೌಕಿಕ ಶಿಕ್ಷಣದ ಪ್ರಗತಿಯು ಸಮಸ್ತದ ಸಂಕಲ್ಪದ ಕೆಲಸವಾಗಿದೆ ಮತ್ತು ಅಂತಹ ಮಾದರಿಗಳನ್ನು ಅನುಸರಿಸುವ ಚಟುವಟಿಕೆಗಳನ್ನು ಉತ್ತರ ಭಾರತದ ರಾಜ್ಯಗಳಲ್ಲಿ ಶಕ್ತಗೊಳಿಸಲಾಗುವುದು ಎಂದು ಸಮ್ಮೇಳನವು ಘೋಷಿಸಿತು.

ಸಮಸ್ತ ಅಧ್ಯಕ್ಷ ಇ. ಸುಲೈಮಾನ್ ಮುಸ್ಲಿಯಾ‌ರ್ ಅಧ್ಯಕ್ಷತೆ ವಹಿಸಿದ್ದರು. ಉಪಾಧ್ಯಕ್ಷ ಸಯ್ಯಿದ್ ಕೆ.ಎಸ್.ಆಟ್ಟಕೋಯ ತಂಙಳ್ ಕುಂಬೋಳ್ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ಕಾರ್ಯದರ್ಶಿಗಳಾದ ಸಯ್ಯಿದ್ ಇಬ್ರಾಹೀಮುಲ್ ಖಲೀಲ್ ಅಲ್ ಬುಖಾರಿ, ಪೊನ್ಮಳ ಅಬ್ದುಲ್ ಖಾದಿರ್ ಮುಸ್ಲಿಯಾರ್, ಪೇರೋಡ್ ಅಬ್ದುರಹ್ಮಾನ್ ಸಖಾಫಿ, ಸುನ್ನೀ ಯುವಜನ ಸಂಘದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಡಾ. ಮುಹಮ್ಮದ್ ಅಬ್ದುಲ್ ಹಕೀಂ ಅಝ್ಹರಿ, ಉಪಾಧ್ಯಕ್ಷ ರಹ್ಮತುಲ್ಲಾ ಸಖಾಫಿ ಎಳಮರಮ್, ಕೇರಳ ಮುಸ್ಲಿಂ ಜಮಾತ್ ಕಾರ್ಯದರ್ಶಿ ಸುಲೈಮಾನ್ ಸಖಾಫಿ ಮಾಳಿಯೇಕಲ್ ವಿವಿಧ ನಿರ್ಣಯಗಳ ಕುರಿತು ಭಾಷಣ ಮಾಡಿದರು.ಕೆ.ಕೆ.ಅಹ್ಮದ್ ಕುಟ್ಟಿ ಮುಸ್ಲಿಯಾರ್ ಕಟ್ಟಿಪಾರ, ಸಿ.ಮುಹಮ್ಮದ್ ಫೈಝಿ, ಅಬು ಹನೀಫಲ್ ಫೈಝಿ ತೆನ್ನಲ, ಸಯ್ಯಿದ್ ತ್ವಾಹ ಸಖಾಫಿ, ಫಿದೌಸ್ ಸಖಾಫಿ ಕಡವತ್ತೂರು, ನಿಝಾರ್ ಸಖಾಫಿ ಒಮಾನ್ ಭಾಷಣ ಮಾಡಿದರು.