ರಿಯಾದ್: ಸಾರ್ವಜನಿಕ ಸಾರಿಗೆ ಬಳಕೆದಾರರ ಹಕ್ಕುಗಳು ಮತ್ತು ಷರತ್ತುಗಳು, ಉಲ್ಲಂಘನೆಗಳಿಗೆ ದಂಡ ಮತ್ತು ಉಲ್ಲಂಘನೆಗಳಿಗೆ ಪರಿಹಾರವನ್ನು ವಿವರಿಸುವ ಪಟ್ಟಿಯನ್ನು ಸೌದಿ ಅರೇಬಿಯಾ ಬಿಡುಗಡೆ ಮಾಡಿದೆ. ಸಚಿವ ಸಂಪುಟದ ನಿರ್ಧಾರದ ಆಧಾರದ ಮೇಲೆ ಸೌದಿಯ ಅಧಿಕೃತ ಗೆಜೆಟ್‌ನಲ್ಲಿ (ಉಮ್ಮುಲ್ ಕುರಾ) ಪ್ರಕಟಿಸಲಾಗಿದೆ.
55 ಬಗೆಯ ಉಲ್ಲಂಘನೆಗಳಿಗೆ 200 ರಿಂದ 500 ರಿಯಾಲ್‌ಗಳವರೆಗೆ ದಂಡ ವಿಧಿಸಲಾಗುತ್ತದೆ. ದೇಶದ ಅನುಮೋದಿತ ಸಾರಿಗೆ ವ್ಯವಸ್ಥೆಯನ್ನು ಬಳಸುವ ಎಲ್ಲರೂ ಈ ಷರತ್ತುಗಳನ್ನು ಅನುಸರಿಸಲು ಬದ್ಧರಾಗಿರುತ್ತಾರೆ. ಇಲ್ಲದಿದ್ದರೆ, ಅವುಗಳನ್ನು ಉಲ್ಲಂಘನೆ ಎಂದು ಪರಿಗಣಿಸಲಾಗುತ್ತದೆ ಮತ್ತು ದಂಡಕ್ಕೆ ಒಳಪಟ್ಟಿರುತ್ತದೆ. ಪಟ್ಟಿಯು ಪ್ರಯಾಣಿಕರಿಗೆ ಷರತ್ತುಗಳನ್ನು ಮತ್ತು ಇಂಟರ್‌ಸಿಟಿ ಬಸ್, ಇಂಟ್ರಾಸಿಟಿ ಬಸ್, ಇಂಟರ್‌ಸಿಟಿ ರೈಲ್ವೇ, ಇಂಟ್ರಾ-ರೈಲ್ವೆ ಮತ್ತು ಹಡಗು ಪ್ರಯಾಣಿಕರಿಗೆ ವರ್ಗವಾರು ಷರತ್ತುಗಳನ್ನು ಒಳಗೊಂಡಿದೆ, ಜೊತೆಗೆ ಸಂಬಂಧಿತ ಉಲ್ಲಂಘನೆಗಳು ಮತ್ತು ದಂಡಗಳನ್ನು ಒಳಗೊಂಡಿದೆ.
ಸಾಮಾನ್ಯ ಷರತ್ತುಗಳು ಮತ್ತು ದಂಡಗಳು :
1. ದುರ್ವಾಸನೆ ಬೀರುವ ವಸ್ತುಗಳು ಮತ್ತು ಪ್ರಯಾಣದ ಸಮಯದಲ್ಲಿ ಹಾಳಾಗುವ ಆಹಾರ ಪದಾರ್ಥಗಳನ್ನು ಸಾಗಿಸಿದರೆ 200 ರಿಯಾಲ್ಗಳ ದಂಡ
2. ಟಿಕೆಟ್ ಇಲ್ಲದೆ ಪ್ರಯಾಣಿಸಿದರೆ ಟಿಕೆಟ್ ದರದ ಜೊತೆಗೆ 200 ರಿಯಾಲ್ಗಳ ದಂಡ
3. ಇಂಟರ್‌ಸಿಟಿಯಲ್ಲಿ 13 ವರ್ಷದೊಳಗಿನ ಮಕ್ಕಳು ಮತ್ತು ಇಂಟ್ರಾಸಿಟಿಯಲ್ಲಿ ಎಂಟು ವರ್ಷದವರೆಗಿನ ಮಕ್ಕಳು ಒಂಟಿಯಾಗಿ ಪ್ರಯಾಣಿಸಲು ಅವಕಾಶವಿಲ್ಲ
4. ಸಾಕುಪ್ರಾಣಿಗಳನ್ನು ವಾಹನಗಳಲ್ಲಿ ಅವುಗಳಿಗೆ ನಿಗದಿಪಡಿಸಿದ ಸ್ಥಳದಲ್ಲಿ ಇಡದಿದ್ದರೆ ಪ್ರಯಾಣಿಸಲು ಅನುಮತಿ ಇಲ್ಲ
5. ಪ್ರಯಾಣದ ಸಮಯದಲ್ಲಿ ಗುರುತಿನ ಚೀಟಿ ಕೋರಿದರೆ, ತೋರಿಸದಿದ್ದರೆ, ಪ್ರಯಾಣವನ್ನು ನಿರಾಕರಿಸಲಾಗುವುದು ಮತ್ತು ಪೊಲೀಸರಿಗೆ ಹಸ್ತಾಂತರಿಸಲಾಗುವುದು
6. ಪ್ರಾರ್ಥನಾ ಕೊಠಡಿ ಅಥವಾ ಇತರ ಅನಧಿಕೃತ ಸ್ಥಳಗಳಲ್ಲಿ ಮಲಗಿದರೆ 200 ರಿಯಾಲ್ ದಂಡ ವಿಧಿಸಲಾಗುತ್ತದೆ
7. ತಪಾಸಣೆಯ ಸಮಯದಲ್ಲಿ ಟಿಕೆಟ್ ತೋರಿಸದಿದ್ದರೆ, 200 ರಿಯಾಲ್ ದಂಡ ವಿಧಿಸಲಾಗುತ್ತದೆ
8. ವಿಶೇಷ ಟಿಕೆಟ್‌ಗಳೊಂದಿಗೆ ಪ್ರಯಾಣಿಸುವವರು ಅದಕ್ಕೆ ಅರ್ಹರಲ್ಲದಿದ್ದರೆ ಟಿಕೆಟ್ ದರದ ಜೊತೆಗೆ 200 ರಿಯಾಲ್‌ಗಳನ್ನು ದಂಡ ವಿಧಿಸಲಾಗುತ್ತದೆ
9. ವಾಹನದಲ್ಲಿ ಅನುಮತಿಸಲಾದ ಗಾತ್ರಕ್ಕಿಂತ ದೊಡ್ಡದಾದ ಲಗೇಜ್ ಇದ್ದರೆ, ಪ್ರಯಾಣಿಸಲು ಅನುಮತಿಸಲಾಗುವುದಿಲ್ಲ.
10.ಲಗೇಜುಗಳನ್ನು ಗೊತ್ತುಪಡಿಸಿದ ಜಾಗದಲ್ಲಿ ಇಡದಿದ್ದರೆ,100 ರಿಯಾಲ್ಗಳ ದಂಡ ವಿಧಿಸಲಾಗುತ್ತದೆ.
11.ಸಹ ಪ್ರಯಾಣಿಕರಿಗೆ ಅನಾನುಕೂಲತೆಯನ್ನು ಉಂಟುಮಾಡುವ ಕೊಳಕು ಬಟ್ಟೆಯಲ್ಲಿ ಪ್ರಯಾಣಿಸಲು ಅನುಮತಿಸಲಾಗುವುದಿಲ್ಲ
12. ವಾಹನಕ್ಕೆ ಹಾನಿಯನ್ನುಂಟು ಮಾಡಿದರೆ ಗಂಭೀರ ಉಲ್ಲಂಘನೆಯೆಂದು ಪರಿಗಣಿಸಿ,500 ರಿಯಾಲ್ಗಳ ದಂಡ
13. ವಿಕಲಚೇತನರಿಗಾಗಿ ಮೀಸಲಿಟ್ಟ ಆಸನದಲ್ಲಿ ಕುಳಿತರೆ 200 ರಿಯಾಲ್ ದಂಡ.
ಇಂಟರ್‌ಸಿಟಿ ಬಸ್‌ನ ನಿಯಮಗಳು ಮತ್ತು ದಂಡಗಳು :
1. ಗೊತ್ತುಪಡಿಸಿದ ಬಾಗಿಲುಗಳನ್ನು ಹೊರತುಪಡಿಸಿ ಹತ್ತುವುದು ಮತ್ತು ಇಳಿಯುವುದು ಗಂಭೀರ ಉಲ್ಲಂಘನೆಯಾಗಿದೆ, 500 ರಿಯಾಲ್ಗಳ ದಂಡ
2. ಪ್ರಯಾಣದ ಸಮಯದಲ್ಲಿ ಚಾಲಕನ ಗಮನವನ್ನು ಬೇರೆಡೆ ಸೆಳೆದರೆ 200 ರಿಯಾಲ್ಗಳ ದಂಡ
3. ಬಸ್‌ನ ನಿಷೇಧಿತ ಭಾಗಗಳನ್ನು ಪ್ರವೇಶಿಸಿದರೆ 200 ರಿಯಾಲ್ಗಳ ದಂಡ
4. ಸಹ ಪ್ರಯಾಣಿಕರಿಗೆ ಅಥವಾ ಬಸ್ ಸಿಬ್ಬಂದಿಗೆ ಅನಾನುಕೂಲತೆ ಸೃಷ್ಟಿಸಿದರೆ 200 ರಿಯಾಲ್ ದಂಡ
5.ನಿಂತು ಪ್ರಯಾಣಿಸಿದರೆ 100 ರಿಯಾಲ್ ದಂಡ
6.ಬಾಗಿಲು ಮುಚ್ಚುವುದು ಮತ್ತು ಸಹ ಪ್ರಯಾಣಿಕರಿಗೆ ಪ್ರಯಾಣಿಸಲು ಸಾಕಷ್ಟು ಜಾಗವನ್ನು ನೀಡದಿದ್ದರೆ 100 ರಿಯಾಲ್ ದಂಡ
7. ಬಸ್ಸಿನಲ್ಲಿ ಅಥವಾ ಇತರ ನಿಷೇಧಿತ ಸ್ಥಳಗಳಲ್ಲಿ ಧೂಮಪಾನ ಮಾಡಿದರೆ 200 ರಿಯಾಲ್ಗಳು ದಂಡ
8. ಬಸ್ಸಿನ ಕಿಟಕಿ ಮತ್ತು ಬಾಗಿಲುಗಳ ಭಾಗಗಳನ್ನು ಸುಲಿಯುವುದು, ಹಾನಿಗೊಳಿಸುವುದು ಅಥವಾ ಹೊರಗಡೆ ನೇತುಹಾಕಿದರೆ 300 ರಿಯಾಲ್ಗಳ ದಂಡ
9. ಸೀಟಿನ ಮೇಲೆ ಕಾಲಿಟ್ಟು ಪ್ರಯಾಣಿಸಿದರೆ 200 ರಿಯಾಲ್ ದಂಡ
10 ಬಸ್‌ನಲ್ಲಿ ಪ್ರಯಾಣಿಕರು ತುಂಬಿದ್ದು, ಕೇಳದೆ ಹತ್ತಲು ಪ್ರಯತ್ನಿಸಿದರೆ 100 ರಿಯಾಲ್ ದಂಡ
11. ಮಕ್ಕಳ ಸ್ಟ್ರಾಲರ್ಸ್, ಗಾಲಿಕುರ್ಚಿಗಳು ಮತ್ತು ಅಂಗವಿಕಲರಿಗೆ ಪ್ರಯಾಣ ಸಾಧನಗಳನ್ನು ಹೊರತುಪಡಿಸಿ ಮಡಚಲಾಗದ ಚಕ್ರದ ಸಾಧನಗಳನ್ನು ಬಸ್‌ನಲ್ಲಿ ಸಾಗಿಸುವುದು, 200 ರಿಯಾಲ್ ದಂಡ
12.ನಿಷೇಧಿತ ವಸ್ತುಗಳನ್ನು ಒಯ್ಯಬಾರದು.
13. ಶಸ್ತ್ರಾಸ್ತ್ರಗಳು, ಸ್ಫೋಟಕಗಳು ಇತ್ಯಾದಿಗಳನ್ನು ಒಯ್ಯಬೇಡಿ.
ಪ್ರಯಾಣಿಕರಿಗೆ ಪರಿಹಾರ
1.ಲಗೇಜಿಗೆ ಭಾಗಶಃ ಅಥವಾ ಸಂಪೂರ್ಣ ಹಾನಿ ಅಥವಾ ಸಾಮಾನುಗಳನ್ನು ಕಳೆದುಕೊಂಡರೆ, ಪ್ರತಿ ಕೆಜಿಗೆ 75 ರಿಯಾಲ್ ನಂತೆ ಪರಿಹಾರ.
2.ಮೂರು ಗಂಟೆಗಳಿಗಿಂತ ಹೆಚ್ಚು ದೀರ್ಘ ಯಾತ್ರೆಯ ಇಂಟರ್‌ಸಿಟಿ ಬಸ್ ಸೇವೆಯು ರದ್ದುಗೊಂಡರೆ ಅಥವಾ ನಿರ್ಗಮನವು 60 ನಿಮಿಷಗಳಿಗಿಂತ ಹೆಚ್ಚು ವಿಳಂಬವಾಗಿದ್ದರೆ, ಪ್ರಯಾಣಿಕರಿಗೆ ಉಚಿತ ಊಟವನ್ನು ಒದಗಿಸಲಾಗುತ್ತದೆ.
3.ಬಸ್ ಟ್ರಿಪ್ ರದ್ದತಿ ಅಥವಾ ಎರಡು ಗಂಟೆಗಳಿಗಿಂತ ಹೆಚ್ಚು ವಿಳಂಬವಾದರೆ ಪ್ರಯಾಣಿಕರಿಗೆ ಸೂಕ್ತವಾದ ಆಯ್ಕೆಗಳನ್ನು ಆರಿಸಿಕೊಳ್ಳಬಹುದು ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಪರ್ಯಾಯ ಮಾರ್ಗಗಳನ್ನು ಆರಿಸುವ ಮೂಲಕ ಪ್ರಯಾಣವನ್ನು ಮುಂದುವರಿಸಿ ಅಥವಾ ಮಾರ್ಗವನ್ನು ಮರು-ಯೋಜನೆ ಮಾಡಿ. ಇದಲ್ಲದೆ, ಪ್ರಯಾಣವನ್ನು ತ್ಯಜಿಸುವವರಿಗೆ ಟಿಕೆಟ್‌ನ ಸಂಪೂರ್ಣ ಶುಲ್ಕವನ್ನು ಹಿಂತಿರುಗಿಸಲಾಗುತ್ತದೆ.
