ಅಲ್ ಮದೀನಾ ಮಂಜನಾಡಿ: ರಿಯಾದ್ ದೀರ ಕಮಿಟಿಯಿಂದ ಮಾಸಿಕ ಸ್ವಲಾತ್ ಹಾಗೂ ಸನ್ಮಾನ ಕಾರ್ಯಕ್ರಮ

ರಿಯಾದ್: ಅಲ್ ಮದೀನಾ ಇಸ್ಲಾಮಿಕ್ ಕಾಂಪ್ಲೆಕ್ಸ್ ಮಂಜನಾಡಿ ದೀರ ಕಮಿಟಿ ರಿಯಾದ್ ವತಿಯಿಂದ ಮಾಸಿಕ ಸ್ವಲಾತ್ ಹಾಗೂ ಸನ್ಮಾನ ಕಾರ್ಯಕ್ರಮ ರಿಯಾದ್ ಬತ್ತದಲ್ಲಿರುವ ಲಂಹ ಆಡಿಟೋರಿಯಂನಲ್ಲಿ ಗುರುವಾರ ಅಸ್ತಮಿಸಿದ ಶುಕ್ರವಾರ ರಾತ್ರಿ ನಡೆಯಿತು.

ಅಲ್ ಮದೀನ ಸೌದಿ ರಾಷ್ಟ್ರೀಯ ಕಮಿಟಿ ಜೊತೆ ಕಾರ್ಯದರ್ಶಿ ಮುಸ್ತಫ ಲತೀಫಿ ಕಲ್ಕಟ್ಟ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಅಲ್ ಮದೀನ ದೀರ ಕಮೀಟಿ ಅಧ್ಯಕ್ಷರಾದ ರಿಯಾಜ್ ದೇರಳಕಟ್ಟೆ ಅಧ್ಯಕ್ಷತೆ ವಹಿಸಿದ್ದರು.

ಅಬ್ದುಲ್ ಖಾದರ್ ಸಖಾಫಿ ಉಸ್ತಾದ್ ದುವಾ ನೇತೃತ್ವ ವಹಿಸಿ ಮಾತನಾಡಿದರು. ಬಳಿಕ ಉಸ್ತಾದ್ ಅವರಿಗೆ ಶಾಲು ಹೊದಿಸಿ ಸನ್ಮಾನಿಸಲಾಯಿತು. ಸಿದ್ದೀಕ್ ಸಖಾಫಿ ಪೆರ್ವಾಯಿ ಮಾತನಾಡಿದರು.

ಅಲ್ ಮದೀನ ಸೌದಿ ರಾಷ್ಟ್ರೀಯ ಕೋಶಾಧಿಕಾರಿ ಇಬ್ರಾಹಿಂ ದೀರ ಮಂಜನಾಡಿ, ಆರ್ಗಾನೈಸರ್ ಅಬೂಬಕ್ಕರ್ ಉಸ್ತಾದ್, ಕೆಪಿ ಅಬ್ದುಲ್ಲ ಹಾಜಿ ಮಂಜನಾಡಿ, ಬಾವ ಹಾಜಿ ತಟ್ಲ
ಮೂಸ ಹಾಜಿ ಉಪ್ಪಳ ಮತ್ತಿತರರು ಉಪಸ್ಥಿತರಿದ್ದರು. ದೀರ ಯುನಿಟ್ ಕಾರ್ಯದರ್ಶಿ ನಾಸರ್ ಸ್ವಾಗತಿಸಿದರು.