ಎಸ್ ಎಸ್ ಎಫ್ ಗಾಂಧಿನಗರ ಶಾಖೆ: ಧ್ವಜ ದಿನ ಆಚರಣೆ

ಕರ್ನಾಟಕ ರಾಜ್ಯದಲ್ಲಿ ಎಸ್ ಎಸ್ ಎಫ್ ಅಸ್ತಿತ್ವಕ್ಕೆ ಬಂದು 19 ಸೆಪ್ಟಂಬರ್ 2021 ಕ್ಕೆ 32 ವರ್ಷಗಳನ್ನು ಪೂರ್ಣಗೊಳಿಸಿ 33 ನೇ ವರ್ಷಕ್ಕೆ ಪಾದಾರ್ಪಣೆ. ಇದರ ಅಂಗವಾಗಿ ಎಸ್ ಎಸ್ ಎಫ್ ಗಾಂಧಿನಗರ ಶಾಖೆ ವತಿಯಿಂದ ಎಸ್ ಎಸ್ ಎಫ್ ಧ್ವಜ ದಿನಾಚರಣೆಯನ್ನು ಅನ್ಸಾರ್ ಕಾಂಪ್ಲೆಕ್ಸ್ ನಲ್ಲಿ ನಡೆಸಲಾಯಿತು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಶಾಖಾಧ್ಯಕ್ಷರಾದ ಅಬ್ದುಲ್ ರಶೀದ್ ಝೈನಿ ವಹಿಸಿ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಮುಖ್ಯ ಅತಿಥಿಗಳಾದ ಎಸ್ ಎಸ್ ಎಫ್ ಗಾಂಧಿನಗರ ಶಾಖೆಯ ಸ್ಥಾಪಕಾಧ್ಯಕ್ಷರಾದ ರಿಯಾಝ್ ಕೆ ಎ, ಎಸ್ ವೈ ಎಸ್ ಸುಳ್ಯ ನಾಯಕರಾದ ಅಬೂಬಕ್ಕರ್ ಸಿದ್ದೀಕ್ ಕಟ್ಟೆಕಾರ್ಸ್ ಹಾಗೂ ಎಸ್ ವೈ ಎಸ್ ಸುಳ್ಯ ಸೆಂಟರ್ ಕೊಶಾಧಿಕಾರಿ ರಫೀಕ್ ಚಾಯ್ಸ್ ರವರು ಧ್ವಜಾರೋಹಣ ನೆರವೇರಿಸಿದರು.

ಕೆ ಸಿ ಎಫ್ ನಾಯಕರಾದ ಕಬೀರ್ ಜಟ್ಟಿಪಲ್ಲ ರವರು ಎಸ್ ಎಸ್ ಎಫ್ ಧ್ವಜ ದಿನದ ಅಂಗವಾಗಿ ಸಂದೇಶ ಭಾಷಣ ನಡೆಸಿದರು. ಇದೇ ಸಂದರ್ಭದಲ್ಲಿ ಮೊನ್ನೆ ನಮ್ಮನ್ನಗಲಿದ ಕೊಡಗು ಜಿಲ್ಲಾ ಸಹಾಯಕ ಖಾಝಿ ಮೆಹಮೂದ್ ಮುಸ್ಲಿಯಾರ್ ಎಡಪಾಲಂ ಅವರ ಹೆಸರಿನಲ್ಲಿ ತಹಲೀಲ್ ಹಾಗೂ ದುವಾ ಕಾರ್ಯಕ್ರಮ ನಡೆಸಲಾಯಿತು. ಕಾರ್ಯಕ್ರಮದಲ್ಲಿ ಕೆ ಸಿ ಎಫ್ ನಾಯಕರಾದ ಮುನೀರ್, ಸುಳ್ಯ ಡಿವಿಷನ್ ಕಾರ್ಯದರ್ಶಿ ನೌಶಾದ್ ಕೆರೆಮೂಲೆ, ಸುಳ್ಯ ಸೆಕ್ಟರ್ ಅಧ್ಯಕ್ಷ ಸಿದ್ದೀಕ್ ಬಿ ಎ ಶಾಖಾ ಕೊಶಾಧಿಕಾರಿ ಆಬಿದ್ ಕಲ್ಲುಮುಟ್ಲು, ಶಾಖಾ ಸದಸ್ಯರಾದ ಸಾದಿಕ್ ಪಿ ಜಿ, ಬಶೀರ್ ಕಲ್ಲುಮುಟ್ಲು, ಕಮಾಲ್ ಎ ಬಿ ಉಪಸ್ಥಿತರಿದ್ದರು.ಶಾಖಾ ಸದಸ್ಯ ಆರಿಫ್ ಬುಶ್ರಾ ಸ್ವಾಗತಿಸಿ ಶಾಖಾ ಪ್ರಧಾನ ಕಾರ್ಯದರ್ಶಿ ಸಿಯಾದ್ ಜಯನಗರ ವಂದಿಸಿದರು.