janadhvani

Kannada Online News Paper

ನಿಯಂತ್ರಣ ಕಷ್ಟ: ಜೂನ್ 30ರ ವರೆಗೆ ಮಸೀದಿಗಳಲ್ಲಿ ಸಾಮೂಹಿಕ ನಮಾಝ್ ಬೇಡ

ಮಂಗಳೂರು: ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಯಲ್ಲಿ .ಕೊರೊನಾ ವೈರಸ್‌ ರೋಗ ಹೆಚ್ಚುತ್ತಿರುವುದರಿಂದ ಹಾಗೂ ಸರಕಾರ ಸೂಚಿಸಿರುವ ನಿಬಂಧನೆಗಳನ್ನು ಜಾರಿಗೊಳಿಸಲು ಕಷ್ಟವಾಗುವುದರಿಂದ, ಜೂ.30ರ ವರೆಗೆ ಎಲ್ಲಾ ಮಸೀದಿಗಳಲ್ಲಿ ಈಗಿನಂತೆ ಅಝಾನ್‌ ಹಾಗೂ ನಮಾಝನ್ನು ಮುಂದುವರೆಸಿಕೊಂಡು ಹೋಗಬೇಕು ಎಂದು ಆದೇಶಿಸಲಾಗಿದೆ.

ಜೂನ್ 30ರ ವರೆಗೆ ಮಸೀದಿಗಳಲ್ಲಿ ಸಾಮೂಹಿಕ ನಮಾಝ್‌ ನಿರ್ವಹಿಸಬಾರದು ಎಂದು ದಿ ಸೆಂಟ್ರಲ್‌ ಮುಸ್ಲಿಂ ಕಮಿಟಿ ಅಧ್ಯಕ್ಷ ಕೆ.ಎಸ್‌.ಮೊಹಮ್ಮದ್‌ ಮಸೂದ್‌ ಮನವಿ ಮಾಡಿದ್ದಾರೆ.

  • ಮಸೀದಿಗಳಲ್ಲಿ ಸರಕಾರದ ನಿಬಂಧನೆಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು.
  • ಮಸೀದಿಗೆ ನಮಾಝ್‌ ನಿರ್ವಹಿಸಲು ಬಂದವರು ತಮ್ಮ ಮನೆಯಲ್ಲಿಯೇ ವುಝು ಮಾಡಿಕೊಂಡು ಮುಸಲ್ಲ ತೆಗೆದುಕೊಂಡು ಬರಬೇಕು.
  • ಮಸೀದಿಗೆ ಪ್ರವೇಶಿಸುವ ಮುನ್ನ ತಮ್ಮ ಕೈಗಳನ್ನು ಸ್ಯಾನಿಟೈಸರ್‌ ಮೂಲಕ ಸ್ವಚ್ಛಗೊಳಿಸಬೇಕು.
  • ಎಲ್ಲರೂ ಮಾಸ್ಕ್‌ ಉಪಯೋಗಿಸಬೇಕು.
  • ಸರತಿ ಸಾಲಿನಲ್ಲಿ ಒಬ್ಬರಿಂದ ಇನ್ನೊಬ್ಬರಿಗೆ ಆರು ಫೀಟ್‌ ಅಂತರ ಕಾಯ್ದುಕೊಳ್ಳಬೇಕು.
  • ಥರ್ಮೋಮೀಟರ್‌ ಉಪಯೋಗಿಸಿ ನಮಾಝಿಗೆ ಬರುವ ಜನರ ಟೆಂಪರೇಚರನ್ನು ದೃಢಪಡಿಸಬೇಕು.

ಎಂಬ ನಿಯಮಗಳನ್ನು ಹೇರಲಾಗಿದೆ.

60 ವರ್ಷಕ್ಕಿಂತ ಮೇಲ್ಪಟ್ಟವರು, 10 ವರ್ಷಕ್ಕಿಂತ ಕೆಳಗಿನ ಮಕ್ಕಳು ಹಾಗೂ ಕೆಮ್ಮು, ನೆಗಡಿ, ಜ್ವರದಿಂದ ಬಳಲುತ್ತಿರುವವರು ಕಡ್ಡಾಯವಾಗಿ ಮಸೀದಿಗೆ ಬರಬಾರದು. ನಮಾಜ್‌ಗೆ ಬರುವವರ ಹೆಸರು, ವಿಳಾಸ, ಮೊಬೈಲ್‌ ನಂಬರ್ ನೋಂದಾಯಿಸಲು ಒಂದು ರಿಜಿಸ್ಟ್ರಿ ಪುಸ್ತಕವನ್ನು ಇಡಬೇಕು ಎಂದು ಸೂಚಿಸಲಾಗಿದೆ.

ಮಸೀದಿ ಆವರಣದಲ್ಲಿ ಶೌಚಾಲಯಗಳನ್ನು ಬಳಕೆ ಮಾಡಬಾರದು. ಮಸೀದಿಗಳಲ್ಲಿ ಸಿಸಿ ಕ್ಯಾಮೆರಾ ಅಳವಡಿಸಬೇಕು. ಜೂನ್ 30ರ ನಂತರ ಸರಕಾರದ ಆದೇಶವನ್ನು ನೋಡಿ ಮುಂದಿನ ನಿರ್ಧಾರ ತಿಳಿಸಲಾಗುವುದು ಎಂದು ಮಸೂದ್‌ ತಿಳಿಸಿದ್ದಾರೆ

ಜನಧ್ವನಿಗೆ ವಾಟ್ಸಾಪ್ ಮಾಡಿ whatsapp
error: Content is protected !!