ಸಂದರ್ಶನ ಮತ್ತು ವಿನೋದ ಸಂಚಾರಕ್ಕಾಗಿ ಆಗಮಿಸುವವರಿಗೆ ಇ- ನೋಟಿಫಿಕೇಷನ್ ವ್ಯವಸ್ಥೆ

ದೋಹಾ: ಸೌಹಾರ್ದ ಸಂದರ್ಶನ ಮತ್ತು ವಿನೋದ ಸಂಚಾರಕ್ಕಾಗಿ ಆಗಮಿಸುವವರನ್ನು ಖತರ್ ಬರಮಾಡಿಕೊಂಡಿದೆ. ಬೇಸಿಗೆ ಕಾಲದಲ್ಲಿ ಉಲ್ಲಾಸ ಮತ್ತು ಶಾಪಿಂಗ್ ನಡೆಸಲು, ಹಬ್ಬ ಹರಿದಿನಗಳಲ್ಲಿ ಸಂದರ್ಶನ ನಡೆಸಲು ಇಚ್ಛಿಸುವವರಿಗೆ ಸಚಿವಾಲಯವು ಇ- ನೋಟಿಫಿಕೇಷನ್ ವ್ಯವಸ್ಥೆಯನ್ನು ಸಜ್ಜುಗೊಳಿಸಿದೆ.

ಆಗಸ್ಟ್ 16ರ ವರೆಗೆ ಉಲ್ಲಾಸ ಯಾತ್ರಿಕರು, ಅನಿವಾಸಿಗಳ ಬಂಧುಗಳು, ಮಿತ್ರರಿಗೆ ಖತರ್ ಸಂದರ್ಶನಗೈಯ್ಯಲು ಹಾದಿ ಸುಗಮಗೊಳಿಸುವುದು ಇ-ನೋಟಿಫಿಕೇಷನ್‌ನ ಉದ್ದೇಶವಾಗಿದ್ದು, ಸಂಚಾರಿಗಳೊಂದಿಗೆ ಖತರ್‌ಗೆ ಇರುವ ತೆರೆದ ಮನಸ್ಸು ಮತ್ತು ಸಂದರ್ಶಕರ ಅನುಭವಗಳನ್ನು ಉತ್ತಮಗೊಳಿಸಲು ‘ಸಮ್ಮರ್ ಇನ್ ಖತರ್’ ಮೂಲಕ ಸಾಧ್ಯವಿದೆ ಎಂದು ಅಲ್ಲಿನ ಗೃಹಸಚಿವಾಲಯ ನಿರೀಕ್ಷಿಸಿದೆ.

ರಾಷ್ಟ್ರೀಯ ಟೂರೀಸಂ ಕೌನ್ಸಿಲ್ ‌ನ ಸಹಭಾಗಿತ್ವದೊಂದಿಗೆ ಈ ಯೋಜನೆ ರೂಪೀಕರಿಸಲಾಗಿದ್ದು, ಈ ಮೂಲಕ ಎಲ್ಲಾ ರಾಷ್ಟ್ರಗಳಿಂದ ಬರಲಿಚ್ಛಿಸುವವರಿಗೂ ಉಚಿತ ಆನ್ ಅರೈವಲ್ ವಿಸಾ ಲಭಿಸಲಿದೆ. ಅಗಸ್ಟ್ 16ರವರೆಗೆ ಆನ್ ಅರೈವಲ್ ಸೌಕರ್ಯಕ್ಕಾಗಿ http://qatarvisaservices.com ಎಂಬ ವೆಬ್ ಸೈಟ್ ಮೂಲಕ ಅರ್ಜಿ ಸಲ್ಲಿಸಬಹುದಾಗಿದ್ದು, 24 ಗಂಟೆ ಒಳಗಾಗಿ ಸಮ್ಮತಿ ಪತ್ರದ ಕುರಿತು ಮಾಹಿತಿ ಲಭಿಸಲಿದೆ.

ಈ ಹಿಂದೆ ಭಾರತ ಸಹಿತ 83 ರಾಷ್ಟ್ರಗಳಿಗೆ ಉಚಿತ ಆನ್ ಅರೈವಲ್ ವಿಸಾ ಸೌಕರ್ಯಗಳನ್ನು ಏರ್ಪಡಿಸಲಾಗಿತ್ತು. ಈ ಮೂಲಕ ಇತರ ರಾಷ್ಟ್ರಗಳಿಗೂ ವಿಸ್ತರಿಸಲಾಗಿದೆ. ಅನಿವಾಸಿಗಳ ಬಂಧುಗಳು, ಗೆಳೆಯರು ಆಗಿದ್ದಲ್ಲಿ ಮರಳುವ ಟಿಕೆಟ್, ಕಾಲಾವಧಿ ಇರುವ ಇಖಾಮಾ, ಬಂಧುತ್ವದ ಬಗ್ಗೆ ಮಾಹಿತಿ ಹೊಂದಿರಬೇಕು. ಈ ಹಿಂದೆ ಖತರ್‌ನಲ್ಲಿ ಅನಿವಾಸಿ ಜೀವನ ನಡೆಸಿದವರಿಗೂ ಈ ಸೌಕರ್ಯ ಲಭಿಸಲಿದೆ. ವಿನೋದ ಸಂಚಾರಕ್ಕೆ ಖತರ್ ದೇಶವನ್ನು ಆಯ್ಕೆ ಮಾಡುವವರಿಗೆ ಈ ಯೋಜನೆ ಉಪಯುಕ್ತವಾಗಲಿದೆ ಎಂಬುದು ಅಧಿಕಾರಿಗಳ ನಿರೀಕ್ಷೆಯಾಗಿದೆ.

Leave a Reply

Your email address will not be published. Required fields are marked *

error: Content is protected !!