ಅಂತಾರಾಷ್ಟ್ರೀಯ ಸರ್ವೀಸ್‌ಗಳಲ್ಲಿ ದರ ಕಡಿತ – ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ಘೋಷಣೆ

ಜಿದ್ದಾ: ಸೌದಿ ಅರೇಬಿಯಾ ಸೇರಿದಂತೆ ತನ್ನ ಅಂತಾರಾಷ್ಟ್ರೀಯ ವಿಮಾನ ಸೇವೆಗಳಿಗೆ ಶೇಕಡಾ 15 ರವರೆಗೆ ಟಿಕೆಟ್ ದರ ಕಡಿತವನ್ನು ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ಘೋಷಿಸಿದೆ. ಜುಲೈ ಒಂಬತ್ತರವರೆಗೆ ಟಿಕೆಟ್ ಬುಕ್ ಮಾಡುವವರಿಗೆ ಈ ಆಫರ್ ಲಭ್ಯವಿರಲಿದೆ. ರಜಾದಿನಗಳನ್ನು ಆಚರಿಸಲು ತಾಯ್ನಾಡಿಗೆ ಪ್ರಯಾಣಿಸುವ ಪ್ರವಾಸಿಗರಿಗೆ (ಅನಿವಾಸಿಗಳಿಗೆ) ಈ ಪ್ರಕಟಣೆ ದೊಡ್ಡ ಸಮಾಧಾನ ತಂದಿದೆ.

ಇಂದಿನಿಂದಲೇ ಈ ಟಿಕೆಟ್ ದರ ಕಡಿತದ ಸೌಲಭ್ಯ ಲಭ್ಯವಾಗಲಿದೆ. ಮುಂದಿನ ವರ್ಷದ ಮಾರ್ಚ್ 27 ರವರೆಗಿನ ಪ್ರಯಾಣದ ಅವಧಿಗೆ ಈ ರಿಯಾಯಿತಿ ಸಿಗಲಿದೆ. ಇದಕ್ಕಾಗಿ ಜುಲೈ 9 ರ ಒಳಗಾಗಿ ಬುಕ್ಕಿಂಗ್ ಮಾಡಲು ಅವಕಾಶ ಕಲ್ಪಿಸಲಾಗಿದೆ.

ಕಡಿಮೆ ದರ ಮತ್ತು ಸ್ಟ್ಯಾಂಡರ್ಡ್ ದರ ಹೊಂದಿರುವ ‘ಎಕ್ಸ್‌ಪ್ರೆಸ್ ಲೈಟ್’ ಮತ್ತು ‘ಎಕ್ಸ್ ವ್ಯಾಲ್ಯೂ’ ಟಿಕೆಟ್‌ಗಳಲ್ಲಿ ಈ ರಿಯಾಯಿತಿ ಅನ್ವಯಿಸುತ್ತದೆ. ಮೊಬೈಲ್ ಆಪ್ ಹಾಗೂ ಅಧಿಕೃತ ವೆಬ್‌ಸೈಟ್ ಮೂಲಕ ಬುಕ್ ಮಾಡುವವರಿಗೆ ಯಾವುದೇ ಬುಕ್ಕಿಂಗ್ ಶುಲ್ಕವನ್ನು ವಿಧಿಸಲಾಗುವುದಿಲ್ಲ. ಇದರೊಂದಿಗೆ, ಒಂದು ಬಾರಿ ಉಚಿತವಾಗಿ ಪ್ರಯಾಣದ ದಿನಾಂಕವನ್ನು ಬದಲಾಯಿಸಿಕೊಳ್ಳುವ ಅವಕಾಶವನ್ನೂ ನೀಡಲಾಗಿದೆ. ಸೌದಿ ಅರೇಬಿಯಾ, ಯುಎಇ, ಕತಾರ್, ಕುವೈತ್, ಒಮಾನ್, ಬಹ್ರೇನ್, ಸಿಂಗಾಪುರ, ಬ್ಯಾಂಕಾಕ್ ಮತ್ತು ಫುಕೆಟ್ ಸೇರಿದಂತೆ ವಿವಿಧ ಅಂತಾರಾಷ್ಟ್ರೀಯ ವಲಯಗಳ ಪ್ರಯಾಣಕ್ಕೆ ಈ ಆಫರ್ ಅನ್ವಯವಾಗುತ್ತದೆ.