ಸೌದಿ: ಸಂದರ್ಶಕ ವೀಸಾದಲ್ಲಿ ಮಕ್ಕಾ ಪ್ರವೇಶ ನಿಷೇಧ- ಕಾನೂನು ಉಲ್ಲಂಘಿಸಿದ್ದಲ್ಲಿ ಗಡೀಪಾರು

ರಿಯಾದ್: ಸೌದಿ ಅರೇಬಿಯಾದಲ್ಲಿ ವಿಸಿಟ್ ವೀಸಾ ಹೊಂದಿರುವವರು ಗುರುವಾರದಿಂದ ಒಂದು ತಿಂಗಳ ಕಾಲ ಮಕ್ಕಾಕ್ಕೆ ಪ್ರವೇಶಿಸುವುದನ್ನು ಮತ್ತು ತಂಗುವುದನ್ನು ನಿಷೇಧಿಸಲಾಗಿದೆ. ಈ ನಿರ್ಧಾರವು ಎಲ್ಲಾ ರೀತಿಯ ಭೇಟಿ ವೀಸಾಗಳಿಗೆ ಅನ್ವಯಿಸುತ್ತದೆ ಎಂದು ಗೃಹ ಸಚಿವಾಲಯ ತಿಳಿಸಿದೆ.

ಭೇಟಿ ವೀಸಾಗಳನ್ನು ಹೊಂದಿರುವವರು ಮಕ್ಕಾದಲ್ಲಿ ಪ್ರವೇಶಿಸಲು ಅಥವಾ ಉಳಿಯಲು ಅನುಮತಿಸುವುದಿಲ್ಲ.
23 (ಗುರುವಾರ) ರಿಂದ ಜೂನ್ 21 (ಶುಕ್ರವಾರ) ವರೆಗೆ ಒಂದು ತಿಂಗಳ ಕಾಲ ನಿಷೇಧವಿರುತ್ತದೆ. ವಿವಿಧ ಹೆಸರುಗಳಲ್ಲಿರುವ ಸಂದರ್ಶಕರ ವೀಸಾಗಳನ್ನು ಹಜ್ ಮಾಡಲು ಅನುಮತಿ ಎಂದು ಪರಿಗಣಿಸಲಾಗುವುದಿಲ್ಲ.

ಗೃಹ ಸಚಿವಾಲಯದ ಪ್ರಕಾರ, ಕಾನೂನನ್ನು ಉಲ್ಲಂಘಿಸುವವರಿಗೆ ದೇಶದ ಕಾನೂನುಗಳು ಮತ್ತು ಸೂಚನೆಗಳ ಪ್ರಕಾರ ಕಠಿಣ ಶಿಕ್ಷೆಗೆ ಒಳಪಡಲಾಗುತ್ತದೆ ಮತ್ತು ಉಲ್ಲಂಘಿಸುವವರನ್ನು ಗಡಿಪಾರು ಮಾಡಲಾಗುತ್ತದೆ. ಅದೇ ಸಮಯದಲ್ಲಿ, ನುಸುಕ್ ಅಪ್ಲಿಕೇಶನ್ ಮೂಲಕ ಉಮ್ರಾ ಪರವಾನಗಿಗಳನ್ನು ನೀಡುವುದನ್ನು ಸಹ ನಿಲ್ಲಿಸಲಾಗಿದೆ.

ಉಮ್ರಾ ಪರವಾನಿಗೆಗಳನ್ನು ಹಜ್ಜ್ ಬಳಿಕ ಮತ್ತೆ ನೀಡಲಾಗುತ್ತದೆ. ಮಕ್ಕಾದಲ್ಲಿ ದಟ್ಟಣೆಯನ್ನು ನಿಯಂತ್ರಿಸಲು ಮತ್ತು ಯಾತ್ರಿಕರು ತೊಂದರೆಯಿಲ್ಲದೆ ಹಜ್ ಮಾಡಲು ಅನುವು ಮಾಡಿಕೊಡಲು ಕಾನೂನನ್ನು ಬಿಗಿಗೊಳಿಸಲಾಗಿದೆ ಎಂದು ಗೃಹ ಸಚಿವಾಲಯ ತಿಳಿಸಿದೆ. ಮಕ್ಕಾ ಪ್ರವೇಶ ದ್ವಾರಗಳಲ್ಲೂ ತಪಾಸಣೆಯನ್ನು ಬಿಗಿಗೊಳಿಸಲಾಗಿದೆ.