ಶಾರ್ಜಾದಲ್ಲಿರುವ ವಸ್ತುಸಂಗ್ರಹಾಲಯಗಳಿಗೆ ಮಾರ್ಚ್ 3 ರವರೆಗೆ ಉಚಿತ ಪ್ರವೇಶ

ಶಾರ್ಜಾ | ಶಾರ್ಜಾದಲ್ಲಿರುವ ವಸ್ತುಸಂಗ್ರಹಾಲಯಗಳು ಮಾರ್ಚ್ 3 ರವರೆಗೆ ಸಾರ್ವಜನಿಕರಿಗೆ ಉಚಿತ ಪ್ರವೇಶವನ್ನು ನೀಡುತ್ತಿವೆ. ಶಾರ್ಜಾ ಮ್ಯೂಸಿಯಂ ಪ್ರಾಧಿಕಾರವು ಶಾರ್ಜಾ ಫೋರ್ಟ್ (ಅಲ್ ಹಿನ್), ಶಾರ್ಜಾ ಕ್ಯಾಲಿಗ್ರಫಿ ಮ್ಯೂಸಿಯಂ, ಬೈತ್ ಅಲ್ ನಬೂದಾ ಮತ್ತು ಹಿಸ್ನ್ ಖೋರ್ಫಾಕನ್ ಮುಂತಾದ ವಸ್ತುಸಂಗ್ರಹಾಲಯಗಳಿಗೆ ಉಚಿತ ಪ್ರವೇಶವನ್ನು ಅನುಮತಿಸಲಾಗಿದೆ.

ಇದಲ್ಲದೆ, ಫೆಬ್ರವರಿ 28 ರಂದು ದಿಬ್ಬಾ ಅಲ್ ಹಿಸ್ನ್ ನಲ್ಲೂ, ಮಾರ್ಚ್ 1 ಮತ್ತು 3 ರಂದು ಹಾರ್ಟ್ ಆಫ್‌ ಶಾರ್ಜಾದಲ್ಲೂ ‘ಮ್ಯೂಸಿಯಮ್ಸ್ ಎಕ್ಸ್‌ಪ್ರೆಸ್‌’ ಎಂಬ ಮೊಬೈಲ್‌ ಬಸ್‌ ಪ್ರವಾಸವನ್ನು ನಡೆಸಲಿದೆ. ಮ್ಯೂಸಿಯಮ್ಸ್ ಎಕ್ಸ್‌ಪ್ರೆಸ್‌, ಪ್ರವಾಸಿಗರನ್ನು ವಿವಿಧ ಶಾರ್ಜಾ ಮ್ಯೂಸಿಯಂ ಸಂಗ್ರಹಣೆಗಳ ಮೂಲಕ ಪ್ರಯಾಣಿಸಲು ಅನುವು ಮಾಡಿಕೊಡುತ್ತದೆ.

ಸಂದರ್ಶಕರು ಪರಂಪರೆ ಮತ್ತು ಇತಿಹಾಸದ ಶ್ರೀಮಂತಿಕೆಯಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಳ್ಳಲು ಸಹಾಯ ಮಾಡುವ ವಿವಿಧ ಕಾರ್ಯಾಗಾರಗಳಲ್ಲಿ ಭಾಗವಹಿಸಬಹುದು. ಇದು ಶಾರ್ಜಾ ಫೋರ್ಟ್ (ಅಲ್ ಹಿನ್) ನಲ್ಲಿರುವ ಅಲ್ ಹಿಸ್ನ್ ಟವರ್ಸ್ ಕಾರ್ಯಾಗಾರವನ್ನು ಒಳಗೊಂಡಿದೆ.

1845 AD ನಲ್ಲಿ ನಿರ್ಮಿಸಲಾದ ಬೈತ್ ಅಲ್ ನಬೂದಾ ರೋಮನ್-ಪ್ರೇರಿತ ಮರದ ಸ್ತಂಭಗಳು ಮತ್ತು ಸಂಕೀರ್ಣವಾದ ಅಲಂಕರಣವನ್ನು ಒಳಗೊಂಡಿರುವ ಅದರ ಸೊಗಸಾದ ಪರಂಪರೆಯ ವಾಸ್ತುಶಿಲ್ಪಕ್ಕೆ ಹೆಸರುವಾಸಿಯಾಗಿದೆ. ಇಲ್ಲಿ ಜಿಪ್ಸಮ್‌ನಲ್ಲಿ ಹೂವಿನ ಮತ್ತು ಜ್ಯಾಮಿತೀಯ ವಿನ್ಯಾಸಗಳನ್ನು ಚಿತ್ರಿಸುವ ಕುರಿತು ಕಾರ್ಯಾಗಾರವನ್ನು ಆಯೋಜಿಸಲಾಗುತ್ತದೆ. ಇಲ್ಲಿ ‘ಆರ್ಕಿಟೆಕ್ಚರಲ್ ಡೆಕೋರೇಷನ್ ಇನ್ ದಿ ಎಮಿರೇಟ್ ಆಫ್‌ ಶಾರ್ಜಾ’ ಎಂಬ ಶೀರ್ಷಿಕೆಯ ಛಾಯಾಚಿತ್ರ ಪ್ರದರ್ಶನವೂ ನಡೆಯಲಿದೆ.

ಶಾರ್ಜಾ ಕ್ಯಾಲಿಗ್ರಫಿ ಮ್ಯೂಸಿಯಂ ‘ಲೆಟರ್ ಪೆಂಡೆಂಟ್’ ಕಾರ್ಯಾಗಾರವನ್ನು ಸಹ ಆಯೋಜಿಸುತ್ತದೆ. ಫೋನ್‌ಗಳು, ಬ್ಯಾಗ್‌ಗಳು ಮುಂತಾದವುಗಳನ್ನು ಅಲಂಕರಿಸಲು ವರ್ಣರಂಜಿತ ತಂತಿಗಳು, ಹೊಳೆಯುವ ಮುತ್ತುಗಳು ಮತ್ತು ಸುಂದರವಾದ ಅರೇಬಿಕ್ ಅಕ್ಷರಗಳೊಂದಿಗೆ ಅನನ್ಯ ಪೆಂಡೆಂಟ್‌ಗಳನ್ನು ಹೇಗೆ ಮಾಡಬೇಕೆಂದು ಇದು ಎಕಲಿಸುತ್ತದೆ. ಅರಬ್ ಆಚರಣೆ ಮತ್ತು ಸಂಪ್ರದಾಯಗಳನ್ನು ಪ್ರದರ್ಶಿಸುವ ಕಾರ್ಯಾಗಾರವು ಶಾರ್ಜಾ ಹೆರಿಟೇಜ್‌ ಮ್ಯೂಸಿಯಂನಲ್ಲಿ ನಡೆಯಲಿದೆ.

ಕಲ್ಪಾದಲ್ಲಿರುವ ಬೈತ್ ಶೈಖ್ ಸಯೀದ್ ಬಿನ್ ಹಮದ್‌ ಅಲ್ ಖಾಸಿಮಿ ಮ್ಯೂಸಿಯಂನಲ್ಲಿ ‘ಜ್ಯೋಮೆಟ್ರಿಕ್ ಆಂಡ್ ಫ್ಲೋರಲ್ ಆಭರಣಗಳು’ ಎಂಬ ಶೀರ್ಷಿಕೆಯ ಛಾಯಾಚಿತ್ರ ಪ್ರದರ್ಶನ ನಡೆಯಲಿದೆ.ವಸ್ತುಸಂಗ್ರಹಾಲಯಗಳು ಶನಿವಾರದಿಂದ ಗುರುವಾರದವರೆಗೆ ಬೆಳಿಗ್ಗೆ 8 ರಿಂದ ರಾತ್ರಿ 8 ರವರೆಗೆ ಮತ್ತು ಶುಕ್ರವಾರ ಸಂಜೆ 4 ರಿಂದ ರಾತ್ರಿ 8 ರವರೆಗೆ ತೆರೆದಿರುತ್ತವೆ.