ಸೌದಿ: ಇಖಾಮಾ ಅವಧಿ ಮುಗಿದಿದ್ದರೆ ಫೈನಲ್ ಎಕ್ಸಿಟ್ ಲಭಿಸದು- ಜವಾಝಾತ್

ರಿಯಾದ್: ಇಖಾಮಾ ಅವಧಿ ಮುಗಿದವರಿಗೆ ಫೈನಲ್ ಎಕ್ಸಿಟ್ ಪಡೆಯಲು ಸಾಧ್ಯವಿಲ್ಲ ಎಂದು ಜವಾಝಾತ್ ಹೇಳಿದೆ. ವಲಸಿಗರೊಬ್ಬರ ಪ್ರಶ್ನೆಗೆ ಜವಾಝಾತ್ ಈ ರೀತಿ ಉತ್ತರಿಸಿದೆ.

ಪ್ರಶ್ನೆ: ಕಳೆದ ವಾರ ನನ್ನ ಇಖಾಮಾ ಅವಧಿ ಮುಗಿದಿದೆ. ಈಗ ಅಂತಿಮ ನಿರ್ಗಮನಕ್ಕೆ ಹೋಗಲು ಬಯಸುತ್ತೇನೆ. ಇಕಾಮಾವನ್ನು ನವೀಕರಿಸದೆ ನಾನು ಅಂತಿಮ ನಿರ್ಗಮನವನ್ನು ಪಡೆಯಬಹುದೇ?

ಉತ್ತರ: ಇಖಾಮಾವನ್ನು ನವೀಕರಿಸದೆ ಅಂತಿಮ ನಿರ್ಗಮನವನ್ನು ಪಡೆಯಲು ಸಾಧ್ಯವಿಲ್ಲ. ಇಖಾಮಾ ಮಾನ್ಯವಾಗಿದ್ದರೆ ಮಾತ್ರ ಅಂತಿಮ ನಿರ್ಗಮನವನ್ನು ಪಡೆಯಲಾಗುತ್ತದೆ. ಇಖಾಮಾ ಅವಧಿ ಮುಗಿದಿದ್ದರೆ, ಅದನ್ನು ನವೀಕರಿಸಲು 500 ರಿಯಾಲ್‌ಗಳ ದಂಡವನ್ನು ಪಾವತಿಸಬೇಕು. ನಿಮ್ಮ ಇಖಾಮಾವನ್ನು ಮೊದಲ ಬಾರಿಗೆ ನವೀಕರಿಸುವುದಾದಲ್ಲಿ 500 ರಿಯಾಲ್ ದಂಡ. ಇದಕ್ಕೂ ಮುನ್ನ ಅವಧಿ ಮುಗಿದು ನವೀಕರಿಸಿದ್ದಲ್ಲಿ 1000 ರಿಯಾಲ್ ದಂಡ. ದಂಡವನ್ನು ಪಾವತಿಸಿದ ನಂತರ, ನಿಮ್ಮ ಇಖಾಮಾವನ್ನು ಕನಿಷ್ಠ ಮೂರು ತಿಂಗಳ ಅವಧಿಗೆ ನವೀಕರಿಸಬಹುದು. ಅದರ ನಂತರ ನೀವು ಅಂತಿಮ ನಿರ್ಗಮನವನ್ನು ಪಡೆಯಬಹುದು. ಎಂದು ಜವಾಝಾತ್ ಹೇಳಿದೆ.