ರಿಯಾದ್: ಮದೀನಾದಲ್ಲಿ ಮಸ್ಜಿದುನ್ನಬವಿಗೆ (ಪ್ರವಾದಿ ಮಸೀದಿ) ಆಗಮಿಸುವ ವಿಶ್ವಾಸಿಗಳ ಸಂಖ್ಯೆಯಲ್ಲಿ ಭಾರೀ ಏರಿಕೆ. ಆರು ದಿನಗಳಲ್ಲಿ 50 ಲಕ್ಷಕ್ಕೂ ಹೆಚ್ಚು ವಿಶ್ವಾಸಿಗಳು ಮಸ್ಜಿದುನ್ನಬವಿಗೆ ತಲುಪಿದರು. ಶಾಲಾ ರಜೆಗಳು ಮತ್ತು ಉತ್ತಮ ಹವಾಮಾನವು ಜನದಟ್ಟಣೆಗೆ ಕಾರಣವಾಗಿದೆ.
ಈ ತಿಂಗಳ 15 ರಿಂದ 20 ರ ಅವಧಿಯಲ್ಲಿ 50 ಲಕ್ಷ ವಿಶ್ವಾಸಿಗಳು ಮದೀನಾದ ಪ್ರವಾದಿ ಮಸೀದಿಗೆ ಆಗಮಿಸಿದ್ದಾರೆ. ಮಸ್ಜಿದುನ್ನಬವಿ ಅಧಿಕೃತರು ವಿಶ್ವಾಶಿಗಳಿಗೆ ತೊಂದರೆಯಾಗದಂತೆ ಪ್ರಾರ್ಥನೆ ನಿರ್ವಹಿಸಲು ಬೇಕಾದ ಎಲ್ಲಾ ವ್ಯವಸ್ಥೆಗಳನ್ನು ಮಾಡಲಾಗಿದೆ ಎಂದು ತಿಳಿಸಿದ್ದಾರೆ. ಈ ಅವಧಿಯಲ್ಲಿ, 1,35,242 ಮಂದಿಗೆ ರೌಳಾ ಷರೀಫ್ನಲ್ಲಿ ಪ್ರಾರ್ಥನೆ ಮಾಡಲು ಅವಕಾಶ ನೀಡಲಾಗಿದೆ.
ಅಲ್ಲದೆ 4,67,221 ಸಂದರ್ಶಕರಿಗೆ ಪ್ರವಾದಿ ರೌಳಾ ಮತ್ತು ಅವರ ಸಹಚರರ ಸಮಾಧಿಗಳಲ್ಲಿ ಸಲಾಮ್ ನೀಡಲು ಅವಕಾಶ ನೀಡಲಾಗಿದೆ. 16,772 ಕ್ಕೂ ಹೆಚ್ಚು ಜನರು ವಿಶೇಷವಾಗಿ ವೃದ್ಧರಿಗಾಗಿ ವಿನ್ಯಾಸಗೊಳಿಸಲಾದ ಸೌಲಭ್ಯಗಳನ್ನು ಬಳಸಿದ್ದಾರೆ. ಉಪವಾಸ ನಿರತರಿಗೆ 119,400 ಬಾಟಲ್ ಝಂಝಂ ನೀರು ಮತ್ತು ಇಫ್ತಾರ್ ಆಹಾರವನ್ನು ವಿತರಿಸಲಾಗಿದೆ. ಅಲ್ಲದೆ, ವಸ್ತುಪ್ರದರ್ಶನ, ಗ್ರಂಥಾಲಯ ಮತ್ತು ಸಾರಿಗೆ ಸೇವೆಗಳನ್ನು ಸಹ ವಿಶ್ವಾಸಿಗಳು ಬಳಸಿಕೊಂಡರು. ಜನದಟ್ಟಣೆಯಿಂದ ಭದ್ರತೆ, ಸೇವೆ, ತುರ್ತು ಮತ್ತು ಸ್ವಯಂಸೇವಾ ಆರೋಗ್ಯ ವಿಭಾಗಗಳ ಚಟುವಟಿಕೆಗಳನ್ನು ಬಲಪಡಿಸಲಾಗಿದೆ ಎಂದು ಮಸ್ಜಿದುನ್ನಬವಿ ಏಜೆನ್ಸಿ ಮಾಹಿತಿ ನೀಡಿದೆ.
ಇನ್ನಷ್ಟು ಸುದ್ದಿಗಳು
ಜಿಸಿಸಿ: ಮಾದಕ ಜಾಲದ ವಿರುದ್ಧ ಮತ್ತಷ್ಟು ಕಠಿಣ ನಿಯಮ- ಮರಣದಂಡನೆ ಶಿಕ್ಷೆ
ಮಕ್ಕಾದಲ್ಲಿ ಹಜ್ ನಿಯಮ ಉಲ್ಲಂಘನೆ: ನೂರಾರು ವಿದೇಶಿಯರ ಬಂಧನ
ಯುಎಇ: ವೈಯಕ್ತಿಕ ವಾಟ್ಸಾಪ್ ಚಾಟ್ ಮತ್ತು ಫಾರ್ವರ್ಡ್ಗಳಿಗೂ ಸೈಬರ್ ಕಾನೂನು ಅನ್ವಯ
ಸೌದಿ: ಪಾರ್ಕ್ನಲ್ಲಿ ಆಟವಾಡುತ್ತಿದ್ದಾಗ ವಿದ್ಯುತ್ ಶಾಕ್- ಆರು ವರ್ಷದ ಬಾಲಕ ಮೃತ್ಯು
ಪ್ರಯಾಣಿಕರ ಸಂಕಷ್ಟಕ್ಕೆ ತೆರೆ: ಕುವೈತ್ ವಿಮಾನ ನಿಲ್ದಾಣದ ಕಾರ್ಯಾಚರಣೆ ಪುನಾರಂಭ
ಶುಭ ಸುದ್ದಿ : ಭಾರತ ಸೇರಿದಂತೆ ಪ್ರಮುಖ ಮಾರ್ಗಗಳಲ್ಲಿ ಲಗೇಜ್ ಮಿತಿ ಹೆಚ್ಚಳ
ಆರು ವಿಭಾಗ ಜನರಿಗೆ ಮಕ್ಕಾ ಪ್ರವೇಶಕ್ಕೆ ಅನುಮತಿ- ಅಬ್ಶೀರ್ ಮೂಲಕ ಅರ್ಜಿ ಸಲ್ಲಿಸಲು ಅವಕಾಶ
ಶುಭ ಸುದ್ದಿ: ಕತಾರ್ನಲ್ಲಿ ವಿಮಾನ ಸೇವೆಗಳು ಯಥಾಸ್ಥಿತಿಗೆ
ಹಜ್ ಯಾತ್ರಿಕರಿಗೆ ಲಗೇಜ್ ರಹಿತ ಪ್ರಯಾಣ- ಸೌದಿ ಸಚಿವಾಲಯದ ಹೊಸ ಯೋಜನೆ
ಸೌದಿ: ವೀಸಾ ಅವಧಿ ಮುಕ್ತಾಯ- ಸ್ವದೇಶಕ್ಕೆ ಮರಳಲಾಗದೆ ಸಾವಿರಾರು ಮಂದಿ ಸಂಕಷ್ಟದಲ್ಲಿ