ಗೃಹ ಕಾರ್ಮಿಕರ ನೇಮಕಾತಿ ಒಪ್ಪಂದ – ವಿಮೆ ಮಾಡಿಸುವ ಕೆಲಸ ಉದ್ಯೋಗದಾತರ ಹೆಗಲಿಗೆ

ರಿಯಾದ್: ಸೌದಿ ಅರೇಬಿಯಾದಲ್ಲಿ ಹೌಸ್ ಡ್ರೈವರ್‌ಗಳು ಸೇರಿದಂತೆ ಗೃಹ ಕಾರ್ಮಿಕರ ನೇಮಕಾತಿ ಒಪ್ಪಂದಗಳನ್ನು ವಿಮೆ ಮಾಡುವ ಕೆಲಸವನ್ನು ಉದ್ಯೋಗದಾತರಿಗೆ ವಹಿಸಲಾಗಿದೆ. ಮೊದಲು, ನೇಮಕಾತಿ ಸಂಸ್ಥೆಗಳು ಕೆಲಸಗಾರರನ್ನು ನೇಮಿಸಿಕೊಳ್ಳುವ ಒಪ್ಪಂದದ ವಿಮೆ ಮಾಡುವ ಜವಾಬ್ದಾರಿಯನ್ನು ಹೊಂದಿದ್ದವು. ಆದರೆ ಸೋಮವಾರದಿಂದ ಅದನ್ನು ಮಾಲೀಕರಿಗೆ ವರ್ಗಾಯಿಸಲಾಯಿತು. ಹೊಸ ಬದಲಾವಣೆಯ ಪ್ರಕಾರ, ಉದ್ಯೋಗದಾತರು ಮತ್ತು ವಿಮಾ ಕಂಪನಿಗಳು ನೇಮಕಾತಿ ಒಪ್ಪಂದದ ವಿಮಾ ಪ್ರಕ್ರಿಯೆಯನ್ನು ನೇರವಾಗಿ ಪೂರ್ಣಗೊಳಿಸಬೇಕು.

ಇದಕ್ಕೆ ಸಂಬಂಧಿಸಿದ ತಾಂತ್ರಿಕ ಸಮಸ್ಯೆಗಳನ್ನು ಪರಿಹರಿಸುವ ಮೂಲಕ ಮುಸಾನಿದ್ ವೇದಿಕೆಯು ಉದ್ಯೋಗದಾತರಿಗೆ ನೇರವಾಗಿ ಇದನ್ನು ಮಾಡಲು ಅನುಕೂಲ ಮಾಡಿಕೊಟ್ಟಿದೆ. ನೇಮಕಾತಿ ಕಂಪನಿಗಳು ಮತ್ತು ಕಚೇರಿಗಳ ಕಾರ್ಯವಿಧಾನಗಳನ್ನು ನಜ್ಮ್ ಕಂಪನಿಯು ಸ್ವಯಂಚಾಲಿತವಾಗಿ ಪೂರ್ಣಗೊಳಿಸುತ್ತದೆ.

ಕೆಲಸಗಾರರು ಪಲಾಯನಗೊಂಡರೆ ಅಥವಾ ಕೆಲಸ ಮಾಡಲು ನಿರಾಕರಿಸಿದರೆ ನೇಮಕಾತಿ ವೆಚ್ಚಗಳು ಉದ್ಯೋಗದಾತರಿಗೆ ಲಭಿಸಲು ನೇಮಕಾತಿ ಒಪ್ಪಂದಕ್ಕೆ ವಿಮೆ ಮಾಡಲಾಗುತ್ತದೆ. ವಿವಿಧ ವಿಮಾ ಕಂಪನಿಗಳು ಇದಕ್ಕಾಗಿ ವಿವಿಧ ದರಗಳನ್ನು ವಿಧಿಸುತ್ತವೆ. 2 ವರ್ಷಗಳ ಪಾಲಿಸಿಗಾಗಿ ಕಂಪನಿಗಳು 600 ರಿಯಾಲ್‌ಗಳಿಂದ 2,000 ರಿಯಾಲ್‌ಗಳ ನಡುವೆ ಶುಲ್ಕ ವಿಧಿಸುತ್ತವೆ.