ಸೌದಿ: ತಾತ್ಕಾಲಿಕ ಕೆಲಸದ ವೀಸಾಗಳಿಗೆ ಇಖಾಮಾ ಅಗತ್ಯವಿಲ್ಲ- ‘ಖಿವಾ’ ಸ್ಪಷ್ಟನೆ

ರಿಯಾದ್: ತಾತ್ಕಾಲಿಕ ಕೆಲಸದ ವೀಸಾದಲ್ಲಿ ಸೌದಿ ಅರೇಬಿಯಾಕ್ಕೆ ಬರುವವರಿಗೆ ಇಖಾಮಾ (ನಿವಾಸಿ ಪರವಾನಗಿ) ಮತ್ತು ಕೆಲಸದ ಪರವಾನಗಿ ಅಗತ್ಯವಿಲ್ಲ ಎಂದು ಖಿವಾ ವೇದಿಕೆ (Qiwa Platform) ಸ್ಪಷ್ಟಪಡಿಸಿದೆ.

ಮಾನವ ಸಂಪನ್ಮೂಲ ಮತ್ತು ಸಾಮಾಜಿಕ ಅಭಿವೃದ್ಧಿ ಸಚಿವಾಲಯದ(Saudi Ministry of Human Resources and Social Development) ಅಧೀನದಲ್ಲಿರುವ ಖಿವಾ ವೇದಿಕೆಯು ವ್ಯಕ್ತಿಯೊಬ್ಬರು ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯಿಸಿ ಇದನ್ನು ಸ್ಪಷ್ಟಪಡಿಸಿದೆ. ಅಂತಹ ವೀಸಾ ಹೊಂದಿರುವವರನ್ನು ದೇಶದ ಅನಿವಾಸಿಗಳೆಂದು ಪರಿಗಣಿಸಲಾಗುವುದಿಲ್ಲ.

ತಾತ್ಕಾಲಿಕ ಕೆಲಸದ ವೀಸಾದಲ್ಲಿ ಬರುವ ವ್ಯಕ್ತಿಗೆ ನಿರ್ದಿಷ್ಟ ಅವಧಿಗೆ ಮಾತ್ರ ದೇಶದಲ್ಲಿ ಕೆಲಸ ಮಾಡಲು ಅವಕಾಶವಿದೆ. ಅದನ್ನು ನೀಡುವುದರಿಂದ ಸಂಸ್ಥೆಯ ನಿತಾಖಾತ್ ಸ್ಥಿತಿಯ ಮೇಲೆ ಪರಿಣಾಮ ಬೀರುವುದಿಲ್ಲ. ದೇಶೀಕರಣದ ಅನುಸರಣೆ ಹೆಚ್ಚಿರುವಾಗ ಮಾತ್ರ ತಾತ್ಕಾಲಿಕ ವೀಸಾಗಳನ್ನು ನೀಡಲಾಗುತ್ತದೆ. ಅಂತಹ ವೀಸಾಗಳನ್ನು ಇದೇ ಅವಧಿಗೆ ವಿಸ್ತರಿಸಬಹುದು ಎಂದು ಖಿವಾ ಪ್ಲಾಟ್‌ಫಾರ್ಮ್ ಹೇಳಿದೆ.