ಕೇಶವ ಕೃಪಾದ ಸ್ಮೃತಿ ಪಾಠಗಳನ್ನು ಮದರಸದಲ್ಲಿ ಭೋಧಿಸಲಾಗುವುದಿಲ್ಲ- ಕೆ.ಅಶ್ರಫ್ ಮುಸ್ಲಿಮ್ ಒಕ್ಕೂಟ

ಮಂಗಳೂರು: ಇತ್ತೀಚೆಗೆ ಶಾಸಕರಾದ ರೇಣುಕಾಚಾರ್ಯ ಕೇಶವ ಕೃಪಾ ಪೋಷಿತ ಹೇಳಿಕೆಗಳನ್ನು ನೀಡುವ ಭರದಲ್ಲಿ ಮದರಸಗಳನ್ನು ನಿಷೇಧಿಸಬೇಕು, ಮದರಾಸದಲ್ಲಿ ಭಯೋತ್ಪಾದನೆ ಕಲಿಸಲಾಗುತ್ತದೆ ಎಂದು ಮತೀಯ ವಿದ್ವೇಶಕ ಹೇಳಿಕೆ ನೀಡಿರುತ್ತಾರೆ.

ಮದರಸಗಳು ಹಿಂದೆ ಸ್ವಾತಂತ್ಯ ಸಂಗ್ರಾಮದ ಚಟುವಟಿಕೆ ಕೇಂದ್ರಗಳಾಗಿದ್ದವು ಎಂದು ಚರಿತ್ರೆಯನ್ನು ಅವಲೋಕಿಸಿ ನೋಡಿ ಕೊಳ್ಳುವುದು ಒಳಿತು. ಮದರಸಗಳು ಇಂದು ನೈಜ ಭಾರತೀಯ ದೇಶ ಪ್ರೇಮಿ ಪ್ರಜೆಗಳನ್ನು ಸೃಷ್ಟಿಸುತ್ತಿದೆ. ಧರ್ಮ ನಿಷ್ಠೆಯ, ನೈತಿಕ ಬೋಧನೆಯ ಸಚಾರಿತ್ರ್ಯದ ಪ್ರಜೆಗಳಾಗಿ ಮಾದರಿ ನಾಗರಿಕರನ್ನಾಗಿ ರೂಪಿಸುವ ಕಾರ್ಯವನ್ನು ಯಶಸ್ವಿಯಾಗಿ ಮಾಡುತ್ತಿದೆ.

ರೇಣುಕಾಚಾರ್ಯ ತಿಳಿಯಲಿ, ಭಾರತದ ಸ್ವಾತಂತ್ರ್ಯ ದಿನಾಚರಣೆಯನ್ನು ಹೆಚ್ಚಿನ ಮದರಸ ಕೇಂದ್ರಿತ ಸಂಸ್ಥೆಗಳಲ್ಲಿ ಆಚರಿಸಲಾಗುತ್ತಿದೆ. ತ್ರಿವರ್ಣ ಧ್ವಜದ ಘನತೆಯನ್ನು ಎತ್ತಿ ಹಿಡಿಯಲು ಭಾರತದ ಪ್ರತಿ ಮದರಸಗಳು ಬದ್ದವಾಗಿದೆ. ಆದರೆ ಕೇಶವ ಕೃಪಾದಲ್ಲಿ ಕಲಿಸಲಾಗುವ ಸ್ಮೃತಿ ಪಾಠಗಳನ್ನು ಮದರಸದಲ್ಲಿ ಭೋಧಿಸಲಾಗುವುದಿಲ್ಲ. ಅದರಂತೆಯೇ ಮುಗ್ದ ಮಕ್ಕಳಿಗೆ ಸಂಘಗಳಲ್ಲಿ ಕಲಿಸುವ ತಲವಾರು ತರಬೇತಿಯನ್ನು ಮದರಸದಲ್ಲಿ ಭೋಧಿಸಲಾಗುವುದಿಲ್ಲ. ಮದರಸ ಗಳು ಜನವಸತಿ ಕೇಂದ್ರಗಳಲ್ಲಿ ಅಸ್ತಿತ್ವವಿದೆ. ಸಂಘದ ಪಾಠ ಮಾಡುವ ನಿರ್ಜನ ಮೈದಾನದ ಹಾಗೆ ಅಲ್ಲ. ರೇಣುಕಾಚಾರ್ಯ ಅರಿಯಲಿ.

ಕೆ.ಅಶ್ರಫ್.
ಅಧ್ಯಕ್ಷರು.ದ.ಕ.ಜಿಲ್ಲಾ ಮುಸ್ಲಿಮ್ ಒಕ್ಕೂಟ.