ದುಬೈ: ಮಿತಿಮೀರಿದ ವೇಗಕ್ಕಾಗಿ ಪಾವತಿಸಲಾಗುವ ಟ್ರಾಫಿಕ್ ದಂಡವನ್ನು ಕೈಬಿಡಲಾಗಿದೆ ಎಂಬಂತೆ ಸೋಶಿಯಲ್ ಮೀಡಿಯಾದಲ್ಲಿ ಹರಡಲಾದ ವದಂತಿಗಳನ್ನು ದುಬೈ ಪೊಲೀಸರು ನಿರಾಕರಿಸಿದ್ದಾರೆ.
ದುಬೈ ಪೊಲೀಸರಿಂದ ಸೌದಿ ಅರೇಬಿಯನ್ ಪ್ರಜೆಗೆ ಬಂದಿದೆ ಎನ್ನಲಾದ ಸಂದೇಶ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ಹಿನ್ನೆಲೆಯಲ್ಲಿ ಈ ಸ್ಪಷ್ಟನೆ ನೀಡಲಾಗಿದೆ. ಅತಿಯಾದ ದಂಡದಿಂದ ವಿನಾಯಿತಿ ನೀಡಿರುವುದಾಗಿ ಅರೇಬಿಕ್ ಭಾಷೆಯಲ್ಲಿ ಬರೆದ ಸಂದೇಶದ ಫೋಟೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪ್ರಸಾರ ಮಾಡಲಾಗಿದೆ. ಆದರೆ ವೈರಲ್ ಸಂದೇಶದ ಫೋಟೋ ಇತ್ತೀಚಿನದಲ್ಲ ಎನ್ನಲಾಗಿದೆ.
ಸದ್ರಿ ಫೋಟೋ 10 ವರ್ಷಗಳ ಹಿಂದೆ ದುಬೈ, ಪ್ರವಾಸಿಗರನ್ನು ಸಂತೋಷಪಡಿಸುವ ಯೋಜನೆಯ ಭಾಗವಾಗಿ ನೀಡಲಾದ ಸಂದೇಶವಾಗಿದೆ ಎಂದು ದುಬೈ ಪೊಲೀಸ್ ಭದ್ರತಾ ಮಾಧ್ಯಮ ವಿಭಾಗದ ನಿರ್ದೇಶಕ ಕರ್ನಲ್ ಫೈಸಲ್ ಅಲ್ ಖಾಸಿಮ್ ಹೇಳಿದ್ದಾರೆ. ಅದರಲ್ಲಿರುವ ದುಬೈ ಪೊಲೀಸ್ ಲಾಂಛನ ಕೂಡ ಹಳೆಯದಾಗಿದೆ.
ದುಬೈ ಪೊಲೀಸರು ತಮ್ಮ ಎಲ್ಲಾ ಉಪಕ್ರಮಗಳನ್ನು ತಮ್ಮ ಅಧಿಕೃತ ಚಾನೆಲ್ಗಳ ಮೂಲಕ ಪ್ರಕಟಿಸಲಿದ್ದಾರೆ. ಅನಧಿಕೃತ ಮೂಲಗಳಿಂದ ನಕಲಿ ಸುದ್ದಿಗಳನ್ನು ಹಂಚಿಕೊಳ್ಳಬಾರದು ಅಥವಾ ಹರಡಬಾರದು ಎಂದು ಕರ್ನಲ್ ಫೈಸಲ್ ಸಾಮಾಜಿಕ ಮಾಧ್ಯಮ ಬಳಕೆದಾರರಿಗೆ ಎಚ್ಚರಿಕೆ ನೀಡಿದರು.
ಈ ವರ್ಷದ ಆರಂಭದಲ್ಲಿ, ಸಹಿಷ್ಣುತೆ ವರ್ಷ ಪ್ರಯುಕ್ತ ಟ್ರಾಫಿಕ್ ದಂಡವನ್ನು ತೆಗೆದುಹಾಕಲು ದುಬೈ ಪೊಲೀಸರು ಸೆಟಲ್ ಯುವರ್ ಫೈನ್ಸ್ ಯೋಜನೆಯನ್ನು ಪ್ರಾರಂಭಿಸಿದ್ದರು. ಅದರಂತೆ, ಈ ವರ್ಷ ಯಾವುದೇ ಸಂಚಾರ ದಂಡವನ್ನು ಪಡೆಯದಿದ್ದರೆ, ಸಂಚಾರ ದಂಡದ ಸಂಪೂರ್ಣವಾಗಿ ಮನ್ನಾ ಆಗುತ್ತದೆ. ರಿಯಾಯಿತಿಯು ಫೆಬ್ರವರಿ 6ಕ್ಕೆ ಮೊದಲು ವಾಹನ ಚಾಲಕರು ಪಡೆದ ಒಟ್ಟು ಸಂಚಾರ ದಂಡವನ್ನು ಆಧರಿಸಿದೆ. ದುಬೈ ಪೊಲೀಸರ ಸರಹದ್ದಿನ ಟ್ರಾಫಿಕ್ ದಂಡಕ್ಕಾಗಿ ಈ ಯೋಜನೆ ಎನ್ನಲಾಗಿದೆ.















ಇನ್ನಷ್ಟು ಸುದ್ದಿಗಳು
ಸೌದಿಯಲ್ಲಿ ನಕಲಿ ದಾಖಲೆ ದೃಢೀಕರಣ ಜಾಲ: ಭಾರತೀಯ ರಾಯಭಾರ ಕಚೇರಿಯಿಂದ ಎಚ್ಚರಿಕೆ
ವಿಮಾನಯಾನ ರದ್ದತಿಯಿಂದ ಅತಂತ್ರರಾದ ಉಮ್ರಾ ಯಾತ್ರಾರ್ಥಿಗಳು- DKSCಯಿಂದ ಮಾನವೀಯ ನೆರವು
ವಲಸಿಗರಿಗೆ ಶುಭ ಸುದ್ದಿ: ಜಿದ್ದಾ–ಕೋಝಿಕ್ಕೋಡ್ ನಡುವೆ ಫ್ಲೈನಾಸ್ ನೇರ ವಿಮಾನ ಸೇವೆ ಆರಂಭ
ರಿಯಾದ್ ವಿಮಾನ ನಿಲ್ದಾಣ ಬಂದ್: ಪರ್ಯಾಯ ಪ್ರಯಾಣ ಮಾರ್ಗದಲ್ಲೂ ಟಿಕೆಟ್ ದರ ಏರಿಕೆ
ಸೌದಿ: ಸಿಲುಕಿರುವ ಯಾತ್ರಿಕರ ವಾಪಸಾತಿಗೆ ರಾಯಭಾರ ಕಚೇರಿ ತೀವ್ರ ಕಾರ್ಯಾಚರಣೆ
ಯುಎಇ : ನಾಲ್ಕು ಪಾಸ್ಪೋರ್ಟ್ ಸೇವಾ ಕೇಂದ್ರಗಳು ಇಂದಿನಿಂದ ಸ್ಥಗಿತ- ರಾಯಭಾರ ಕಚೇರಿ
ಉಮ್ರಾ ಯಾತ್ರಿಕರ ವಾಪಸಾತಿಗೆ ಪರ್ಯಾಯ ವಿಮಾನ ವ್ಯವಸ್ಥೆ ಕಲ್ಪಿಸಬೇಕು- ರಾಯಭಾರ ಕಚೇರಿ
ರಿಯಾದ್, ಜಿದ್ದಾ ವಿಮಾನ ಸೇವೆಗಳು ಅಕ್ಟೋಬರ್ 27ರವರೆಗೆ ಸ್ಥಗಿತ
ಧರ್ಮ ನಿಂದನೆ ದೂರು: ಯುವಕನ ಮರಣದಂಡನೆಯನ್ನು ರದ್ದುಗೊಳಿಸಿದ ಸೌದಿ ಸುಪ್ರೀಂ ಕೋರ್ಟ್
ಸೌದಿ ವಿಮಾನ ಸೇವೆ ಸ್ಥಗಿತ: ವೀಸಾ ಅವಧಿ ಮೀರಿದವರಿಗೆ ದಂಡವಿಲ್ಲದೆ ನಿರ್ಗಮನಕ್ಕೆ ಅವಕಾಶ- ಭಾರತೀಯ ರಾಯಭಾರ ಕಚೇರಿ