ಮಕ್ಕಾ: ಮಂಗಳೂರಿನ ಪ್ರಥಮ ಹಜ್ಜ್ ತಂಡಕ್ಕೆ ಕೆ.ಸಿ.ಎಫ್ ವತಿಯಿಂದ ಭವ್ಯ ಸ್ವಾಗತ

ಮಕ್ಕಾ ,ಜು.27 : ಪ್ರಸಕ್ತ (2019) ಸಾಲಿನ ಪವಿತ್ರ ಹಜ್ಜ್ ನಿರ್ವಹಿಸಲು ಭಾರತದ ಮಂಗಳೂರಿನಿಂದ ಆಗಮಿಸಿದ ಪ್ರಥಮ ಹಜ್ಜ್ ತಂಡವು ಪವಿತ್ರ ಮದೀನಾ ಮುನವ್ವರದಿಂದ ಮಕ್ಕಾ ನಗರಕ್ಕೆ ನಿನ್ನೆ ತಲುಪಿದೆ.

ಈ ಸಂದರ್ಭ ಯಾತ್ರಾರ್ಥಿಗಳಿಗೆ ಕರ್ನಾಟಕ ಕಲ್ಚರಲ್ ಫೌಂಡೇಷನ್(KCF) ಹಜ್ಜ್ ಸ್ವಯಂ ಸೇವಕರು (HVC) ಝಂಝಂ ನೀರು , ಖರ್ಜೂರ ಕಿಟ್ ಹಾಗೂ ಗಂಜಿ ಊಟ ನೀಡುವುದರ ಮೂಲಕ ಅಝೀಝಿಯಾ ಹಾಗೂ ಅಜೀಯದ್ ಎರಡೂ ಕಡೆಯಲ್ಲೂ ಆತ್ಮೀಯವಾಗಿ ಬರಮಾಡಿಕೊಂಡರು.

ಇದೇ ವೇಳೆ ಹಾಜಿಗಳ ಲಗೇಜುಗಳನ್ನು ಕೊಠಡಿಗಳಿಗೆ ತಲುಪಿಸಲು ನೆರವಾದರು.
ಈ ಸಂರ್ದಭದಲ್ಲಿ ಕಪ್ತಾನರಾದ ಮೂಸಾ ಹಾಜಿ ಕಿನ್ಯಾ, ಹನೀಫ್ ಸಖಾಫಿ ಬೊಳ್ಮಾರ್, ಉಪ ಕಪ್ತಾನರಾದ ಹಾರಿಸ್ ಕಿನ್ಯ , ಬಶೀರ್ ಕೆಜಕಾರ್, ಮೀಡಿಯಾ ಕನ್ವೀನರ್ ಕಲಂದರ್ ಶಾಫಿ ಅಸೈಗೋಳಿ ಹಾಗೂ ಹಲವಾರು HVC ಸ್ವಯಂ ಸೇವಕರು ಉಪಸ್ಥಿತರಿದರು.