ಉಳ್ಳಾಲ: ಕಿನ್ಯ ಗೋಲ್ಡನ್ ವೆಲ್ಫೇರ್ ಹೆಲ್ತ್ ಚಾರಿಟೇಬಲ್ ಟ್ರಸ್ಟ್ನ ‘ಸದಸ್ಯರ ಸ್ನೇಹ ಸಂಗಮ’ ಕಾರ್ಯಕ್ರಮವು ಅಲ್ ಅಮೀನ್ ಚಾರಿಟೇಬಲ್ ಟ್ರಸ್ಟ್ನ ಸಭಾಂಗಣದಲ್ಲಿ ರವಿವಾರ ಜರುಗಿತು.
ಟ್ರಸ್ಟ್ನ ಅಧ್ಯಕ್ಷ ಹಾಜಿ ಮೂಸಾ ಅಬ್ಬಾಸ್ ಕುರಿಯಕ್ಕಾರ್ ಅಧ್ಯಕ್ಷತೆ ವಹಿಸಿದ್ದರು. ಉಪಾಧ್ಯಕ್ಷ ಎಂ.ಎನ್. ಇಬ್ರಾಹೀಂ ಉಸ್ತಾದ್ ಉದ್ಘಾಟಿಸಿದರು. ಟ್ರಸ್ಟ್ನ ಆರೋಗ್ಯ ಮತ್ತು ವೈದ್ಯಕೀಯ ಸಲಹೆಗಾರ ಡಾ.ಮುಹಮ್ಮದ್ ಇಖ್ಬಾಲ್, ಸರಕಾರಿ, ಖಾಸಗಿ ಆರೋಗ್ಯ ಯೋಜನೆಗಳ ಮಾಹಿತಿ ನೀಡಿದರು. ಪ್ರ.ಕಾರ್ಯದರ್ಶಿ ಪ್ರಸ್ತಾವಿಸಿ, ಲೆಕ್ಕಪತ್ರ ಮಂಡಿಸಿದರು.
ಕಿನ್ಯ ಗ್ರಾಪಂ ಸದಸ್ಯ ಫಾರೂಕ್ ಕಿನ್ಯ, ಅಲ್ ಅಮೀನ್ ಚಾರಿಟೇಬಲ್ ಟ್ರಸ್ಟ್ನ ಅಧ್ಯಕ್ಷ ಅಬ್ಬಾಸ್ ಕಿನ್ಯ ಮಾತನಾಡಿದರು.
ಕಾರ್ಯದರ್ಶಿಗಳಾದ ಹಮೀದ್ ಕಿನ್ಯ ಸ್ವಾಗತಿಸಿದರು. ಅಬ್ದುಲ್ ಖಾದರ್ ಪದಿಯರೆಕ್ಕಾರ್ ವಂದಿಸಿದರು.
