ರಿಯಾದ್: ಸೌದಿ ಅರೇಬಿಯಾ ಒಂದು ರಿಯಾಲ್ ಮೌಲ್ಯದ ಕಾಗದದ ಕರೆನ್ಸಿಗಳನ್ನು ಹಿಂತೆಗೆದುಕೊಳ್ಳುತ್ತಿದ್ದು, ಬದಲಾಗಿ ಹೆಚ್ಚಿನ ನಾಣ್ಯಗಳನ್ನು ಮಾರುಕಟ್ಟೆಗೆ ಇಳಿಸಲು ಯೋಜಿಸಿದೆ. ಕಾಗದದ ಕರೆನ್ಸಿಗಳಿಗೆ ಹೆಚ್ಚಿನ ಬಾಳಿಕೆ ಇಲ್ಲ ಎಂಬ ಕಾರಣಕ್ಕೆ ಈ ಕ್ರಮ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಸೌದಿ ಅರೇಬಿಯನ್ ಮಾನಿಟರಿಂಗ್ ಏಜೆನ್ಸಿ (ಸಾಮಾ) ಒಂದು ರಿಯಾಲ್ ಕರೆನ್ಸಿ ನೋಟುಗಳನ್ನು ಹಿಂತೆಗೆದುಕೊಳ್ಳುವ ಮತ್ತು ನಾಣ್ಯಗಳಿಗಳನ್ನು ವಿನಿಮಯ ಮಾಡುವ ಯೋಜನೆಯನ್ನು ಪ್ರಕಟಿಸಿದೆ. 700 ಮಿಲಿಯನ್ ಮೌಲ್ಯದ ನಾಣ್ಯಗಳನ್ನು ಮಾರುಕಟ್ಟೆಗೆ ತರಲಾಗುತ್ತಿದ್ದು, ಇದು ಒಟ್ಟು ಮಾರುಕಟ್ಟೆಯಲ್ಲಿರುವ ಕರೆನ್ಸಿಯ ನಾಲ್ಕನೇ ಒಂದು ಭಾಗವಾಗಿದೆ. ನಾಣ್ಯಗಳ ಬಾಳಿಕೆ ಕಾಗದದ ಕರೆನ್ಸಿಗಳಿಂತ ಹೆಚ್ಚು ಕಾಲ ಇರುತ್ತದೆ ಎಂದು ಸಾಮ ಪೂರ್ವದ ಪ್ರಾಂತೀಯ ನಿರ್ದೇಶಕ ಮುಹಮ್ಮದ್ ಅಲ್ ನಯೀಮ್ ಹೇಳಿದರು.
ಕಾಗದದ ಕರೆನ್ಸಿಗಳ ಬದಲಿಗೆ ಹೆಚ್ಚಿನ ನಾಣ್ಯಗಳನ್ನು ಮಾರುಕಟ್ಟೆಗೆ ತರಲಾಗಿದೆ. ಲಭ್ಯತೆಯ ದೃಷ್ಟಿಯಿಂದ ಇನ್ನಷ್ಟು ನಾಣ್ಯಗಳನ್ನು ವಿತರಿಸಲಾಗುವುದು ಎಂದು ಮುಹಮ್ಮದ್ ಅಲ್-ನಯೀಮ್ ಹೇಳಿದರು. ಒಂದು ರಿಯಾಲ್ ಕಾಗದದ ಕರೆನ್ಸಿಗಳನ್ನು ಸಂಪೂರ್ಣವಾಗಿ ಮಾರುಕಟ್ಟೆಯಿಂದ ಹಿಂಪಡೆದು ಬದಲಿಗೆ ನಾಣ್ಯಗಳನ್ನು ಹೊರತರಲು ಯೋಜನೆ ಇದೆ ಎಂದು ನಯೀಂ ತಿಳಿಸಿದ್ದಾರೆ.
