ಮದೀನಾ ಮುನವ್ವರ: ಪವಿತ್ರ ಹಜ್ಜ್ ಕರ್ಮ ನಿರ್ವಹಿಸಲು ಕರ್ನಾಟಕದಿಂದ ಬಂದ ಹಜ್ಜಾಜಿಗಳ ಮೊದಲ ವಿಮಾನವು ಮದೀನಾ ಮುನವ್ವರದ ಪ್ರಿನ್ಸ್ ಮೊಹಮ್ಮದ್ ಬಿನ್ ಅಬ್ದುಲ್ ಅಝೀಝ್ ಇಂಟರ್ನ್ಯಾಷನಲ್ ಏರ್ಪೋರ್ಟ್ ತಲುಪಿದೆ. ಬೆಳಗ್ಗಿನ ಜಾವ 378 ಹಾಜಿಗಳು ಆಗಮಿಸಿದ್ದು, ಕರ್ನಾಟಕ ಕಲ್ಚರಲ್ ಫೌಂಡೇಶನ್ ಇದರ ಹಜ್ಜ್ ವಾಲೇಂಟಿಯರ್ ಕೋರ್ (HVC) ಸದಸ್ಯರು ಹಜ್ಜಾಜಿಗಳನ್ನು ಬರಮಾಡಿಕೊಂಡರು. ಹಜ್ಜಾಜಿಗಳು ತಂಗುವ ಹೋಟೆಲ್ ಗೆ ತೆರಳಿ ನೀರು ಹಾಗೂ ಲಘು ಉಪಹಾರ ನೀಡುವ ಮೂಲಕ ಸ್ವಾಗತಿಸಿದರು.
ಅಶಕ್ತ ಹಜ್ಜಾಜಿಗಳನ್ನು ವೀಲ್ ಚೇರ್ ಮೂಲಕ ಹೋಟೆಲ್ ಗೆ ತಲುಪಿಸಿದ್ದು, ಅಗತ್ಯವಿರುವ ಹಾಜಿಗಳಿಗೆ ಸಿಮ್ ಕಾರ್ಡ್ ಪಡೆಯಲು ಸಹಕರಿಸಿದರು.
ರಾಜ್ಯದಿಂದ 956 ಹಜ್ಜಾಜಿಗಳು ಇಂದು ಮದೀನಾ ಮುನವ್ವರ ತಲುಪಲಿದ್ದು, 289 ಹಾಜಿಗಳು ಮಧ್ಯಾಹ್ನ ವೇಳೆ, ಹಾಗೂ ಸಂಜೆ 289 ಹಾಜಿಗಳು ಪವಿತ್ರ ನಗರ ತಲುಪಲಿದ್ದಾರೆ. ಕರ್ನಾಟಕದಿಂದ ಆಗಮಿಸುತ್ತಿರುವ ಹಜ್ಜಾಜಿಗಳ ಎಲ್ಲಾ ಅಗತ್ಯಗಳಿಗೆ ಸ್ಪಂದಿಸಲು ಕರ್ನಾಟಕ ಕಲ್ಚರಲ್ ಫೌಂಡೇಶನ್ ಇದರ ಹಜ್ಜ್ ವಾಲೆಂಟಿಯರ್ ಕೋರ್ ಸದಸ್ಯರು ತಯಾರಾಗಿದ್ದು, ದಿನದ 24 ಗಂಟೆಗಳ ಕಾಲ ಅಗತ್ಯ ಸೇವೆಗಳಿಗೆ ಕಾರ್ಯನಿರತರಾಗಿರುತ್ತಾರೆ.
ವರದಿ : ಹಕೀಂ ಬೋಳಾರ್
