ಮಕ್ಕತುಲ್ ಮುಕರ್ರಮಃ: ಉಮ್ರಾ ನಿರ್ವಹಿಸುವವರಿಗೆ ಉಚಿತ ಲಗೇಜ್ ಶೇಖರಣಾ ಸೌಲಭ್ಯ

ಮಕ್ಕಾ: ಪವಿತ್ರ ನಗರವಾದ ಮಕ್ಕಾದಲ್ಲಿ ಉಮ್ರಾ ನಿರ್ವಹಿಸುವವರಿಗೆ ಉಚಿತ ಲಗೇಜ್ ಶೇಖರಣಾ ಸೌಲಭ್ಯವನ್ನು ಬುಧವಾರದಿಂದ ಪ್ರಾರಂಭಿಸಲಾಗಿದೆ ಎಂದು ಹರಮ್ ವ್ಯವಹಾರಗಳ ಅಧಿಕಾರಿಗಳು ಘೋಷಿಸಿದ್ದಾರೆ. ಹರಮ್‌ನ ಪೂರ್ವ ಭಾಗದಲ್ಲಿ, ಮಕ್ಕಾ ಗ್ರಂಥಾಲಯದ ಬಳಿ ಗೇಟ್ 64 ರ ಬಳಿ ಪಶ್ಚಿಮ ಭಾಗದಲ್ಲಿ ಉಚಿತ ಸೇವೆಯನ್ನು ಒದಗಿಸಲಾಗಿದೆ ಎಂದು ಹರಂ ಕಚೇರಿ ಇಲಾಖೆ ತಿಳಿಸಿದೆ.

ಸೌಲಭ್ಯಗಳನ್ನು ಬಳಸಲು ಬಯಸುವವರು ನುಸುಕ್ ಆ್ಯಪ್ ಮೂಲಕ ಉಮ್ರಾ ನಿರ್ವಹಿಸಲು ಲಭಿಸಿರುವ ಪರವಾನಿಗೆಗಳನ್ನು ಸಲ್ಲಿಸಬೇಕು ಎಂದು ಸೌದಿ ಪ್ರೆಸ್ ಏಜೆನ್ಸಿ ವರದಿ ಮಾಡಿದೆ.

ಉಮ್ರಾ ಯಾತ್ರಿಕರು ಏಳು ಕಿಲೋಗ್ರಾಂಗಳಷ್ಟು ತೂಕದ ಚೀಲಗಳನ್ನು ಸಡಿಲವಾದ ವಸ್ತುಗಳಿಲ್ಲದೆ ಗರಿಷ್ಠ ನಾಲ್ಕು ಗಂಟೆಗಳ ಕಾಲ ಶೇಖರಿಸಲು ಅವಕಾಶವಿದೆ. ಬೆಲೆಬಾಳುವ ವಸ್ತುಗಳು, ನಿಷೇಧಿತ ವಸ್ತುಗಳು, ಆಹಾರ ಮತ್ತು ಔಷಧಗಳನ್ನು ಅನುಮತಿಸಲಾಗುವುದಿಲ್ಲ. ಉಮ್ರಾ ವಿಧಿವಿಧಾನಗಳನ್ನು ಮುಗಿಸಿ ಹಿಂತಿರುಗುವಾಗ, ಸಾಮಾನುಗಳನ್ನು ಹಿಂಪಡೆಯಲು ತನಗೆ ಸುರಕ್ಷಿತವಾಗಿರಿಸಲು ಒಪ್ಪಿಸಲಾದ ಸಾಮಾನುಗಳು ತನ್ನದೇ ಎಂದು ಸಾಬೀತುಪಡಿಸಲು ಟಿಕೆಟ್ ತೋರಿಸಬೇಕು.

ಸಂದರ್ಶಕರಿಗೆ ಉತ್ತಮ ಸೇವೆ ನೀಡಲು ಹರಮ್ ಮಸೀದಿಯ ಸುತ್ತಲಿನ ಎಲ್ಲಾ ಪ್ರದೇಶಗಳನ್ನು ಒಳಗೊಂಡಂತೆ ಸೇವೆಯನ್ನು ವಿಸ್ತರಿಸಲು ಪ್ರಾಧಿಕಾರವು ಯೋಜಿಸಿದೆ.