ಸೌದಿ: ಮರಣದಂಡನೆಯ ಕೊನೆಯ ಕ್ಷಣದಲ್ಲಿ ಕ್ಷಮಾದಾನ- ಆರೋಪಿ ಮತ್ತು ಅಧಿಕಾರಿಗಳಿಗೆ ಶಾಕ್

ದಮಾಮ್: ಕೊನೆಯ ಕ್ಷಣದಲ್ಲಿ ತನ್ನ ಮಗನ ಹಂತಕನಿಗೆ ಸೌದಿ ಪ್ರಜೆ ಕ್ಷಮಾದಾನ ನೀಡಿದ ಘಟನೆ ವರದಿಯಾಗಿದೆ. ಶಿಕ್ಷೆಗೊಳಗಾದ ಅಪರಾಧಿಯ ಮರಣದಂಡನೆಯನ್ನು ನೆರವೇರಿಸಲು ಬಂದಿದ್ದ ಅಧಿಕಾರಿಗಳ ಮುಂದೆ ತಂದೆ ಕ್ಷಮಾದಾನ ನೀಡಿದ್ದಾರೆ.

ದಿಯಾ ಧನ ಪಾವತಿಸಿ, ಮರಣದಂಡನೆಯಿಂದ ಪಾರುಮಾಡುವಂತೆ ಹಲವಾರು ಬಾರಿ ಪ್ರಯತ್ನಿಸಲಾಗಿತ್ತು, ಆದರೆ ಅವರ ತಂದೆ ಮಣಿಯಲಿಲ್ಲ. ಕೊನೆಯಲ್ಲಿ ಮಗನನ್ನು ಕೊಂದ ಆರೋಪಿಯ ಗಲ್ಲು ಶಿಕ್ಷೆಯನ್ನು ವೀಕ್ಷಿಸಲು ಬಂದ ತಂದೆಯೇ ಆರೋಪಿಯನ್ನು ಕ್ಷಮಿಸಿದ್ದಾನೆ.

ಸೌದಿ ಹಫರ್ ಅಲ್ಬಾತಿನ್ ನ ಸ್ಥಳೀಯ ಪ್ರಜೆ ಅಲ್ಹುಮೈದ್ ಅಲ್ ಹರ್ಬಿ ತನ್ನ ಮಗನ ಹಂತಕನಿಗೆ ಕೊನೆಯ ಕ್ಷಣದಲ್ಲಿ ಬೇಷರತ್ ಕ್ಷಮಾದಾನ ನೀಡಿ ಅಧಿಕಾರಿಗಳು ಮತ್ತು ಆರೋಪಿಗಳಿಗೆ ಶಾಕ್ ನೀಡಿದ್ದಾರೆ.

ಮರಣದಂಡನೆಗೆ ಗುರಿಯಾದ ನಂತರ, ಆರೋಪಿಯ ಸಂಬಂಧಿಕರು ದಿಯಾಧನವನ್ನು ಪಾವತಿಸುವ ಮೂಲಕ ಆರೋಪಿಗೆ ಕ್ಷಮಾದಾನ ನೀಡುವಂತೆ ಕ್ಷಮಾದಾನ ಅರ್ಜಿಗಳೊಂದಿಗೆ ಅಲ್ಹರ್ಬಿ ಮತ್ತು ಅವರ ಕುಟುಂಬವನ್ನು ಹಲವಾರು ಬಾರಿ ಸಂಪರ್ಕಿಸಿದರು. ಆದರೆ ಎಲ್ಲಾ ಸಮಯದಲ್ಲೂ ಅದನ್ನು ತಿರಸ್ಕರಿಸಲಾಯಿತು. ಅಂತಿಮವಾಗಿ, ಶಿಕ್ಷೆಯನ್ನು ಪೂರೈಸಲು ಕೆಲವೇ ನಿಮಿಷಗಳು ಉಳಿದಿರುವಾಗ, ಅಧಿಕಾರಿಗಳು ತಂದೆಗೆ ಅಂತಿಮ ಅನುಮತಿಯನ್ನು ಕೇಳಿದರು ಮತ್ತು ಅವರನ್ನು ಕ್ಷಮಿಸುವುದಾಗಿ ಘೋಷಿಸಿದರು. ಯಾವುದೇ ಪರಿಹಾರ ಪಡೆಯದೆ ಬೇಷರತ್ ಕ್ಷಮಾದಾನ ನೀಡಲಾಯಿತು.

ಕೊನೆಯ ಕ್ಷಣದಲ್ಲಿ, ಸರ್ವಶಕ್ತನು ತನ್ನ ಮಗನ ಕೊಲೆಗಾರನನ್ನು ಕ್ಷಮಿಸುವಂತೆ ಮಾಡಿದನು ಎಂದು ಅವರು ನಂತರ ಹೇಳಿದರು. ಕ್ಷಮೆ ಮತ್ತು ಕ್ಷಮಾದಾನದ ಮಾರ್ಗವನ್ನು ಆಯ್ಕೆ ಮಾಡಿದ ತಂದೆ ಮತ್ತು ಅವರ ಕುಟುಂಬಕ್ಕೆ ಸಾಮಾಜಿಕ ಮಾಧ್ಯಮದಲ್ಲಿ ಅನೇಕ ಜನರು ತಮ್ಮ ಅಭಿನಂದನೆಗಳು ಮತ್ತು ಪ್ರಾರ್ಥನೆಗಳನ್ನು ವ್ಯಕ್ತಪಡಿಸಿ, ಸಂತೋಷವನ್ನು ಹಂಚಿಕೊಂಡಿದ್ದಾರೆ.