ರಿಯಾದ್: ಸೌದಿ ಅರೇಬಿಯಾದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಲ್ಲಾ ಬ್ಯಾಂಕ್‌ಗಳು ಶೀಘ್ರದಲ್ಲೇ, ಘೋಷಿಸದ ಅಥವಾ ಆದಾಯದ ಮೂಲಗಳಿಗೆ ಅನುಗುಣವಾಗಿಲ್ಲದ ಯಾವುದೇ ಠೇವಣಿಗಳನ್ನು ಹೊಂದಿರುವ ವಲಸಿಗರಿಗೆ ಸೇರಿದ ಎಲ್ಲಾ ಖಾತೆಗಳ ಮೇಲ್ವಿಚಾರಣೆ ಪ್ರಕ್ರಿಯೆಯನ್ನು ಪ್ರಾರಂಭಿಸಲಿದೆ.
ಸೌದಿ ಸೆಂಟ್ರಲ್ ಬ್ಯಾಂಕ್ (SAMA) ಹೊರಡಿಸಿದ ಹೊಸ ಸೂಚನೆಗಳಿಗೆ ಅನುಸಾರವಾಗಿ, ಖಾತೆದಾರರು ಯಾವುದೇ ಠೇವಣಿಗಳಿಗೆ ಹೊಂದಿಕೆಯಾಗದ ಅಥವಾ ಸಂಬಳವನ್ನು ಮೀರಿದ ಮತ್ತು/ಅಥವಾ ಯಾವುದೇ ಆದಾಯದ ಮೂಲಗಳ ಬಗ್ಗೆ ಎಲ್ಲಾ ಬ್ಯಾಂಕುಗಳು ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯಕ್ಕೆ ತಿಳಿಸಲು ಬದ್ಧವಾಗಿರುತ್ತವೆ.
ಆದಾಯದ ಮೂಲವನ್ನು ಬ್ಯಾಂಕ್‌ಗಳಿಗೆ ಘೋಷಿಸಬೇಕು
ಎಲ್ಲಾ ಆದಾಯದ ಮೂಲಗಳನ್ನು ಬ್ಯಾಂಕುಗಳು ಮತ್ತು ಇತರ ಸಂಬಂಧಿತ ಅಧಿಕಾರಿಗಳಿಗೆ ಸಂಪೂರ್ಣವಾಗಿ ಘೋಷಿಸಬೇಕು. ಹಾಗೆ ಮಾಡಲು ವಿಫಲರಾದವರು ಕಠಿಣ ಕಾನೂನು ಪರಿಣಾಮಗಳನ್ನು ಎದುರಿಸಬೇಕಾದೀತು, ಅಲ್ಲದೇ ಅಘೋಷಿತ ಆದಾಯವನ್ನು ಅಧಿಕಾರಿಗಳು ವಶಪಡಿಸಿಕೊಳ್ಳಬಹುದು ಅಥವಾ ವಿಪರೀತ ಪ್ರಕರಣಗಳಲ್ಲಿ ಗಡೀಪಾರನ್ನು ಎದುರಿಸಬೇಕಾದೀತು.
SAMA ಯ ಹೊಸ ಕ್ರಮವು ವಲಸಿಗರು ನಡೆಸುತ್ತಿರುವ ಕೆಲವು ವಾಣಿಜ್ಯ ಚಟುವಟಿಕೆಗಳನ್ನು ಮಿತಿಗೊಳಿಸಲು ಕಾರ್ಮಿಕ ಸಚಿವಾಲಯವು ಮಾಡಿದ ಪ್ರಯತ್ನಗಳ ಭಾಗವಾಗಿದೆ. ಇದನ್ನು ಸಾಮಾನ್ಯವಾಗಿ ತಸಾತ್ತೂರ್ ಎಂದು ಕರೆಯಲಾಗುತ್ತದೆ.
ಇತರರ ಪರವಾಗಿ ಬ್ಯಾಂಕ್ ಠೇವಣಿ ಸ್ವೀಕರಿಸಬೇಡಿ
ಪ್ರತಿಯೊಬ್ಬರೂ ಗಂಭೀರವಾಗಿ ಪರಿಗಣಿಸಬೇಕಾದ ಅಂಶವೆಂದರೆ, ಇತರರ ಪರವಾಗಿ ಯಾವುದೇ ಠೇವಣೆಗಳನ್ನು ನಿಮ್ಮ ಬ್ಯಾಂಕ್ ಖಾತೆಗೆ ಸ್ವೀಕರಿಸಬಾರದು.
ಕೆಲವೊಮ್ಮೆ ಸ್ನೇಹಿತರು ಮತ್ತು ಕುಟುಂಬ ಸದಸ್ಯರಲ್ಲಿ ಕೆಲವರು ಅವರ ಪರವಾಗಿ ಹಣ ಸ್ವೀಕರಿಸಲು ನಿಮ್ಮನ್ನು ಕೇಳುತ್ತಾರೆ. ಇದರ ಸಮಸ್ಯೆಯೆಂದರೆ, ನೀವು ಯಾರಿಂದ ಹಣವನ್ನು ಸ್ವೀಕರಿಸಿದ್ದೀರಿ ಎಂಬುದು ನಿಮಗೆ ತಿಳಿದಿಲ್ಲ ಮತ್ತು ವಿಚಾರಣೆಯ ಸಮಯದಲ್ಲಿ, ನಿಮ್ಮ ಬ್ಯಾಂಕ್ ಖಾತೆಯಲ್ಲಿ ಈ ಠೇವಣಿಯನ್ನು ಸಮರ್ಥಿಸಲು ನಿಮಗೆ ಸಾಧ್ಯವಾಗುವುದಿಲ್ಲ.
