ಸಿಖ್ ಮತ್ತು ಹಿಂದೂ ಸಹೋದರರಿಂದ ಮಸೀದಿ ನಿರ್ಮಾಣ

ಪಂಜಾಬ್: ಜಾಬ್‌ನ ಮೊಗಾ ಭಾಲೂರ್ ಗ್ರಾಮದಲ್ಲಿ ನಡೆದಿರುವ ಘಟನೆಯೊಂದು ಹಿಂದೂ ಮುಸ್ಲಿಂ ಭಾವೈಕ್ಯಕ್ಕೆ ಸಾಕ್ಷಿಯಾಗಿದೆ.ಭಾನುವಾರ ಬೆಳಗ್ಗೆ ಮೊಗಾ ಭಾಲೂರ್ ಗ್ರಾಮದಲ್ಲಿ ಮಸೀದಿಯ ಅಡಿಪಾಯ ಹಾಕುವ ಸಮಾರಂಭಕ್ಕೆ ಭಾರಿ ಮಳೆಯು ಅಡ್ಡಿಯುಂಟುಮಾಡಿದರೂ ಹಳ್ಳಿಯವರು ಗುರುದ್ವಾರದ ದ್ವಾರಗಳನ್ನು ತೆರೆದು ಕಾರ್ಯಕ್ರಮವನ್ನು ಅಲ್ಲಿ ನಡೆಸಿದ್ದರಿಂದ ಸಮುದಾಯದ ಉತ್ಸಾಹ ಕುಗ್ಗಲಿಲ್ಲ. ಗಂಟೆಗಳಲ್ಲಿಯೇ ಹಳ್ಳಿಯ ಹಿಂದೂ ಮತ್ತು ಸಿಖ್ ಬಂಧುಗಳು ಕಾರ್ಯಕ್ರಮಕ್ಕೆ ಬೇಕಾದ ಎಲ್ಲಾ ಸಿದ್ಧತೆಗಳನ್ನು ಮಾಡಿದರು.

ಸಮುದಾಯ ಅಡುಗೆ ಮನೆಯಲ್ಲಿ ಬಿಸಿ ಬಿಸಿ ಜಿಲೇಬಿಗಳು ಮತ್ತು ಸಮೂಹ ಪ್ರಾರ್ಥನೆಯನ್ನು ನಡೆಸಿ ಕಾರ್ಯಕ್ರಮದ ಯಶಸ್ಸನ್ನು ಸಂಭ್ರಮಿಸಲಾಯಿತು. ಗ್ರಾಮದ ಸರ್‌ಪಂಚ್ ಪಾಲಾ ಸಿಂಗ್ ಸುದ್ದಿ ವಾಹಿನಿಯೊಂದಿಗೆ ಮಾತನಾಡುತ್ತಾ ಗ್ರಾಮವು ಏಳು ಗುರುದ್ವಾರವನ್ನು ಮತ್ತು ಎರಡು ದೇವಸ್ಥಾನಗಳನ್ನು ಹೊಂದಿದೆ. ಆದರೆ ಮಸೀದಿ ಇಲ್ಲ. 1947 ವಿಭಾಗಕ್ಕೂ ಮುನ್ನ ಮಸೀದಿ ಇತ್ತು. ಆದರೆ ಅದು ಶಿಥಿಲಗೊಂಡಿತು.

ಹಳ್ಳಿಯಲ್ಲಿ ನಾವು ನಾಲ್ಕು ಮುಸ್ಲಿಂ ಕುಟುಂಬಗಳನ್ನು ಹೊಂದಿದ್ದೇವೆ. ಅವರು ಮಸೀದಿ ನಿರ್ಮಾಣದಲ್ಲಿ ಹಿಂದೆ ಉಳಿದಿದ್ದರು. ಅಲ್ಲಿಂದೀಚೆಗೆ ಹಿಂದೂ, ಮುಸ್ಲಿಂ ಮತ್ತು ಸಿಖ್ ಕುಟುಂಬಗಳು ಸಾಮರಸ್ಯದಿಂದ ಜೀವಿಸುತ್ತಿದ್ದೇವೆ. ನಾವೆಲ್ಲರೂ ಮುಸ್ಲಿಂ ಸಮುದಾಯದವರೂ ಕೂಡ ಪ್ರಾರ್ಥಿಸಲು ಮಸೀದಿಯನ್ನು ಹೊಂದಬೇಕೆಂದು ಬಯಸಿದೆವು. ಆದ್ದರಿಂದ ಮಸೀದಿ ಮೊದಲೇ ಅಸ್ತಿತ್ವದಲ್ಲಿದ್ದ ಭೂಮಿಯಲ್ಲಿ ಪುನರ್‌ ನಿರ್ಮಿಸಲು ನಿರ್ಧರಿಸಲಾಯಿತು” ಎಂದು ಅವರು ಹೇಳಿದರು.

ಭಾನುವಾರ, ಮಸೀದಿಗೆ ಶಿಲಾನ್ಯಾಸ ಮಾಡಲು ಎಲ್ಲಾ ಸಿದ್ಧತೆಗಳನ್ನು ಮಾಡಿಕೊಂಡಾಗ, ಭಾರಿ ಮಳೆ ಶುರುವಾಯಿತು ಮತ್ತು ಭೂಮಿ ಜೌಗು ಪ್ರದೇಶವಾಯಿತು ಎಂದು ಪಾಲಾ ಸಿಂಗ್ ಹೇಳಿದರು. “ಭಾರಿ ಮಳೆಯಿಂದಾಗಿ ಕಾರ್ಯಕ್ರಮವನ್ನು ಮುಂದೂಡಬೇಕಾಗಬಹುದು ಎಂದು ಹೇಳಿದಾಗ ಜನರು ದುಃಖಿತರಾದರು ಮತ್ತು ನಿರಾಶೆಗೊಂಡರು, ಆದರೆ ಎಲ್ಲಾ ಗ್ರಾಮಸ್ಥರು ಈ ಸ್ಥಳವನ್ನು ಹತ್ತಿರದ ಶ್ರೀ ಸತ್ಸಂಗ್ ಸಾಹಿಬ್ ಗುರುದ್ವಾರಕ್ಕೆ ಸ್ಥಳಾಂತರಿಸಬೇಕೆಂದು ನಿರ್ಧರಿಸಿದರು. ಗುರುಗಳ ಘರ್ ಯಾವಾಗಲೂ ಎಲ್ಲಾ ಸಮುದಾಯಗಳಿಗೆ ತೆರೆದಿರುತ್ತದೆ. ನಂತರ ಎಲ್ಲರೂ ಒಗ್ಗೂಡಿ ಎಲ್ಲವನ್ನೂ ಗಂಟೆಗಳಲ್ಲಿ ಜೋಡಿಸಿದರು. ಕಾರ್ಯಕ್ರಮ ನಡೆಯಿತು ಮತ್ತು ಎಲ್ಲಾ ಗ್ರಾಮಸ್ಥರು ತಮ್ಮ ಧರ್ಮವನ್ನು ಲೆಕ್ಕಿಸದೆ ಭಾಗವಹಿಸಿದರು.

ಕಳೆದ 70 ವರ್ಷಗಳಲ್ಲಿ ಗ್ರಾಮಸ್ಥರು ಯಾರನ್ನೂ ಬಿಟ್ಟು ಹೋಗಿದ್ದಾರೆಂದು ಭಾವಿಸುವುದಿಲ್ಲ ಎಂದು ಸರ್ಪಂಚ್ ಹೇಳಿದರು. “ಮಸೀದಿ ನಮ್ಮ ಹತ್ತನೇ ಪೂಜಾ ಸ್ಥಳವಾಗಲಿದೆ ಎಂದು ಅವರು ತುಂಬಾ ಸಂತೋಷಪಡುತ್ತಾರೆ” ಎಂದು ಅವರು ಹೇಳಿದರು.

ಮಸೀದಿ ನಿರ್ಮಾಣಕ್ಕಾಗಿ ಗ್ರಾಮಸ್ಥರು ದೇಣಿಗೆ ನೀಡಿದ್ದಾರೆ. “100 ರಿಂದ 1 ಲಕ್ಷ ರೂ.ವರೆಗೆ, ಪ್ರತಿ ಸಮುದಾಯದ ಜನರು ತಮಗೆ ಸಾಧ್ಯವಾದಷ್ಟು ಹಣವನ್ನು ನೀಡಿದ್ದಾರೆ. ವಕ್ಫ್ ಮಂಡಳಿಯ ಸದಸ್ಯರು ಸಹ ಕೊಡುಗೆ ನೀಡುತ್ತಿದ್ದಾರೆ” ಎಂದು ಅವರು ಹೇಳಿದರು. ಗ್ರಾಮದ ಮಾಜಿ ಸರ್ಪಂಚ್ ಬೋಹರ್ ಸಿಂಗ್ ಅವರು ಗುರುದ್ವಾರದಲ್ಲಿ ಮಾಡಿದ ಭಾಷಣದಲ್ಲಿ, ಅವರ ಇಡೀ ಗ್ರಾಮವು ಮಸೀದಿಯ ನಿರ್ಮಾಣಕ್ಕೆ ಸಂಪೂರ್ಣ ಸಹಕಾರ ನೀಡಲಿದೆ ಎಂದು ಹೇಳಿದರು.