janadhvani

Kannada Online News Paper

ಇಬ್ರಾಹೀಮ್ ಬಾವಾ ಹಾಜಿ ಮಂಗಳೂರು ರವರ ವಿಯೋಗ – ಕೆಸಿಎಫ್ ಸೌದಿ ಅರೇಬಿಯಾದಿಂದ ಸಂತಾಪ

ಬಾವಾ ಹಾಜಿ ಮಂಗಳೂರು ಈ ಹೆಸರು ಕೇಳದವರು ಬಹಳ ವಿರಳವಾಗಿದೆ. ಉಮರಾ ನೇತಾರರು ಎಂದು ಹೇಳುವಾಗ ತಕ್ಷಣ ನೆನಪಿಗೆ ಬರುವ ಹೆಸರುಗಳಲ್ಲಿ ಒಂದಾಗಿದೆ ಈ ಹೆಸರು.

ಸಮಾಜಕ್ಕಾಗಿ ತನ್ನೆಲ್ಲವನ್ನೂ ಸಮರ್ಪಣೆಮಾಡಿದ ವ್ಯಕ್ತಿತ್ವವಾಗಿದೆ ಇವರದ್ದು. ಆಲಿಮ್ ಗಳೆಂದರೆ ಇವರಿಗೆ ಅಪ್ಪಟ ಗೌರವ, ತಾಜುಲ್ ಉಲಮಾ, ನೂರುಲ್ ಉಲಮಾ, ಸುಲ್ತಾನುಲ್ ಉಲಮಾ, ತಾಜುಲ್ ಫುಖಹಾಅ್, ಶರಫುಲ್ ಉಲಮಾ, ತಾಜುಶ್ಶರಿಯ್ಯಾ ಹೀಗೆ ಎಲ್ಲಾ ಉಲಮಾರೊಂದಿಗೆ ಇವರಿಗೆ ಉತ್ತಮ ಸಂಬಂಧವಿತ್ತು.

ಉತ್ತಮ ಲೇಖಕರಾಗಿದ್ದ ಇವರು ಅಲ್-ಅನ್ಸಾರ್, ಮೊಇಲಾಂಜಿಗಳಂತಹ ಪತ್ರಿಕೆಗಳಿಗೆ ಜೀವ ನೀಡುವ ಮೂಲಕ ಅದೆಷ್ಟೋ ಮನಸ್ಸುಗಳನ್ನು ಸನ್ಮಾರ್ಗಕ್ಕೆ ತರುವಲ್ಲಿ ಯಶಸ್ವಿಯಾದರು. ದಾನ ಧರ್ಮಗಳಲ್ಲಿ ಇವರು ಎಂದೂ ಮುಂಚೂಣಿಯಲ್ಲಿದ್ದರು ಎಂದು ಮಾತ್ರವಲ್ಲದೆ ಅವರು ಬಲಗೈ ಯಿಂದ ನೀಡಿದ ದಾನ ಎಡ ಗೈಗೆ ತಿಳಿಯುತ್ತಿರಲಿಲ್ಲ.

ಇಂತಹ ವ್ಯಕ್ತಿತ್ವವನ್ನು ಕಳೆದುಕೊಂಡು ಕರುನಾಡು ಇಂದು ಕತ್ತಲೆಯಲ್ಲಿ ಮುಲುಗಿದಂತಾಗಿದೆ ಎಂದು ಕೆಸಿಎಫ್ ಸೌದಿ ಅರೇಬಿಯಾ ರಾಷ್ಟ್ರಾಧ್ಯಕ್ಷರಾದ ಡಿಪಿ ಯೂಸುಫ್ ಸಖಾಫಿ ಬೈತಾರ್ ರವರು ಸಂತಾಪ ವ್ಯಕ್ತಪಡಿಸಿದರು.

error: Content is protected !! Not allowed copy content from janadhvani.com