ರಿಯಾದ್: ಸೌದಿಯಲ್ಲಿ ಕೆಲಸದ ವೀಸಾದಲ್ಲಿರುವ ವಿದೇಶೀ ಪ್ರಜೆಗಳಿಗೆ ನೀಡಲಾದ ಸೌದಿ ಮರು ಪ್ರವೇಶ ವೀಸಾವನ್ನು ಉಪಯೋಗಿಸದಿದ್ದಲ್ಲಿ ಕಿಸೆಗೆ ಕತ್ತರಿ ಬೀಳಲಿದೆ . ಮರು ಪ್ರವೇಶದ ವಿಸಾ ಪಡೆದ ನಂತರ ದೇಶವನ್ನು ತೊರೆಯದಿದ್ದರೆ, ವೀಸಾವನ್ನು ರದ್ದುಗೊಳಿಸಬೇಕು. ಇಲ್ಲದಿದ್ದರೆ ದಂಡ ವಿಧಿಸಲಾಗುತ್ತದೆ.
ಆನ್ಲೈನ್ ಪೋರ್ಟಲ್ ಆದ ಅಬ್ಶೀರ್ ಮೂಲಕ ಮರು ಪ್ರವೇಶವನ್ನು ರದ್ದುಗೊಳಿಸಬೇಕು ಎಂದು ಸೌದಿ ಪಾಸ್ಪೋರ್ಟ್ ನಿರ್ದೇಶನಾಲಯ (ಜವಾಝಾತ್ ) ಪ್ರಕಟಿಸಿದೆ. ಮತ್ತೊಮ್ಮೆ ಮರು ಪ್ರವೇಶ ವೀಸಾ ಬಯಸಿದರೆ, ಮತ್ತೆ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ. ಮರು ಪ್ರವೇಶ ವೀಸಾ ಪಡೆದ ನಂತರ ಯಾವುದೇ ಕಾರಣಕ್ಕೂ ದೇಶವನ್ನು ಬಿಡಲು ಸಾಧ್ಯವಾಗದಿದ್ದರೆ, ತಕ್ಷಣವೇ ರದ್ದುಮಾಡಲು ಮರೆಯದಿರಿ. ದೇಶವನ್ನು ತೊರೆಯ ಬೇಕಾದ ಕೊನೆಯ ಗಡುವಿನ ಮೊದಲು ವೀಸಾವನ್ನು ರದ್ದುಗೊಳಿಸಬೇಕು. ಇಲ್ಲದಿದ್ದರೆ, ದೊಡ್ಡ ಮಟ್ಟದ ದಂಡವನ್ನು ಪಾವತಿಸಬೇಕಾಗುತ್ತದೆ.
ಒಮ್ಮೆ ನೀಡಿದ ಮರು ಪ್ರವೇಶ ವೀಸಾದಲ್ಲಿ ಯಾವುದೇ ತಿದ್ದುಪಡಿಗಳನ್ನು ಮಾಡಲು ಅಥವಾ ವಿಸ್ತರಿಸಲು ಸಾಧ್ಯವಿಲ್ಲ. ನಿಗದಿತ ಸಮಯದೊಳಗೆ ದೇಶವನ್ನು ಬಿಡಲು ಸಾಧ್ಯವಾಗದಿದ್ದರೆ, ಮರು ಪ್ರವೇಶ ವೀಸಾವನ್ನು ರದ್ದುಗೊಳಿಸುವುದು ಮತ್ತು ಅಗತ್ಯವಿದ್ದಾಗ ಹೊಸ ಮರು ಪ್ರವೇಶ ವೀಸಾಕ್ಕೆ ಅರ್ಜಿ ಸಲ್ಲಿಸುವುದು ಒಂದೇ ಆಯ್ಕೆಯಾಗಿದೆ.
ಮರು ಪ್ರವೇಶವನ್ನು ರದ್ದುಗೊಳಿಸಿದ ನಂತರ ಈ ಹಿಂದೆ ಪಾವತಿಸಿದ ಯಾವುದೇ ಶುಲ್ಕದ ಮರುಪಾವತಿ ಮಾಡಲಾಗುವುದಿಲ್ಲ. ಮರು ಪ್ರವೇಶ ವೀಸಾವನ್ನು ಉದ್ಯೋಗದಾತರ ಖಾತೆಯ ಮೂಲಕ ಜವಾಝಾತ್ನ ಆನ್ಲೈನ್ ಸೇವೆ ಅಬ್ಶೀರ್ ಮೂಲಕ ರದ್ದುಗೊಳಿಸಬೇಕು ಎಂದು ನಿರ್ದೇಶನಾಲಯ ತಿಳಿಸಿದೆ.
ಇನ್ನಷ್ಟು ಸುದ್ದಿಗಳು
ಜಿಸಿಸಿ: ಮಾದಕ ಜಾಲದ ವಿರುದ್ಧ ಮತ್ತಷ್ಟು ಕಠಿಣ ನಿಯಮ- ಮರಣದಂಡನೆ ಶಿಕ್ಷೆ
ಮಕ್ಕಾದಲ್ಲಿ ಹಜ್ ನಿಯಮ ಉಲ್ಲಂಘನೆ: ನೂರಾರು ವಿದೇಶಿಯರ ಬಂಧನ
ಯುಎಇ: ವೈಯಕ್ತಿಕ ವಾಟ್ಸಾಪ್ ಚಾಟ್ ಮತ್ತು ಫಾರ್ವರ್ಡ್ಗಳಿಗೂ ಸೈಬರ್ ಕಾನೂನು ಅನ್ವಯ
ಸೌದಿ: ಪಾರ್ಕ್ನಲ್ಲಿ ಆಟವಾಡುತ್ತಿದ್ದಾಗ ವಿದ್ಯುತ್ ಶಾಕ್- ಆರು ವರ್ಷದ ಬಾಲಕ ಮೃತ್ಯು
ಪ್ರಯಾಣಿಕರ ಸಂಕಷ್ಟಕ್ಕೆ ತೆರೆ: ಕುವೈತ್ ವಿಮಾನ ನಿಲ್ದಾಣದ ಕಾರ್ಯಾಚರಣೆ ಪುನಾರಂಭ
ಶುಭ ಸುದ್ದಿ : ಭಾರತ ಸೇರಿದಂತೆ ಪ್ರಮುಖ ಮಾರ್ಗಗಳಲ್ಲಿ ಲಗೇಜ್ ಮಿತಿ ಹೆಚ್ಚಳ
ಆರು ವಿಭಾಗ ಜನರಿಗೆ ಮಕ್ಕಾ ಪ್ರವೇಶಕ್ಕೆ ಅನುಮತಿ- ಅಬ್ಶೀರ್ ಮೂಲಕ ಅರ್ಜಿ ಸಲ್ಲಿಸಲು ಅವಕಾಶ
ಶುಭ ಸುದ್ದಿ: ಕತಾರ್ನಲ್ಲಿ ವಿಮಾನ ಸೇವೆಗಳು ಯಥಾಸ್ಥಿತಿಗೆ
ಹಜ್ ಯಾತ್ರಿಕರಿಗೆ ಲಗೇಜ್ ರಹಿತ ಪ್ರಯಾಣ- ಸೌದಿ ಸಚಿವಾಲಯದ ಹೊಸ ಯೋಜನೆ
ಸೌದಿ: ವೀಸಾ ಅವಧಿ ಮುಕ್ತಾಯ- ಸ್ವದೇಶಕ್ಕೆ ಮರಳಲಾಗದೆ ಸಾವಿರಾರು ಮಂದಿ ಸಂಕಷ್ಟದಲ್ಲಿ