ಮಕ್ಕಾದಲ್ಲಿ ಪೊಲೀಸರ ಮಿಂಚಿನ ದಾಳಿ: ನಕಲಿ ದಾಖಲೆ ತಯಾರಿಸುತ್ತಿದ್ದ 18 ಜನರ ತಂಡ ಬಂಧನ

ಮಕ್ಕತುಲ್ ಮುಕರ್ರಮಃ : ಮಕ್ಕಾದಲ್ಲಿ ನಕಲಿ ಇಖಾಮಾ (ರೆಸಿಡೆನ್ಸಿ ಪರ್ಮಿಟ್) ಮತ್ತು ಹಜ್ ಸಂಬಂಧಿತ ದಾಖಲೆಗಳನ್ನು ತಯಾರಿಸುತ್ತಿದ್ದ ಬೃಹತ್ ಜಾಲವನ್ನು ಮಕ್ಕಾ ಪೊಲೀಸರು ಅವರ ಅಡಗುತಾಣದ ಮೇಲೆ ದಾಳಿ ನಡೆಸಿ ಪತ್ತೆಹಚ್ಚಿದ್ದಾರೆ.

ಆರೋಪಿಗಳ ಕೇಂದ್ರದ ಮೇಲೆ ನಡೆದ ದಾಳಿ ಮತ್ತು ಅವರನ್ನು ಬಂಧಿಸುವ ದೃಶ್ಯಗಳನ್ನು ಸೌದಿ ಅರೇಬಿಯಾದ ಆಂತರಿಕ ವ್ಯವಹಾರಗಳ ಸಚಿವಾಲಯವು ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ವೀಡಿಯೋ

ಖಚಿತ ಮಾಹಿತಿಯ ಮೇರೆಗೆ ಆರೋಪಿಗಳು ತಂಗಿದ್ದ ಫ್ಲಾಟ್ ಮೇಲೆ ಪೊಲೀಸರು ನಡೆಸಿದ ಹಠಾತ್ ದಾಳಿಯಲ್ಲಿ 18 ಜನರಿದ್ದ ಕ್ರಿಮಿನಲ್ ತಂಡ ಸಿಕ್ಕಿಬಿದ್ದಿದೆ. ಈ ತಂಡವು ನಕಲಿ ಇಖಾಮಾಗಳ ಜೊತೆಗೆ, ಹಜ್ ಯಾತ್ರಿಕರಿಗಾಗಿ ಸರ್ಕಾರ ಜಾರಿಗೆ ತಂದಿರುವ ‘ನುಸುಕ್’ (Nusuk) ಕಾರ್ಡ್‌ಗಳು ಮತ್ತು ಗುರುತಿನ ಬ್ರೇಸ್‌ಲೆಟ್‌ಗಳನ್ನು ಕಾನೂನುಬಾಹಿರವಾಗಿ ತಯಾರಿಸುತ್ತಿತ್ತು.

ಬಂಧಿತ 18 ಮಂದಿಯೂ ಅಫ್ಘಾನಿಸ್ತಾನ ಮತ್ತು ಪಾಕಿಸ್ತಾನ ಮೂಲದವರಾಗಿದ್ದಾರೆ.
ಬಂಧಿತರ ವಿರುದ್ಧ ಪ್ರಾಥಮಿಕ ಕಾನೂನು ಕ್ರಮಗಳನ್ನು ಕೈಗೊಳ್ಳಲಾಗಿದ್ದು, ಹೆಚ್ಚಿನ ತನಿಖೆ ಮತ್ತು ನ್ಯಾಯಾಂಗ ಪ್ರಕ್ರಿಯೆಗಳಿಗಾಗಿ ಅವರನ್ನು ಸಾರ್ವಜನಿಕ ಪ್ರಾಸಿಕ್ಯೂಷನ್‌ಗೆ ಹಸ್ತಾಂತರಿಸಲಾಗಿದೆ.