ರಿಯಾದ್: ಸೌದಿ ಅರೇಬಿಯಾದ ಖಾಸಗಿ ಕಂಪನಿಗಳಿಗೆ ವಿದೇಶಿ ಉದ್ಯೋಗಿಗಳಿಗಾಗಿ ವಿಶೇಷ ಕ್ವಾರಂಟೈನ್ ಸೌಲಭ್ಯವನ್ನು ಸ್ಥಾಪಿಸಲು ಪರವಾನಗಿ ನೀಡಲು ಪ್ರಾರಂಭಿಸಿದೆ.
ಪೌರಾಡಳಿತ ಮತ್ತು ಗ್ರಾಮೀಣ ವಸತಿ ಸಚಿವಾಲಯವು ವಿದೇಶದಿಂದ ಲಸಿಕೆ ಪಡೆಯದ ಕಾರ್ಮಿಕರನ್ನು ಇರಿಸಲು ವಿಶೇಷ ಕ್ವಾರಂಟೈನ್ ಕೇಂದ್ರಗಳನ್ನು ಸ್ಥಾಪಿಸಲು ಉದ್ಯಮಿಗಳಿಗೆ ಪರವಾನಗಿ ನೀಡಲು ಕ್ರಮ ಕೈಗೊಂಡಿದೆ.
ರಸ್ತೆ, ಸಮುದ್ರ ಮತ್ತು ವಾಯು ಮಾರ್ಗ ಮೂಲಕ ದೇಶವನ್ನು ಪ್ರವೇಶಿಸುವ ಲಸಿಕೆ ಹಾಕದ ವ್ಯಕ್ತಿಗಳನ್ನು ಸುರಕ್ಷಿತವಾಗಿ ಸ್ವಾಗತಿಸಿ,ವಿಶೇಷ ಕಾಳಜಿಯಿಂದ ನೋಡಿಕೊಳ್ಳುವಂತೆ ಕ್ವಾರಂಟೈನ್ ಕೇಂದ್ರಗಳಿಗೆ ಪರವಾನಗಿಗಳನ್ನು ನೀಡಲಾಗುತ್ತದೆ. ಅರ್ಜಿಯನ್ನು ಆಹ್ವಾನಿಸಿದಾಗ, ಹಲವಾರು ಸಂಸ್ಥೆಗಳು ಮುಂದೆ ಬಂದವು ಮತ್ತು ಅಂತಹ ಕೇಂದ್ರಗಳನ್ನು ದೇಶದಾದ್ಯಂತ ಸ್ಥಾಪಿಸಲಾಗುವುದು ಎಂದು ಸಚಿವಾಲಯ ಹೇಳಿದೆ.
ರಿಯಾದ್, ಜಿದ್ದಾ, ದಮ್ಮಾಮ್ ಮತ್ತು ಧಹ್ರಾನ್ನಲ್ಲಿ ಇದುವರೆಗೆ 3,276 ಜನರ ಸಾಮರ್ಥ್ಯದ 25 ಕೇಂದ್ರಗಳು ಮತ್ತು 1,669 ಜನರ ಸಾಮರ್ಥ್ಯದ 10 ಕಟ್ಟಡಗಳನ್ನು ಸಚಿವಾಲಯವು ಅನುಮೋದಿಸಿದೆ.
ಪ್ರಸ್ತುತ ವಿದೇಶಿ ಕಾರ್ಮಿಕರು ತಮ್ಮ ಸ್ವಂತ ಖರ್ಚಿನಲ್ಲಿ ಸ್ಟಾರ್ ಹೋಟೆಲ್ಗಳಿಗೆ ಹೆಚ್ಚಿನ ಹಣವನ್ನು ಖರ್ಚು ಮಾಡಿ ಕ್ವಾರಂಟೈನ್ ಪೂರ್ತೀಕರಿಸುತ್ತಿದ್ದು, ಹೊಸ ತೀರ್ಮಾನವು ಪ್ರಯೋಜನಕಾರಿಯಾಗಲಿದೆ.
