ಸೌದಿ: Re Entry ವಿಸಾ ಆನ್ ಲೈನ್ ಮೂಲಕ ನವೀಕರಿಸಲು ಸಾಧ್ಯ

ರಿಯಾದ್: ಸೌದಿ ಅರೇಬಿಯಾದಲ್ಲಿ ಇನ್ನು ಮುಂದೆ ಆನ್ ಲೈನ್ ಮೂಲಕವೂ ರೀ ಎನ್ ಟ್ರಿ ವಿಸಾ ಕಾಲಾವಧಿಯನ್ನು ನವೀಕರಿಸಬಹುದಾಗಿದೆ. ತಮ್ಮ ವಾಹನಗಳನ್ನು ಮಾರಾಟ ಮಾಡುವ ವಿಧಾನಗಳಿಗೂ ಆನ್ ಲೈನ್ ಸೇವೆಯನ್ನು ಬಳಸಬಹುದಾಗಿದೆ. ಹದಿಮೂರು ಹೊಸ ಸೇವೆಗಳನ್ನು ಸೇರಿಸಿ ವೈಯಕ್ತಿಕ ಸರಕಾರಿ ಸೇವೆಯಾದ ಅಬ್ಶೀರ್ ಅನ್ನು ಪರಿಷ್ಕರಿಸಲಾಗಿದೆ.

ಹೊಸ ಸೇವೆಗಳನ್ನು ಗೃಹಸಚಿವ ಅಬ್ದುಲ್ ಅಝೀಝ್ ಬಿನ್ ಸೌದ್ ರಾಜಕುಮಾರ ಉದ್ಘಾಟಿಸಿದ್ದಾರೆ. ಆ ಪೈಕಿ ಟ್ರಾಫಿಕ್ ಡೈರೆಕ್ಟರೇಟ್ ಅಡಿಯಲ್ಲಿ ನಾಲ್ಕು, ಪಾಸ್‌ಪೋರ್ಟ್ ವಿಭಾಗದಲ್ಲಿ ನಾಲ್ಕು, ಸಿವಿಲ್ ಅಫೇರ್ಸ್ ಡಿಪಾರ್ಟ್ಮೆಂಟ್ ಅಡಿಯಲ್ಲಿ ಐದು ಸೇವೆಗಳು ಸೇರಿವೆ ಎನ್ನಲಾಗಿದೆ.