ದಮಾಮ್: ಕಣ್ಣೂರಿನಿಂದ ದಮ್ಮಾಮ್ಗೆ ಸರ್ವೀಸ್ ನಡೆಸಲು ಗೋ ಏರ್ಗೆ ಅನುಮತಿ ಲಭಿಸಿದೆ. ನೇರ ಸೇವೆಯು ಡಿಸೆಂಬರ್ 19 ರಿಂದ ಪ್ರಾರಂಭವಾಗಲಿದೆ ಎಂದು ಗೋ ಏರ್ ಇಂಟರ್ ನ್ಯಾಷನಲ್ ಆಪರೇಶನ್ಸ್ ಹಿರಿಯ ಜನರಲ್ ಮ್ಯಾನೇಜರ್ ಜಲೀಲ್ ಖಾಲಿದ್ ತಿಳಿಸಿದ್ದಾರೆ.
ಗೋ ಏರ್ ವಿಮಾನಗಳು ಕೆಲವು ಗಲ್ಫ್ ಕ್ಷೇತ್ರಗಳಿಗೆ ಹಾರಾಟ ನಡೆಸುತ್ತಿವೆ, ಆದರೆ ಇದೇ ಮೊದಲ ಬಾರಿಗೆ ದಮ್ಮಾಮ್ಗೆ ಪ್ರಯಾಣಿಸಲು ಅನುಮತಿ ನೀಡಲಾಗಿದೆ. ಆರಂಭದಲ್ಲಿ, ವಾರಕ್ಕೆ ನಾಲ್ಕು ಸೇವೆಗಳು ಇರಲಿವೆ. ಬೆಳಿಗ್ಗೆ 9.55 ಕ್ಕೆ ದಮ್ಮಾಂನಿಂದ ಹೊರಟು ಸಂಜೆ 5 ಗಂಟೆಗೆ ಕಣ್ಣೂರು ತಲುಪಲಿದೆ. ಕಣ್ಣೂರಿನಿಂದ ಬೆಳಿಗ್ಗೆ 6.55 ಕ್ಕೆ ಹೊರಟು ಬೆಳಿಗ್ಗೆ 8.55 ಕ್ಕೆ ದಮ್ಮಾಂ ತಲುಪಲಿದೆ. ಹೊಸ ಹಾರಾಟದ ಸಮಯವನ್ನು ವ್ಯವಹಾರದ ದಿನಗಳನ್ನು ಉಳಿಸುವ ಸಾಧ್ಯತೆಗೆ ಅನುಗುಣವಾಗಿ ಹೊಂದಿಸಲಾಗಿದೆ.
ವಿಮಾನವು ಸೋಮವಾರ, ಬುಧವಾರ, ಗುರುವಾರ ಮತ್ತು ಶನಿವಾರ ದಮ್ಮಾಂನಿಂದ ಹೊರಡಲಿದೆ. ಕ್ರಿಸ್ಮಸ್ ಮತ್ತು ಹೊಸ ವರ್ಷದ ಋತುವಿನ ಲಾಭವನ್ನು ಪಡೆದುಕೊಳ್ಳುವ ವಿಮಾನ ಯಾನ ಕಂಪೆನಿಗಳ ಮಧ್ಯೆ ಪ್ರಯಾಣಿಕರಿಗೆ ಗೋ ಏರ್ ಒಂದು ಹಾದಿಗೆ 499 ರಿಯಾಲ್ ಮತ್ತು ಎರಡೂ ಕಡೆಗೆ 999 ರಿಯಾಲ್ ಮಾತ್ರ ದರ ನಿಗದಿ ಪಡಿಸಿದೆ. ಇದೇ ದರದಲ್ಲಿ 30 ಕೆಜಿ ಲಗೇಜ್ ಮತ್ತು 7 ಕೆಜಿ ಕೈ ಲಗ್ಗೇಜನ್ನು ಸಾಗಿಸಬಹುದು. ಇದು ತೆರಿಗೆಗಳು, ಟ್ಯಾಕ್ಸ್ ಗಳನ್ನು ಒಳಗೊಂಡಿವೆ ಎಂದು ಸಲೀಮ್ ಖಾಲಿದ್ ಹೇಳಿದರು.
ಕಣ್ಣೂರು ವಿಮಾನ ನಿಲ್ದಾಣವನ್ನು ಅವಲಂಬಿಸಿರುವ ಪ್ರಾಂತ್ಯದ ಪ್ರಯಾಣಿಕರು ನಿರಾಶೆಗೊಂಡಿದ್ದರು.
ಕಾಸರಗೋಡು, ಕೋಝಿಕೋಡ್, ವಯನಾಡ್ ಮತ್ತು ಮಂಗಳೂರು ಭಾಗದ ಪ್ರಯಾಣಿಕರಿಗೆ ಅನುಕೂಲವಾಗುವ ಕಾರಣಕ್ಕಾಗಿ ಕಣ್ಣೂರನ್ನು ದಮ್ಮಾಂನಿಂದ ಮೊದಲ ಸೇವೆಗೆ ಆಯ್ಕೆ ಮಾಡಲಾಗಿದೆ ಎಂದು ಜಲೀಲ್ ಖಾಲಿದ್ ಹೇಳಿದರು. ಎಲ್ಲಾ ವಿಮಾನಗಳು ಯಶಸ್ವಿಯಾಗಿದ್ದು, ಕೇರಳದ ಇತರ ವಿಮಾನ ನಿಲ್ದಾಣಗಳಿಂದ ಹೆಚ್ಚಿನ ಸೇವೆಗಳನ್ನು ಪ್ರಾರಂಭಿಸುವ ಪ್ರಕ್ರಿಯೆ ಪ್ರಗತಿಯಲ್ಲಿದೆ ಎಂದರು. ದಮಾಮ್-ಕಣ್ಣೂರು ಮೊದಲ ವಿಮಾನಯಾನವನ್ನು ಬರಮಾಡಿಕೊಳ್ಳಲು ವಲಸಿಗರು ಹರ್ಷಗೊಂಡಿದ್ದಾರೆ.
ಇನ್ನಷ್ಟು ಸುದ್ದಿಗಳು
ಸೌದಿಯ ವೈಮಾನಿಕ ದಾಳಿ ಇರಾಕಿ ಜನತೆ ಅಥವಾ ಸರ್ಕಾರದ ವಿರುದ್ಧವಲ್ಲ- ಸೌದಿ ಅರೇಬಿಯಾ
ಇಸ್ರೇಲಿ ಉತ್ಪನ್ನಗಳ ಆಮದು ನಿಷೇಧ: ಐರ್ಲೆಂಡ್ ಕ್ರಮವನ್ನು ಸ್ವಾಗತಿಸಿದ ಕತಾರ್
ಪ್ರಾದೇಶಿಕ ಮಟ್ಟದಲ್ಲಿ ಅನಿಶ್ಚಿತತೆ: ಮೂರು ಗಲ್ಫ್ ದೇಶಗಳಿಗೆ ವಿಮಾನ ಸೇವೆ ಸ್ಥಗಿತ
ಅನಿವಾಸಿ ಭಾರತೀಯರ ಪಾಸ್ಪೋರ್ಟ್ ಶುಲ್ಕ ಹೆಚ್ಚಳ: ಮೂರು ವಾರಗಳಲ್ಲಿ ನಿರ್ಧಾರ ತಿಳಿಸುವಂತೆ ಕೇಂದ್ರಕ್ಕೆ ಕೋರ್ಟ್ ನಿರ್ದೇಶನ
ಹೋರ್ಮುಜ್ ಮೂಲಕ ಸುರಕ್ಷಿತ ಸಾರಿಗೆ- ಪ್ರಮುಖ ಚರ್ಚೆಗಾಗಿ ಇರಾನ್ಗೆ ತಲುಪಿದ ಒಮಾನ್ ನಿಯೋಗ
ಉಮ್ರಾ ಯಾತ್ರಿಕರಿಗೆ ಸಿಹಿ ಸುದ್ದಿ: ಒಂದು ವರ್ಷ ಕಾಲಾವಧಿಯ ‘ಮಲ್ಟಿ ಎಂಟ್ರಿ’ ಉಮ್ರಾ ವೀಸಾ ಬಿಡುಗಡೆ
ಭಾರತದ ವಿಮಾನ ಪ್ರಯಾಣಿಕರಿಗೆ ಸಿಹಿ ಸುದ್ದಿ: ಟಿಕೆಟ್ ದರಕ್ಕೆ ಮಾಸಿಕ ಕಂತಿನ ಸೌಲಭ್ಯ
ನಿಖರವಲ್ಲದ ಸುದ್ದಿ ಹಂಚಿಕೊಂಡರೆ ಅಪಾಯ- ನಕಲಿ ಸುದ್ದಿಗಳ ವಿರುದ್ಧ ಸೌದಿಯಲ್ಲಿ ಎಚ್ಚರಿಕೆ
ಸೌದಿ: ‘ಏಕೀಕೃತ ರಾಷ್ಟ್ರೀಯ ವೀಸಾ ಪ್ಲಾಟ್ಫಾರ್ಮ್’ ಅನುಷ್ಠಾನಕ್ಕೆ- ವೀಸಾ ಪ್ರಕ್ರಿಯೆಗಳು ಇನ್ನಷ್ಟು ಸುಲಭ
ಅಂತಾರಾಷ್ಟ್ರೀಯ ಸರ್ವೀಸ್ಗಳಲ್ಲಿ ದರ ಕಡಿತ – ಏರ್ ಇಂಡಿಯಾ ಎಕ್ಸ್ಪ್ರೆಸ್ ಘೋಷಣೆ