ಹಲಸೂರು: ಸಮನ್ವಯ ವಿದ್ಯಾ ಸಮುಚ್ಚಯವಾದ ಮರ್ಖಿನ್ಸ್ ನ ಕನ್ನಡ ವಿದ್ಯಾರ್ಥಿ ಒಕ್ಕೂಟವಾದ ‘ಚಿಲುಮೆ’ ವತಿಯಿಂದ ಕನ್ನಡ ರಾಜ್ಯೋತ್ಸವ
ಹಾಗೂ ಚಿಲುಮೆಯ ಒಂದನೇ ವಾರ್ಷಿಕೋತ್ಸವವನ್ನು ಅದ್ಧೂರಿಯಾಗಿ ಆಚರಿಸಲಾಯಿತು.
ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಮರ್ಖಿನ್ಸ್ ಕಾರ್ಯ ನಿರ್ವಾಹಕರಾದ ಹಬೀಬ್ ನೂರಾನಿ ರವರು, ಕನ್ನಡ ಅಸ್ಮಿತೆಗಾಗಿ ಹೋರಾಡಲು ಸದಾ ಸಮಯ ಸಿದ್ಧರಿರಬೇಕೆಂದು ಕರೆ ನೀಡಿದರು. ಕಾರ್ಯಕ್ರಮದ ಪ್ರಯುಕ್ತ ಹಮ್ಮಿಕೊಂಡಿದ್ದ ವಿವಿಧ ಸ್ಪರ್ಧೆಗಳಲ್ಲಿ ವಿಜೇತರಾದವರಿಗೆ ಸಂಸ್ಥೆಯ ಮುಖ್ಯ ಪ್ರಾಧ್ಯಾಪಕರಾದ ನಾಸಿರ್ ಅಹ್ಸನಿರವರು ಪ್ರಶಸ್ತಿಗಳನ್ನು ನೀಡಿದರು. ವಿದ್ಯಾರ್ಥಿಗಳಿಂದ ವೈವಿದ್ಯಮಯ ಕಾರ್ಯಕ್ರಮಗಳು ಜರುಗಿದವು. ಉಪನ್ಯಾಸಕರಾದ ಸಲಾಂ ಸಖಾಫಿ, ಸಲಾಂ ಮಂಜೇಶ್ವರ , ಶರೀಫ್ ವಯನಾಡ್ ಕಾರ್ಯಕ್ರಮವನ್ನು ಹಾರೈಸಿದರು. ಚಿಲುಮೆಯ ಸಂಚಾಲಕರಾದ ರಕೀಬ್ ನ ಧನ್ಯವಾದದೊಂದಿಗೆ ಕಾರ್ಯಕ್ರಮ ಕೂನೆಗೊಂಡಿತು.
