janadhvani

Kannada Online News Paper

ಮಂಗಳೂರು :ಪೈಲಟ್​ಗೆ ಅನಾರೋಗ್ಯ ಸಮಸ್ಯೆ-ದುಬೈಗೆ ತೆರಳಬೇಕಿದ್ದ ವಿಮಾನ ರನ್​ವೇಯಲ್ಲೇ ಬಾಕಿ

ಈ ವರದಿಯ ಧ್ವನಿಯನ್ನು ಆಲಿಸಿ


ಮಂಗಳೂರು: ಪೈಲಟ್​ಗೆ ಧೀಡೀರ್​ ಎಂದು ಆನಾರೋಗ್ಯದ ಸಮಸ್ಯೆ ಕಾಡಿದ್ದರಿಂದಾಗಿ ಟೇಕ್​ ಆಫ್​ ಆಗಲು ಅಣಿಯಾಗಿದ್ದ ವಿಮಾನೊಂದು ರನ್​ವೇಯಲ್ಲೇ ನಿಂತಿದೆ.

ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಮಂಗಳವಾರ ತಡರಾತ್ರಿ 12.45 ಕ್ಕೆ ಸ್ಪೈಸ್​ ಜೆಟ್ SG-59 ವಿಮಾನ ದುಬೈಗೆ ತೆರಳಬೇಕಿತ್ತು. ವಿಮಾನ ಟೇಕ್​ ಆಫ್​ ಆಗಲು ಸಿದ್ಧತೆ ನಡೆಸಿತ್ತು. ಆದರೆ ಈ ಸಂದರ್ಭದಲ್ಲಿ ಪೈಲಟ್​ಗೆ ಅನಾರೋಗ್ಯದ ಸಮಸ್ಯೆ ಕಾಣಿಸಿಕೊಂಡಿದೆ.

ಈ ಹಿನ್ನೆಲೆಯಲ್ಲಿ ವಿಮಾನ ರನ್​ವೇಯಲ್ಲೇ ನಿಂತಿದ್ದು, ವಿಮಾನದಲ್ಲಿ 188 ಪ್ರಯಾಣಿಕರಿದ್ದು,ರಾತ್ರಿಯಿಂದ ವಿಮಾನದಲ್ಲೇ ಕಾಯುತ್ತಿದ್ದರೂ ಬೆಳಗ್ಗಿನ  ವರೆಗೂ ಬದಲಿ ಪೈಲಟ್​ ವ್ಯವಸ್ಥೆ ಮಾಡಿಲ್ಲವೆಂದು ಪ್ರಯಾಣಿಕರು ವಿಮಾನ ಸಂಸ್ಥೆ ಮತ್ತು ಅಧಿಕಾರಿಗಳ ವಿರುದ್ಧ ಕಿಡಿ ಕಾರುತ್ತಿದ್ದಾರೆ.

error: Content is protected !! Not allowed copy content from janadhvani.com