ದಮಾಮ್: ಸೋಮವಾರ ಸಂಜೆ ಶವ್ವಾಲ್ ತಿಂಗಳ ಚಂದ್ರ ವೀಕ್ಷಿಸುವಂತೆ ಸೌದಿ ಅರೇಬಿಯಾದ ವಿಶ್ವಾಸಿಗಳೊಂದಿಗೆ ಸೌದಿ ಸುಪ್ರೀಂ ಕೋರ್ಟ್ ಹೇಳಿದೆ. ರಂಜಾನ್ 29 ಕೊನೆಗೊಳ್ಳುವ ಸೋಮವಾರ ಸಂಜೆ ಶವ್ವಾಲ್ ಚಂದ್ರನ ದರ್ಶನವಾಗುವ ಸಾಧ್ಯತೆ ಇರುವುದರಿಂದ ನ್ಯಾಯಾಲಯ ಕರೆ ನೀಡಿದೆ.
ಚಂದ್ರ ದರ್ಶನವಾದಲ್ಲಿ ಹತ್ತಿರದ ನ್ಯಾಯಾಲಯಕ್ಕೆ ತಿಳಿಸುವಂತೆ ಸುಪ್ರೀಂ ಕೋರ್ಟ್ ಹೇಳಿದೆ. ಶವ್ವಾಲ್ ತಿಂಗಳ ಚಂದ್ರ ದರ್ಶನಕ್ಕೆ ಸಾಕ್ಷಿಯಾದವರು ತಮ್ಮ ಸಾಕ್ಷ್ಯವನ್ನು ದಾಖಲಿಸಬೇಕು ಎಂದು ನ್ಯಾಯಾಲಯ ಸೂಚಿಸಿದೆ.
ಸೋಮವಾರ ಚಂದ್ರ ದರ್ಶನ ದಾಖಲಾದಲ್ಲಿ ಸೌದಿ ಅರೇಬಿಯಾ ಸೇರಿದಂತೆ ಗಲ್ಫ್ ರಾಷ್ಟ್ರಗಳಲ್ಲಿ ಮಂಗಳವಾರದಂದು ಈದುಲ್ ಫಿತರ್ ಹಬ್ಬ ಆಚರಿಸಲಾಗುತ್ತದೆ. ದೇಶದ ಸರ್ಕಾರಿ ಖಾಸಗಿ ಸಂಸ್ಥೆಗಳು ಮತ್ತು ಶಿಕ್ಷಣ ಸಂಸ್ಥೆಗಳಲ್ಲಿ ಈಗಾಗಲೇ ಈದ್ ರಜಾದಿನಗಳು ಪ್ರಾರಂಭವಾಗಿವೆ.
ಹಬ್ಬದ ಪ್ರಯುಕ್ತ ದೇಶದ ವಿವಿಧ ಭಾಗಗಳಲ್ಲಿ ಈದ್ ಹಬ್ಬದ ಸಂಭ್ರಮಾಚರಣೆ ಕಾರ್ಯಕ್ರಮಗಳು ಸಹ ನಡೆಯಲಿವೆ.
