ಸಾಮಾಜಿಕ ಮಾಧ್ಯಮಗಳ ಮೂಲಕ ನಕಲಿ ನೋಟುಗಳ ಮಾರಾಟ- ಆರೋಪಿಗಳ ಬಂಧನ

ದುಬೈ: ಸಾಮಾಜಿಕ ಮಾಧ್ಯಮಗಳ ಮೂಲಕ ನಕಲಿ ನೋಟುಗಳನ್ನು ಮಾರಾಟ ಮಾಡಿದ ಗುಂಪಿಗೆ ಯುಎಇಯಲ್ಲಿ ಜೈಲು ಶಿಕ್ಷೆ ವಿಧಿಸಲಾಗಿದೆ. ಯುಎಇ ಪಬ್ಲಿಕ್ ಪ್ರಾಸಿಕ್ಯೂಷನ್ ನಕಲಿ ಗ್ಯಾಂಗ್ ಬಗ್ಗೆ ತನಿಖೆ ಪೂರ್ಣಗೊಳಿಸಿ,ಆರೋಪಿಗಳಿಗೆ ಜೈಲು ಶಿಕ್ಷೆ ವಿಧಿಸಿದೆ. ದೊಡ್ಡ ವಂಚನೆಯ ಗುಂಪನ್ನು ಜೈಲಿನಲ್ಲಿರಿಸಿರುವ ಬಗ್ಗೆ UAE ಪಬ್ಲಿಕ್ ಪ್ರಾಸಿಕ್ಯೂಷನ್ ಬಹಿರಂಗಪಡಿಸಿದೆ.

ಕರೆನ್ಸಿಗಳ ಮೌಲ್ಯದ ಐವತ್ತು ಪ್ರತಿಶತಕ್ಕೆ ಕರೆನ್ಸಿಗಳನ್ನು ಮಾರಾಟ ಮಾಡುತ್ತಿದ್ದ ಈ ಗ್ಯಾಂಗ್ ಸಾಮಾಜಿಕ ಜಾಲತಾಣಗಳ ಮೂಲಕ ಗ್ರಾಹಕರಿಗೆ ಬಲೆ ಬೀಸುತ್ತಿದ್ದರು. ಸಿಕ್ಕಿ ಬೀಳುವ ಗ್ರಾಹಕರನ್ನು ವಿಶೇಷ ಸ್ಥಳಕ್ಕೆ ಆಹ್ವಾನಿಸಿ, ನೋಟುಗಳನ್ನು ಪರಸ್ಪರ ವಿನಿಮಯ ಮಾಡಿಕೊಳ್ಳಲಾಗುತ್ತದೆ. ನಕಲಿ ನೋಟುಗಳ ಬದಲಿಗೆ ನಿಜವಾದ ಕರೆನ್ಸಿ ಖರೀದಿಸುವುದು ಗ್ಯಾಂಗ್‌ನ ವಿಧಾನವಾಗಿತ್ತು. ಸಂತ್ರಸ್ತರಿಗೆ ತಾವು ಪಡೆದಿರುವುದು ಸಂಪೂರ್ಣ ನಕಲಿ ಎಂದು ತಿಳಿಯುವ ವೇಳೆಗೆ ವಂಚಕರು ಸಾಮಾಜಿಕ ಜಾಲತಾಣಗಳಿಂದ ಕಣ್ಮರೆಯಾಗಿರುತ್ತಾರೆ.

ಯುಎಇ ಪಬ್ಲಿಕ್ ಪ್ರಾಸಿಕ್ಯೂಷನ್, ಪರವಾನಗಿ ಪಡೆದ ಸಂಸ್ಥೆಗಳಿಂದ ಹೊರತುಪಡಿಸಿ ಕರೆನ್ಸಿಗಳನ್ನು ಪಡೆಯುವ ವಿರುದ್ಧ ಎಚ್ಚರಿಸಿದೆ.