ಟ್ರಂಪ್ ನ ಮುಸ್ಲಿಮ್ ವಿರುದ್ಧ ಆದೇಶವನ್ನು ಹಿಂಪಡೆಯಲಿದ್ದಾರೆ ಜೋ ಬೈಡನ್?

ವಾಷಿಂಗ್ಟನ್: ಅಮೆರಿಕ ಅಧ್ಯಕ್ಷರಾಗಿ ಜೋ ಬೈಡನ್ ಆಯ್ಕೆಗೊಂಡಿದ್ದು, ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಕೆಲವು ಆದೇಶಗಳನ್ನು ಮಾರ್ಪಾಡು ಮಾಡುವ ಸೂಚನೆಗಳು ಲಭ್ಯವಾಗಿದೆ.

ಡೊನಾಲ್ಡ್ ಟ್ರಂಪ್ ಅಧ್ಯಕ್ಷರಾಗುತ್ತಿದ್ದಂತೆಯೇ ಕೆಲವು ವಿವಾದಾತ್ಮಕ ಆದೇಶಗಳನ್ನು ಹೊರಡಿಸಿದ್ದರು. ಈ ಪೈಕಿ ಮುಸ್ಲಿಂ ಸಂಘಟನೆಯ ನಿಷೇಧದ ಆದೇಶವನ್ನು ಹಿಂಪಡೆಯುವ ಘೋಷಣೆಯನ್ನು ಬೈಡನ್ ಆಡಳಿತ ಮಾಡಿದೆ.ಇರಾಕ್, ಸಿರಿಯಾ ಸೇರಿದಂತೆ ಮುಸ್ಲಿಂ ಬಾಹುಳ್ಯವಿರುವ ದೇಶಗಳಿಂದ ವಲಸೆ ಬರುವವರಿಗೆ ಸರಣಿ ಆದೇಶಗಳ ಮೂಲಕ ಟ್ರಂಪ್ ನಿಷೇಧ ವಿಧಿಸಿದ್ದರು ಆದರೆ, ಇರಾಕ್ ನಿಂದ ಅಮೇರಿಕ ಸೇನೆ ತೊಲಗಬೇಕೆಂದು ಇರಾಕ್ ನಲ್ಲಿ ಪ್ರತಿಭಟನೆ ಕಾವು ಏರಿದಾಗ ಇರಾಕ್ ವಿರುದ್ಧದ ಆದೇಶವನ್ನು ಹಿಂಪಡೆದಿದ್ದರು.

ಜೋ ಬೈಡನ್ ಅವರು ಅಧಿಕಾರ ವಹಿಸಿಕೊಂಡ ಮೊದಲ ದಿನವೇ ಟ್ರಂಪ್ ಅವಧಿಯಲ್ಲಿ ಜಾರಿಗೊಳಿಸಲಾಗಿದ್ದ ಮುಸ್ಲಿಂ ನಿಷೇಧ ಆದೇಶವನ್ನು ಹಿಂಪಡೆಯಲಿದ್ದಾರೆ ಎಂದು ಜೋ ಬೈಡನ್ ತಂಡ ಹೇಳಿದೆ.