ಸೌದಿ: ಅಲ್-ಅತೀರ್ ನಲ್ಲಿ ಕರ್ಫ್ಯೂ ಸಡಿಲಿಕೆ- ದಮ್ಮಾಮಿನ 2ನೇ ಕೈಗಾರಿಕಾ ನಗರ ಲಾಕ್ಡೌನ್

ದಮ್ಮಾಮ್: ಸೌದಿ ಅರೇಬಿಯಾದ ಪೂರ್ವ ಪ್ರಾಂತ್ಯದ ಅಲ್-ಅತಿರ್ ಪ್ರದೇಶದಲ್ಲಿ 24 ಗಂಟೆಗಳ ಕರ್ಫ್ಯೂ ಸಡಿಲಿಸಲಾಗಿದೆ.ಬೆಳಿಗ್ಗೆ 9 ರಿಂದ ಸಂಜೆ 5 ರವರೆಗೆ ಸಾರ್ವಜನಿಕರಿಗೆ ಮನೆಯಿಂದ ಹೊರಡಲು ಅನುಮತಿಸಲಾಗಿದೆ.ಈ ಪ್ರದೇಶದಲ್ಲಿ ಈಗಾಗಲೇ ಘೋಷಿಸಿರುವ ಆರೋಗ್ಯ ಸಚಿವಾಲಯದ ತಪಾಸಣೆ ಕಾರ್ಯ ಮುಂದುವರಿಯಲಿದೆ.

ಏತನ್ಮಧ್ಯೆ, ದಮ್ಮಾನ್ ಎರಡನೇ ಕೈಗಾರಿಕಾ ನಗರವನ್ನು(ಇಂಡಸ್ಟೇರಿಯಲ್ ಸಿಟಿ-2) ಅನ್ನು ಕೋವಿಡ್ ಪರಿಶೀಲನೆಗಾಗಿ ಪ್ರತ್ಯೇಕಿಸಲಾಗಿದೆ. ಈ ಪ್ರದೇಶದಲ್ಲಿನ ಯಾರೂ ನಗರ ಬಿಟ್ಟು ಹೋಗಬಾರದು ಮತ್ತು ಹೊರಗಿನಿಂದ ಪ್ರವೇಶಿಸಬಾರದು. ಇಲ್ಲಿ ಕೋವಿಡ್-19 ಪ್ರಕರಣ ಪತ್ತೆಯಾದ ಹೆನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.

ಈ ಪ್ರದೇಶದ ಕಾರ್ಖಾನೆಗಳು ಮೂರನೇ ಒಂದು ಭಾಗದಷ್ಟು ಉದ್ಯೋಗಿಗಳೊಂದಿಗೆ ಕಾರ್ಯನಿರ್ವಹಿಸಸಬಹುದು. ಎಂಜಿನಿಯರ್‌ಗಳು, ವ್ಯವಸ್ಥಾಪಕರು ಮತ್ತು ನೌಕರರಿಗೆ ಪ್ರವೇಶಿಸಲು ಅನುಮತಿಯಿದೆ,ಆದರೆ ಈ ಪ್ರದೇಶದಿಂದ ಹೊರಡಬಾರದು. ತಪಾಸಣೆಗೆ ಒಳಪಟ್ಟ ಸರಕು ಸಾಗಣೆ ವಾಹನಗಳಿಗೆ ಮಾತ್ರ ಪ್ರದೇಶದ ಒಳಗೆ ಮತ್ತು ಹೊರಗೆ ಪ್ರವೇಶಿಸಲು ಅವಕಾಶವಿರುತ್ತದೆ.