ಸೌದಿ: ಖಾಸಗಿ ಸಂಸ್ಥೆಗಳಲ್ಲಿನ ನೌಕರರ ವೇತನ, ರಜೆ ಕಡಿತಗೊಳಿಸಲು ಅನುಮತಿ

ರಿಯಾದ್: ಸೌದಿಯ ಮಾನವ ಸಂಪನ್ಮೂಲ ಸಚಿವಾಲಯವು ಖಾಸಗಿ ವಲಯದ ಸಂಸ್ಥೆಗಳಿಗೆ ಸಂಬಳವನ್ನು ಕಡಿಮೆ ಮಾಡಲು ಮತ್ತು ನೌಕರರಿಗೆ ರಜೆ ನೀಡಲು ಅನುಮತಿ ನೀಡಿದೆ. ಕೋವಿಡ್ ಹಿನ್ನೆಲೆಯಲ್ಲಿ ದೇಶಾದ್ಯಂತ ಹರಡಿರುವ ಆರ್ಥಿಕ ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದ್ದು, ಕಾರ್ಮಿಕ ಕಾನೂನುಗಳ ನಿಯಮಗಳಿಗೆ ಅನುಗುಣವಾಗಿರುತ್ತದೆ.

ಅನಿರೀಕ್ಷಿತ ಸಂದರ್ಭಗಳಲ್ಲಿ, ಮುನ್ನೆಚ್ಚರಿಕೆ ಕ್ರಮದ ಭಾಗವಾಗಿ ಸಂಸ್ಥೆಗಳಿಗೆ ಖರ್ಚು ಕಡಿಮೆಗೊಳಿಸಲು ಅವಕಾಶವಿದೆ. ಈ ಕಾನೂನಿನ ಭಾಗವಾಗಿ, ಖಾಸಗಿ ಕಂಪನಿಗಳು ವೆಚ್ಚವನ್ನು ಕಡಿಮೆ ಮಾಡಬಹುದು.
ಹೊಸ ಆದೇಶದ ಪ್ರಮುಖ ಭಾಗಗಳು ಇಲ್ಲಿವೆ.

• ಹಣಕಾಸಿನ ಬಿಕ್ಕಟ್ಟನ್ನು ನಿವಾರಿಸಲು ಖಾಸಗಿ ಕಂಪನಿಗಳಿಗೆ ನೌಕರರ ವೇತನ ಮತ್ತು ರಜೆ ಕಡಿಮೆ ಮಾಡಲು ಅನುಮತಿ.
• ಗುತ್ತಿಗೆ ಕಂಪೆನಿಗಳು ಕೆಲಸಗಾರ ಕೆಲಸದ ಆಧಾರದ ಮೇಲೆ ಮಾತ್ರ ಸಂಬಳ ಪಾವತಿಸಲು ಅನುಮತಿಸಲಾಗುತ್ತದೆ.
• ಕೆಲಸಗಾರನಿಗೆ ನೀಡಲಾಗುವ ಇತರ ರಜೆಯನ್ನು ವಾರ್ಷಿಕ ರಜೆಯಿಂದ ಕಡಿತಗೊಳಿಸಬಹುದು.
• ಕಾರ್ಮಿಕ ಕಾಯ್ದೆಯ ಸೆಕ್ಷನ್ 116 ರ ಅಡಿಯಲ್ಲಿ ಕಾರ್ಮಿಕನಿಗೆ ವಿಶೇಷ ರಜೆಯನ್ನೂ ನೀಡಬಹುದು.
• ಮುಂದಿನ ಆರು ತಿಂಗಳಿಗೆ, ಕಂಪನಿಗಳು ಕಾರ್ಮಿಕರೊಂದಿಗೆ ಈ ಕುರಿತು ಒಪ್ಪಂದವನ್ನೂ ತಲುಪಬಹುದು.
• ಒಪ್ಪಂದದ ಮೂಲಕ ಕೆಲಸ ಮಾಡುವ ಗಂಟೆಗಳಿಗೆ ಮಾತ್ರ ಸಂಬಳ ಪಾವತಿಸಲು ಕಂಪನಿಗೆ ಅವಕಾಶವಿದೆ.

ಷರತ್ತುಗಳೊಂದಿಗೆ ಆದೇಶವನ್ನು ಜಾರಿಗೊಳಿಸಲಾಗುತ್ತದೆ. ಸಂಸ್ಥೆಗಳಿಗೆ ಈ ಬಗ್ಗೆ ಸಚಿವಾಲಯದಿಂದ ನಿರ್ದೇಶನ ನೀಡಲಾಗುತ್ತದೆ.