janadhvani

Kannada Online News Paper

ರಿಯಾದ್,ಮಾ.26: 2020 ರ ಜೂನ್ ಅಂತ್ಯದವರೆಗೆ ವಿದೇಶಿ ಕಾರ್ಮಿಕರಿಗೆ ವಲಸೆ ಶುಲ್ಕದಿಂದ ವಿನಾಯಿತಿ ನೀಡುವ ಹಿಂದಿನ ನಿರ್ಧಾರವನ್ನು ಜಾರಿಗೆ ತರುವ ಕಾರ್ಯವಿಧಾನವನ್ನು ಜನರಲ್ ಪಾಸ್ಪೋರ್ಟ್ಸ್ ನಿರ್ದೇಶನಾಲಯ (ಜವಾಝಾತ್) ಅನಾವರಣಗೊಳಿಸಿದೆ.

ಜವಾಝಾತ್ ನ ಈ ಪರಿಹಾರ ಕ್ರಮವು, ರೆಸಿಡೆನ್ಸಿ ಪರವಾನಗಿ (ಇಖಾಮಾ) ವಿಸ್ತರಣೆ ಮತ್ತು ಎಕ್ಸಿಟ್ ರೀ ಎಂಟ್ರಿ ಮತ್ತು ಅಂತಿಮ ನಿರ್ಗಮನ ವೀಸಾಗಳನ್ನು ಒಳಗೊಂಡಿದೆ.ಆಂತರಿಕ ಸಚಿವಾಲಯದ ಅಬ್ಶೀರ್ ಮತ್ತು ಮುಕೀಮ್ ಪೋರ್ಟಲ್‌ಗಳ ಮೂಲಕ ವಿಸ್ತರಣೆಯನ್ನು ಮಾಡಲಾಗುವುದು, ಜವಾಝಾತ್ ಕಚೇರಿಗಳಿಗೆ ಭೇಟಿ ನೀಡುವ ಅಗತ್ಯವಿಲ್ಲ ಎಂದು ಜವಾಝಾತ್ ಟ್ವಿಟರ್‌ನಲ್ಲಿ ತನ್ನ ಅಧಿಕೃತ ಖಾತೆಯ ಮೂಲಕ ತಿಳಿಸಿದೆ.

ಇಕಾಮಾ ನವೀಕರಣ: ವಾಣಿಜ್ಯ ವಲಯದಲ್ಲಿ ವೃತ್ತಿಯಲ್ಲಿರುವ ಮತ್ತು ಮಾರ್ಚ್ 18 ಮತ್ತು ಜೂನ್ 30 ರ ನಡುವೆ ರೆಸಿಡೆನ್ಸಿ ಪರ್ಮಿಟ್ (ಇಕಾಮಾ) ಅವಧಿ ಮುಗಿಯುವವರಿಗೆ ಶುಲ್ಕ ಪಾವತಿಸದೆ ಇಖಾಮಾಗಳನ್ನು ಮೂರು ತಿಂಗಳ ಅವಧಿಗೆ ವಿಸ್ತರಿಸಬಹುದು. ಅವಧಿಯನ್ನು ಆನ್‌ಲೈನ್‌ನಲ್ಲಿ ವಿಸ್ತರಿಸಲಾಗುವುದು,ಜವಾಝಾತ್ ಕಚೇರಿಗಳನ್ನು ವೈಯಕ್ತಿಕವಾಗಿ ಸಂಪರ್ಕಿಸುವ ಅಗತ್ಯವಿಲ್ಲ.

ನಿರ್ಗಮನ ಮತ್ತು ಮರು ಪ್ರವೇಶ: ವಾಣಿಜ್ಯ ವಲಯದಲ್ಲಿನ ವ್ಯಾಪಾರಿ ವಲಸಿಗರು ,ಫೆಬ್ರವರಿ 25 ರಿಂದ ಮಾರ್ಚ್ 20 ರ ಅವಧಿಯಲ್ಲಿ ಅವರ ಎಕ್ಸಿಟ್-ರೀ ಎಂಟ್ರಿ ವೀಸಾಗಳನ್ನು ವಿಮಾನ ರದ್ದುಗೊಂಡ ಕಾರಣ ಉಪಯೋಗಿಸಲಾಗಿಲ್ಲ. ಅವರ ವೀಸಾಗಳನ್ನು ಯಾವುದೇ ಶುಲ್ಕವಿಲ್ಲದೆ ಮೂರು ತಿಂಗಳ ಅವಧಿಗೆ ವಿಸ್ತರಿಸಲಾಗುವುದು.

ಅಂತಿಮ ನಿರ್ಗಮನ ವೀಸಾ: ತಮ್ಮ ರೆಸಿಡೆನ್ಸಿ ಪರವಾನಗಿಯ ಅವಧಿ ಮುಗಿದ ಬಳಿಕ ತಮ್ಮ ಕಾರ್ಮಿಕರಿಗೆ ಅಂತಿಮ ನಿರ್ಗಮನ ವೀಸಾಗಳನ್ನು ಪಡೆದ ವ್ಯಾಪಾರ ಮಾಲೀಕರು, ಅಂತಿಮ ನಿರ್ಗಮನ ವೀಸಾವನ್ನು ರದ್ದುಗೊಳಿಸಬಹುದು. ಮತ್ತು ಅವರು ಸೌದಿಯಲ್ಲಿ ಉಳಿದುಕೊಳ್ಳುವ ಅವಧಿಯನ್ನು ಮೂರು ತಿಂಗಳಿಗೆ ವಿಸ್ತರಿಸಲಾಗುವುದು. ಇದಕ್ಕೆ ಯಾವುದೇ ಶುಲ್ಕವಿಲ್ಲ.

ಕಳೆದ ಮಂಗಳವಾರ, ಅಂತಿಮ ನಿರ್ಗಮನ ವೀಸಾ ಅಥವಾ ನಿರ್ಗಮನ ಮತ್ತು ಮರು ಪ್ರವೇಶ ವೀಸಾಗಳನ್ನು ಪಡೆದು ಸೌದಿಯಲ್ಲೇ ಉಳಿದಿರುವ ವಲಸಿಗರು ಅವರ ವೀಸಾ ಅವಧಿ ಮುಗಿಯುವ ಮೊದಲು ತ್ವರಿತವಾಗಿ ರದ್ದುಗೊಳಿಸುವಂತೆ ಜಾವಾಝಾತ್ ಕೇಳಿತ್ತು.

ಕರೋನವೈರಸ್ ಹರಡುವುದನ್ನು ತಡೆಯಲು ಮುನ್ನೆಚ್ಚರಿಕೆ ಕ್ರಮಗಳ ಭಾಗವಾಗಿ ಸೌದಿ ಸರ್ಕಾರವು ಅಂತರರಾಷ್ಟ್ರೀಯ ವಿಮಾನಯಾನಗಳನ್ನು ಸ್ಥಗಿತಗೊಳಿಸಿದ ನಂತರ ಈ ಹೊಸ ಕ್ರಮವನ್ನು ತೆಗೆದುಕೊಳ್ಳಲಾಗಿದೆ.

ವೀಸಾಗಳ ಸಿಂಧುತ್ವವನ್ನು ಪರಿಶೀಲಿಸಲು ಅಬ್ಶೀರ್ ಅಥವಾ ಮುಕೀಮ್‌ನ ಎಲೆಕ್ಟ್ರಾನಿಕ್ ಸೇವಾ ಪೋರ್ಟಲ್‌ಗಳ ಮೂಲಕ ಅವುಗಳನ್ನು ರದ್ದುಗೊಳಿಸುವಂತೆ ಜವಾಝಾತ್ ವಲಸಿಗರನ್ನು ಕೇಳಿದೆ.

ಸದ್ಯ ಸೌದಿಯಲ್ಲಿರುವವರಿಗೆ ಈ ಸೌಲಭ್ಯ ದೊರೆಯಲಿದ್ದು, ತಾಯ್ನಾಡಿಗೆ ತೆರಳಿದವರಿಗೆ ಇಖಾಮಾ ನವೀಕರಣ, ರೀ ಎಂಟ್ರಿ ವಿಸ್ತರಣೆ ಕುರಿತು ಕೂಡಲೇ ತಿಳಿಸಲಾಗುವುದು ಎಂದು ಜವಾಝಾತ್ ಹೇಳಿದೆ.

error: Content is protected !!
%d bloggers like this: