janadhvani

Kannada Online News Paper

ಜನಸಂಚಾರವಿಲ್ಲದೆ ಬಿಕೋ ಎನ್ನುತ್ತಿದೆ ಸೌದಿಯ ಪ್ರಮುಖ ನಗರಗಳು

ರಿಯಾದ್: ಕೋವಿಡ್ 19 ಹರಡುವಿಕೆಯನ್ನು ತಡೆಯಲು ಸೌದಿಯು ನಿಯಂತ್ರಣಗಳನ್ನು ಬಿಗಿಗೊಳಿಸಿರುವುದರಿಂದ ಜಿದ್ದಾದ ಎಲ್ಲಾ ಪ್ರಮುಖ ನಗರಗಳು ಜನಸಂಚಾರವಿಲ್ಲದೆ ಬಿಕೋ ಎನ್ನುತ್ತಿದೆ.

ರೆಸ್ಟೋರೆಂಟ್‌ಗಳಲ್ಲಿ ಪಾರ್ಸೆಲ್‌ಗಳನ್ನು ಅನುಮತಿಸಲಾಗಿದ್ದರೂ, ಅನೇಕ ಸಂಸ್ಥೆಗಳು ಮುಚ್ಚಲ್ಪಟ್ಟಿವೆ. ಇದು ಅನೇಕ ಜನರ ಕೆಲಸದ ಮೇಲೆ ಪರಿಣಾಮ ಬೀರಿದೆ.ಜನರಿಂದ ತುಂಬಿತುಳುಕುತ್ತಿದ್ದ ಜಿದ್ದಾದ ಶರಫಿಯಾ ನಿಶ್ಚಲವಾಗಿದೆ.

ಕೋವಿಡ್ 19 ರೋಗ ಭಿತಿಯ ಹಿನ್ನೆಲೆಯಲ್ಲಿ ಜಾರಿಗೆ ತಂದಿರುವ ನಿರ್ಬಂಧಗಳು ಅನೇಕ ಭಾರತೀಯರನ್ನು ಬಿಕ್ಕಟ್ಟಿಗೆ ಸಿಲುಕಿಸಿವೆ. ಗ್ರಾಹಕರ ಕೊರತೆಯಿಂದಾಗಿ ಅನೇಕ ರೆಸ್ಟೋರೆಂಟ್‌ಗಳು ಸಹ ಮುಚ್ಚಲ್ಪಟ್ಟಿವೆ.

ಹತ್ತಿರದಲ್ಲೇ ಬರುವ ರಂಝಾನ್‌ನ ವ್ಯಾಪಾರದ ಮೇಲೆಯೂ ಇದು ಪ್ರತಿಕೂಲ ಪರಿಣಾಮ ಬೀರಬಹುದು ಎಂಬ ಆತಂಕವೂ ವ್ಯಾಪಾರಿಗಳಿಗಿದೆ. ಹೊಸ ಪರಿಸ್ಥಿತಿ ಅವರ ನಿರೀಕ್ಷೆಗಳನ್ನು ಮಸುಕಾಗಿಸಿದೆ. ಸಾರ್ವಜನಿಕ ಸಾರಿಗೆ ನಿಷೇಧದಿಂದಾಗಿ, ರಸ್ತೆಗಳು ಮತ್ತು ಸಾರ್ವಜನಿಕ ಮಾರುಕಟ್ಟೆಗಳಲ್ಲಿ ದಟ್ಟಣೆ ಕಡಿಮೆಯಾಗಿದೆ. ಇದು ಸಣ್ಣ ಮತ್ತು ದೊಡ್ಡ ವ್ಯಾಪಾರ ಕ್ಷೇತ್ರಗಳ ಮೇಲೆ ಪ್ರತಿಕೂಲ ಪರಿಣಾಮ ಬೀರಿದೆ.

error: Content is protected !! Not allowed copy content from janadhvani.com