ರಿಯಾದ್: ಖಾಸಗಿ ವಲಯದ ಅಡುಗೆ ಸಿಬ್ಬಂದಿಯನ್ನು ತಾತ್ಕಾಲಿಕವಾಗಿ ವರ್ಗಾಯಿಸಲು ಸೌದಿ ಅರೇಬಿಯಾದ ಕಾರ್ಮಿಕ ಮತ್ತು ಸಾಮಾಜಿಕ ಅಭಿವೃದ್ಧಿ ಸಚಿವಾಲಯ ಅನುಮೋದನೆ ನೀಡಿದೆ. ನಾಲ್ಕು ಷರತ್ತುಗಳ ಅಡಿಯಲ್ಲಿ ಅಜೀರ್ ಎಂಬ ಆನ್ಲೈನ್ ವ್ಯವಸ್ಥೆಯ ಮೂಲಕ ನೌಕರರನ್ನು ತಾತ್ಕಾಲಿಕವಾಗಿ ವರ್ಗಾಯಿಸಬಹುದು. ಕಾರ್ಮಿಕರನ್ನು ವರ್ಗಾವಣೆ ಮಾಡುವ ಎರಡೂ ಕಂಪನಿಗಳು ಕ್ಯಾಟರಿಂಗ್ ಪರವಾನಗಿಯೊಂದಿಗೆ ಅದೇ ವಲಯದಲ್ಲಿ ಕಾರ್ಯನಿರ್ವಹಿಸುತ್ತಿ ರುವುದಾಗಿರಬೇಕು ಎಂಬುದು ಮೊದಲ ಷರತ್ತು ಆಗಿದೆ.
ನಿತಾಖಾತ್ ಪ್ರಕಾರ, ಹಸಿರು ಗಣದಲ್ಲಿರಬೇಕು, ವರ್ಗಾವಣೆಯ ಅವಧಿ ಎರಡು ವರ್ಷಗಳಲ್ಲಿ 12 ತಿಂಗಳು ಮೀರಬಾರದು ಮತ್ತು ವರ್ಗಾವಣೆಗೊಂಡ ವಿದೇಶಿ ಕಾರ್ಮಿಕರ ಸಂಖ್ಯೆ ಶೇ.20 ಮೀರಬಾರದು. ಹೊಸ ವ್ಯವಸ್ಥೆಯು ಕಾರ್ಮಿಕರನ್ನು ಮತ್ತು ಕೆಲಸದ ಅನುಭವವನ್ನು ಮಾರುಕಟ್ಟೆ ಸ್ನೇಹಿ ರೀತಿಯಲ್ಲಿ ಒಟ್ಟುಗೂಡಿಸುವುದು, ಕಾರ್ಮಿಕ ಕಾನೂನುಗಳನ್ನು ಪಾಲಿಸುವುದು ಮತ್ತು ಪ್ರತಿ ಸಂಸ್ಥೆಗೆ ಅಗತ್ಯವಿರುವ ಕಾರ್ಮಿಕರನ್ನು ಸೌದಿ ಅರೇಬಿಯಾದಲ್ಲಿ ಲಭ್ಯವಿರುವ ಸೌಲಭ್ಯಗಳಿಂದ ನೇಮಿಸಿಕೊಳ್ಳುವ ಉದ್ದೇಶವನ್ನು ಹೊಂದಿದೆ ಎಂದು ಕಾರ್ಮಿಕ ಸಚಿವಾಲಯ ವಿವರಿಸಿದೆ.
ಅಜೀರ್ ವ್ಯವಸ್ಥೆಯ ಮೂಲಕ ನೋಂದಾಯಿತ ಸಂಸ್ಥೆಗಳಿಗೆ ಕಾರ್ಮಿಕರನ್ನು ಆನ್ಲೈನ್ನಲ್ಲಿ ಹಸ್ತಾಂತರಿಸುವ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಸಾಧ್ಯವಾಗಲಿದೆ ಎಂದು ಸಚಿವಾಲಯ ತಿಳಿಸಿದೆ.