ಮಸೂದೆ ಅಂಗೀಕಾರ: ಐರೋಪ್ಯ ಒಕ್ಕೂಟದಿಂದ ಬ್ರಿಟನ್ ಎಕ್ಸಿಟ್

ಲಂಡನ್, ಜ.23- ಐರೋಪ್ಯ ಸಮುದಾಯದಿಂದ (ಯೂರೋಪಿಯನ್ ಯೂನಿಯನ್) ಹೊರಬರಬೇಕೆಂಬ ಬಹುದಿನಗಳ ಬ್ರಿಟನ್ ಅಪೇಕ್ಷೆ ಈಡೇರಿದೆ. ಇಂಗ್ಲೆಂಡ್ ಪ್ರಧಾನಿ ಬೋರಿಸ್ ಜಾನ್ಸನ್ ಮಂಡಿಸಿದ್ದ ಬ್ರೆಕ್ಸಿಟ್ (ಬ್ರಿಟನ್ ಎಕ್ಸಿಟ್) ಮಸೂದೆಗೆ ಇದ್ದ ಕಟ್ಟಕಡೆಯ ಅಡಚಣೆ ನಿವಾರಣೆಯಾಗಿದ್ದು ಬ್ರಿಟನ್ ಸಂಸತ್ತಿನಲ್ಲಿ ಅಂಗೀಕಾರವಾಗಿದೆ. ಈ ಮೂಲಕ ಈ ತಿಂಗಳಾಂತ್ಯದಲ್ಲಿ ಬ್ರಿಟನ್ ಯುರೋಪಿಯನ್ ಒಕ್ಕೂಟವನ್ನು ತೊರೆಯುವುದು ಖಚಿತವಾಗಿದೆ.

ಪ್ರಧಾನಮಂತ್ರಿ ಮಂಡಿಸಿದ್ದ ಯುರೋಪಿಯನ್ ಒಕ್ಕೂಟದಿಂದ ಬ್ರಿಟನ್ ಬೇರ್ಪಡುವ ಒಪ್ಪಂದಕ್ಕೆ ಹೌಸ್ ಆಫ್ ಲಾಡ್ರ್ಸ್ ಒಪ್ಪಿಗೆ ಸೂಚಿಸಿದೆ. ಈ ಮೂಲಕ ಇದು ಕಾನೂನಾಗಿ ಪರಿವರ್ತನೆ ಹೊಂದಲು ಇದ್ದ ಅಡಚಣೆ ನಿವಾರಣೆಗೊಂಡಿದೆ.

ಜಾನ್ಸನ್ ಅವರ ಒಪ್ಪಂದವನ್ನು ಇಯು ಸಂಸತ್ತು ಇನ್ನೂ ಅಂಗೀಕರಿಸಬೇಕಾಗಿದೆ. ಅನಿರೀಕ್ಷಿತ ಸಂದರ್ಭಗಳನ್ನು ಹೊರತುಪಡಿಸಿ, ಇದು ಶಾಸನವಾಗುವುದು ಬಹುತೇಕ ಖಚಿತವಾಗಿದೆ. ಹಾಗೆಯೇ ಮತ್ತು ಜ.31ರಂದು ಬ್ರಿಟನ್ ಯುರೋಪಿಯನ್ ಒಕ್ಕೂಟದಿಂದ ಹೊರಬೀಳಲಿದೆ.

Leave a Reply

Your email address will not be published. Required fields are marked *

error: Content is protected !!