ಮಕ್ಕಾ: ಮಸ್ಜಿದುಲ್ ಹರಾಮಿನ ವಿವಿಧ ದಿಕ್ಕುಗಳಲ್ಲಿ ನೆರಳು ನೀಡುವ ಕೊಡೆಗಳನ್ನು ರಮಝಾನಿನ ಮುಂಚಿತವಾಗಿ ಸ್ಥಾಪಿಸಲಾಗುತ್ತಿದೆ. ಈ ಮೂಲಕ ತೀರ್ಥ ಯಾತ್ರಿಕರಿಗೆ ಬಿಸಿಲ ತಾಪದಿಂದ ರಕ್ಷಣೆ ದೊರೆಯಲಿದೆ.
ವಿಶ್ವದ ಅತೀ ದೊಡ್ಡ ಕೊಡೆಗಳನ್ನು ಮದೀನಾದ ಮಸ್ಜಿದುನ್ನಬವಿಯ ಮುಂದುಗಡೆ ಸ್ಥಾಪಿಸಲಾಗಿದ್ದು, ಅದನ್ನು ಅವಶ್ಯಾನುಸಾರವಾಗಿ ತೆರೆಯುವುದು ಮತ್ತು ಮಡಚುವುದು ಸಾಧ್ಯವಿದೆ. ಇದೇ ರೀತಿಯ ಕೊಡೆಗಳನ್ನು ಮಕ್ಕಾದ ಮಸೀದಿ ಮುಂಭಾಗ ಮತ್ತು ಮಹಡಿಯಲ್ಲೂ ಸ್ಥಾಪಿಸಲಾಗುವುದು ಎಂದು ಹರಮ್ಗಳ ಕಾರ್ಯಾಂಗ ವಿಭಾಗ ತಿಳಿಸಿದೆ.
ಮೂರನೇ ಹಂತದ ಅಭಿವೃದ್ಧಿ ಕಾಮಗಾರಿ ನಡೆಯುವ ಕಡೆಗಳಲ್ಲಿ ಈ ಕೊಡೆಗಳನ್ನು ಸ್ಥಾಪಿಸಲಾಗುತ್ತಿದ್ದು, ನಂತರ ಇತರ ಕಡೆಗಳಲ್ಲೂ ಸ್ಥಾಪಿಸಲಾಗುವುದು. ರಮಝಾನ್ಗೆ ಮುಂಚಿತವಾಗಿ ಕೊಡೆ ಸ್ಥಾಪಿಸುವ ಕಾಮಗಾರಿ ಮುಗಿಯಲಿದೆ ಎಂದು ಕಾರ್ಯಾಲಯ ವಿಭಾಗ ತಿಳಿಸಿದೆ.