ಕೋಝಿಕೋಡ್: ಕೆ.ಎಂ.ಬಶೀರ್ ಅವರ ಮರಣವು ಉದ್ದೇಶಪೂರ್ವಕ ಕೊಲೆ ಎಂದು ಲೋಕ ತಾಂತ್ರಿಕ ಯುವ ಜನತಾದಳದ ರಾಷ್ಟ್ರೀಯ ಅಧ್ಯಕ್ಷ ಸಲೀಂ ಮಡವೂರ್ ಹೇಳಿದ್ದಾರೆ. ಅದು ಉದ್ದೇಶಪೂರ್ವಕ ನರಹತ್ಯೆಯಾಗಿದೆ ಎಂಬುದು ಸ್ಪಷ್ಟವಾಗಿದೆ, ಏಕೆಂದರೆ ಆರೋಪಿಯು ತಾನು ಕುಡಿದಿಲ್ಲ ಎಂದು ವಾದಿಸುತ್ತಾರೆ. ಕುಡಿಯದೆ, ವಾಹನಕ್ಕೆ ಯಾಂತ್ರಿಕ ತೊಂದರೆ ಇಲ್ಲದೆ ಬಶೀರ್ ಅವರ ವಾಹನದತ್ತ ತಿರುಗಿಸಿ, ಉದ್ದೇಶಪೂರ್ವಕವಾಗಿ ಕೊಂದಿರುವತ್ತ ಅದು ಬೊಟ್ಟು ಮಾಡುತ್ತದೆ. ಬಶೀರ್ ಹತ್ಯೆಯ ಪಿತೂರಿಯನ್ನು ವಿಶ್ವಾಸಾರ್ಹ ಎಡಿಜಿಪಿ ಶ್ರೇಣಿಯ ಅಧಿಕಾರಿಯೊಬ್ಬರು ತನಿಖೆ ನಡೆಸಬೇಕು ಎಂದು ಅವರು ಒತ್ತಾಯಿಸಿದರು.
ಘಟನೆಯಲ್ಲಿ ಪೊಲೀಸರಿಂದ ಗಂಭೀರ ತಪ್ಪು ಸಂಭವಿಸಿದೆ. ಆಸ್ಪತ್ರೆಯಲ್ಲಿ ಹೆಚ್ಚಿನ ಪ್ರಭಾವವಿರುವ ಮಾಜಿ ಐಎಎಸ್ ಅಧಿಕಾರಿಯೊಬ್ಬರು ಎಲ್ಲಾ ಕಾರ್ಯಗಳನ್ನು ನಡೆಸಿದ್ದಾರೆ. ಪೊಲೀಸರು ಇನ್ನೂ ಬಶೀರ್ ಅವರ ಸ್ಮಾರ್ಟ್ ಫೋನ್ ಪತ್ತೆ ಮಾಡಿಲ್ಲ. ಮ್ಯೂಸಿಯಂ ಎಸ್‌ಐ ಜಯಪ್ರಕಾಶ್ ಅವರು ಮಧ್ಯಾಹ್ನ 1.56 ಕ್ಕೆ ಫೋನ್ ಮಾಡಿದಾಗ, ರಿಂಗಿಂಗ್ ಆದ ಬಶೀರ್ ಅವರ ಮೊಬೈಲ್ ಇರುವ ಸ್ಥಳದ ಲೊಕೇಷನ್ ಪತ್ತೆಹಚ್ಚಬೇಕು. ಇದು ಕಿಮ್ಸ್ ಆಸ್ಪತ್ರೆಯ ಸುತ್ತಮುತ್ತಲ ಪ್ರದೇಶದಲ್ಲೋ ಅಥವಾ ಬೇರೆಲ್ಲಿಯೋ ಎಂಬುದು ಎನ್ನುವ ಅನುಮಾನ ಇದೆ. ಇದು ನೇರ ರಸ್ತೆಯಾಗಿದ್ದು, ವಾಹನವನ್ನು ಬಶೀರ್ ಫೋನ್ ಮಾಡುವ ಸ್ಥಳಕ್ಕೆ ತಿರುಗಿಸಲಾಗಿದ್ದು, ಆದ್ದರಿಂದ ಇದು ಉದ್ದೇಶಪೂರ್ವಕ ಹತ್ಯೆಯಾಗಿದೆ. ಸೆಕ್ಷನ್ 302 ರ ಅಡಿಯಲ್ಲಿ ಹೊಸ ಎಫ್ಐಆರ್ ಸಿದ್ಧಪಡಿಸಬೇಕು.
ಸಾಕ್ಷ್ಯಗಳನ್ನು ನಾಶಮಾಡಲು ನಿರಂತರ ಪಿತೂರಿ ನಡೆದಿದೆ. ವಿಧಿವಿಜ್ಞಾನ ಪರಿಶೀಲನಾ ವರದಿಯನ್ನು ಬಿಡುಗಡೆ ಮಾಡಿಲ್ಲ. ಎಲ್ಲಾ ಪರೀಕ್ಷೆಗಳನ್ನು ಸಮಯದ ನಂತರ ಮಾಡಲಾಗುತ್ತದೆ. ಸಾಕ್ಷ್ಯಗಳನ್ನು ನಾಶಮಾಡುವ ಪಿತೂರಿಯ ಬಗ್ಗೆ ಪ್ರತ್ಯೇಕ ಎಫ್ಐಆರ್ ದಾಖಲಿಸಿ ತನಿಖೆ ನಡೆಸಬೇಕೆಂದು ಸಲೀಂ ಮಡವೂರು ಒತ್ತಾಯಿಸಿದರು.
ಘಟನೆಯ ಬಳಿಕ ಡಿಸ್ಚಾರ್ಜ್ ವರೆಗೆ ಶ್ರೀರಾಮ್ ವೆಂಕಿಟರಾಮನ್ ಮತ್ತು ನಿವೃತ್ತ ಐಎಎಸ್ ಅಧಿಕಾರಿ ರಾಜೀವ್ ಸದಾನಂದನ್ ಅವರ ದೂರವಾಣಿ ಕರೆಗಳ ಮಾಹಿತಿಯನ್ನು ಬಿಡುಗಡೆ ಮಾಡಲು ಪೊಲೀಸರು ಸಿದ್ಧರಾಗಿರಬೇಕು. ಅವರೊಂದಿಗೆ ಪ್ರಯಾಣಿಸಿದ ವಫಾ ಫಿರೋಝ್ ಖಾಸಗಿ ಚಾನೆಲ್‌ಗೆ ನೀಡಿದ ಸಂದರ್ಶನದಲ್ಲಿ ಶ್ರೀರಾಮ್ ಮದ್ಯವಲ್ಲದ ಬೇರೇನೂ ವಾಸನೆ ಬೀರುತ್ತಿದ್ದರು ಎಂದು ಹೇಳಿದ್ದರು. ಇದನ್ನು ಗಾಂಜಾ ಅಥವಾ ಇತರ ನಿಷೇಧಿತ ಪದಾರ್ಥವೇ ಎಂಬುದರ ಬಗ್ಗೆ ಪರಿಶೀಲಿಸಬೇಕು. ಸಂದರ್ಶನ ನಡೆಸಿದ ಜಿಮ್ಮಿ ಜೇಮ್ಸ್ ಅವರನ್ನು ಸಾಕ್ಷಿಯಾಗಿಸಿ, ಈ ಬಗ್ಗೆ ತನಿಖೆ ನಡೆಸಬೇಕೆಂದು ಸಲೀಂ ಒತ್ತಾಯಿಸಿದರು.
ಜಿಲ್ಲಾ ಮೆಜಿಸ್ಟ್ರೇಟ್ ಹುದ್ದೆ ಸಹಿತ ವಹಿಸಬಹುದಾದ ಶ್ರೀರಾಮ್ ಸಾರ್ವಜನಿಕವಾಗಿ ಸುಳ್ಳು ಹೇಳಿದ ಕಾರಣಕ್ಕಾಗಿ ಅವರ ಐಎಎಸ್ ಅನ್ನು ಹಿಂತೆಗೆದುಕೊಳ್ಳುವ ಕ್ರಮಗಳನ್ನು ರಾಜ್ಯ ಸರಕಾರವು ಪ್ರಾರಂಭಿಸಬೇಕು ಎಂದು ಅವರು ಒತ್ತಾಯಿಸಿದರು. ರಾಜ್ಯ ಪ್ರಧಾನ ಕಾರ್ಯದರ್ಶಿ ಎನ್ ಅಬ್ದುಸ್ಸತ್ತಾರ್ ಕೂಡ ಸುದ್ದಿಗೋಷ್ಠಿಯಲ್ಲಿ ಭಾಗವಹಿಸಿದ್ದರು.
