ಬಾಗ್ದಾದ್: ಇರಾಕ್ ರಾಷ್ಟ್ರೀಯ ಗುಪ್ತಚರ ಕಚೇರಿ ಆವರಣದಲ್ಲಿ ಡ್ರೋನ್ ಪತನ

ಬಾಗ್ದಾದ್: ಇರಾಕ್ ರಾಜಧಾನಿ ಬಾಗ್ದಾದ್‌ನಲ್ಲಿ ಶನಿವಾರ ತಡರಾತ್ರಿ ಸಂಚಲನ ಉಂಟಾಗಿದ್ದು, ನಗರದ ಹೈ-ಪ್ರೊಫೈಲ್ ಪ್ರದೇಶವಾದ ಅಲ್-ಮನ್ಸೂರ್‌ನಲ್ಲಿರುವ ರಾಷ್ಟ್ರೀಯ ಗುಪ್ತಚರ ಸಂಸ್ಥೆಯ (National Intelligence Service) ಪ್ರಧಾನ ಕಚೇರಿಯ ಆವರಣದಲ್ಲಿ ಡ್ರೋನ್ ಒಂದು ಪತನಗೊಂಡಿದೆ.

ಇರಾಕ್‌ನ ಅಧಿಕೃತ ಸುದ್ದಿಸಂಸ್ಥೆಯಾದ ‘ಇರಾಕಿ ನ್ಯೂಸ್ ಏಜೆನ್ಸಿ’ (INA) ಮತ್ತು ‘ಸೆಕ್ಯೂರಿಟಿ ಮೀಡಿಯಾ ಸೆಲ್’ ಈ ಘಟನೆಯನ್ನು ದೃಢಪಡಿಸಿವೆ. ಗುಪ್ತಚರ ಇಲಾಖೆಯ ಮುಖ್ಯ ಕಚೇರಿಯ ಆವರಣದೊಳಗೆ ಡ್ರೋನ್ ಬಿದ್ದಿರುವುದು ಭದ್ರತಾ ವಲಯದಲ್ಲಿ ಆತಂಕ ಮೂಡಿಸಿದೆ.
ತನಿಖೆ ಪ್ರಗತಿಯಲ್ಲಿ:
ಈ ಡ್ರೋನ್ ಯಾವ ದೇಶಕ್ಕೆ ಸೇರಿದ್ದು? ಇದು ಕಣ್ಗಾವಲು ಉದ್ದೇಶ ಹೊಂದಿದ್ದೇ ಅಥವಾ ದಾಳಿಗೆ ಸಂಚು ರೂಪಿಸಿತ್ತೇ ಎಂಬ ಬಗ್ಗೆ ತನಿಖೆ ನಡೆಯುತ್ತಿದೆ. ಘಟನೆಯಲ್ಲಿ ಯಾವುದೇ ಪ್ರಾಣಹಾನಿ ಸಂಭವಿಸಿದ ಬಗ್ಗೆ ಈವರೆಗೆ ವರದಿಯಾಗಿಲ್ಲ. ಸ್ಥಳಕ್ಕೆ ಭದ್ರತಾ ಪಡೆಗಳು ಧಾವಿಸಿದ್ದು, ತಪಾಸಣೆ ತೀವ್ರಗೊಳಿಸಿವೆ.