ಸೌದಿ: ಮಂದುವರಿದ ಮಳೆ- ಹಲವು ಪ್ರದೇಶಗಳಲ್ಲಿ ರೆಡ್ ಅಲರ್ಟ್ ಘೋಷಣೆ

ಜಿದ್ದಾ: ಸೌದಿ ಅರೇಬಿಯಾದ ವಿವಿಧ ಭಾಗಗಳಲ್ಲಿ ಮಳೆ ಮುಂದುವರೆದಿದೆ. ಮದೀನಾ, ಯಾಂಬೂ ಮತ್ತು ಜಿದ್ದಾದ ವಿವಿಧ ಭಾಗಗಳಲ್ಲಿ ಉತ್ತಮ ಮಳೆಯಾಗಿದೆ. ತಬೂಕ್ ಸೇರಿದಂತೆ ವಿವಿಧ ಪ್ರದೇಶಗಳಲ್ಲಿ ಮಳೆ ಕಡಿಮೆಗೊಂಡಿದೆ. ಅತಿ ಹೆಚ್ಚು ಮಳೆ ದಾಖಲಾಗಿರುವುದು ತಬೂಕ್ ಪ್ರದೇಶದಲ್ಲಾಗಿದೆ. ಉಮ್ಲುಜ್ ಗವರ್ನರೇಟ್‌ನಲ್ಲಿರುವ ಅಲ್ ಶಬಹಾ ವೀಕ್ಷಣಾಲಯವು 79.3 ಮಿಲಿಮೀಟರ್ ಮಳೆಯನ್ನು ದಾಖಲಿಸಿದೆ. ತಬೂಕ್‌ನಲ್ಲಿಯೇ ಅತಿ ಹೆಚ್ಚು ಮಳೆಯಾದ ಪ್ರದೇಶಗಳಲ್ಲಿ ಇದು ಅತ್ಯಧಿಕ ಅಂಕಿ ಅಂಶವಾಗಿದೆ.ತಬೂಕ್ ನ ಹಲವು ಪ್ರದೇಶಗಳಲ್ಲಿ ಭಾರೀ ಮಳೆಯಿಂದಾಗಿ ಪ್ರವಾಹ ಉಂಟಾಗಿದ್ದು, ಸಂಚಾರಕ್ಕೆ ಅಡ್ಡಿಯಾಗಿದೆ. ಅಧಿಕಾರಿಗಳು ಸಾರ್ವಜನಿಕರಿಗೆ ಎಚ್ಚರಿಕೆ ನೀಡಿದ್ದಾರೆ.ಮಕ್ಕಾ ಪ್ರಾಂತ್ಯದ ಜಿದ್ದಾ ಮತ್ತು ರಾಬಿಕ್ ಮುಂತಾದ ಪ್ರದೇಶಗಳಿಗೆ ಇಂದು ಕೂಡ ರೆಡ್ ಅಲರ್ಟ್ ಘೋಷಿಸಲಾಗಿದೆ. ಮದೀನಾದ ಅಲ್-ಮಹದ್, ಬದ್ರ್ ಮತ್ತು ಹನಕಿಯಾದಂತಹ ಪ್ರದೇಶಗಳಿಗೂ ರೆಡ್ ಅಲರ್ಟ್ ನೀಡಲಾಗಿದೆ.ಸೌದಿ ಅರೇಬಿಯಾದ ಪಶ್ಚಿಮ ಪ್ರದೇಶದಲ್ಲಿ ಭಾರೀ ಮಳೆಯಾಗುತ್ತಿದೆ. ನಿನ್ನೆ ಹಲವು ಪ್ರದೇಶಗಳಲ್ಲಿ ಸಂಚಾರ ಭಾಗಶಃ ಅಸ್ತವ್ಯಸ್ತಗೊಂಡಿತ್ತು. ಹಾಯಿಲ್, ಅಲ್ ಜವ್ಫ್ ಮತ್ತು ಪೂರ್ವ ಪ್ರದೇಶಗಳಲ್ಲಿ ಮಳೆಯ ಎಚ್ಚರಿಕೆ ನೀಡಲಾಗಿದೆ. ರಿಯಾದ್ ಮತ್ತು ಜಿಝಾನ್‌ನಲ್ಲಿ ಮಳೆಯಾಗುವ ನಿರೀಕ್ಷೆಯಿದೆ. ಸೌದಿ ಅರೇಬಿಯಾದಲ್ಲಿ ಕನಿಷ್ಠ ತಾಪಮಾನ ಅಲ್ ಖುರಯತ್‌ನಲ್ಲಿ 5 ಡಿಗ್ರಿ ಮತ್ತು ಅಬಹಾದಲ್ಲಿ 7 ಡಿಗ್ರಿ. ತಗ್ಗು ಪ್ರದೇಶಗಳಲ್ಲಿ ವಾಸಿಸುವವರು ಮತ್ತು ಪ್ರಯಾಣಿಸುವವರು ಜಾಗರೂಕರಾಗಿರಬೇಕೆಂದು ನಾಗರಿಕ ರಕ್ಷಣಾ ಇಲಾಖೆ ಎಚ್ಚರಿಸಿದೆ.