ರಿಯಾದ್- ಪಾಸ್ಪೋರ್ಟ್ಗಳ ಜನರಲ್ ಡೈರೆಕ್ಟರೇಟ್ (ಜವಾಝಾತ್) ಸೌದಿ ಅರೇಬಿಯಾದಲ್ಲಿ ತಂಗಿರುವ ವ್ಯಾಪಾರ, ಕುಟುಂಬ ಮತ್ತು ವೈಯಕ್ತಿಕ ಮುಂತಾದ ವಿವಿಧ ರೀತಿಯ ಭೇಟಿ ವೀಸಾಗಳನ್ನು ಹೊಂದಿರುವವರಿಗೆ ವೀಸಾ ನಿಯಮಗಳು ಮತ್ತು ನಿಬಂಧನೆಗಳನ್ನು ಕಟ್ಟುನಿಟ್ಟಾಗಿ ಅನುಸರಿಸಲು ಮತ್ತು ಅದರ ಅವಧಿ ಮುಗಿಯುವ ಏಳು ದಿನಗಳ ಮುಂಚಿತವಾಗಿ ಆನ್ಲೈನ್ನಲ್ಲಿ ಅದರ ಮಾನ್ಯತೆಯನ್ನು ವಿಸ್ತರಿಸಲು ಕರೆ ನೀಡಿದೆ. ನವೀಕರಣ ಉದ್ದೇಶಕ್ಕಾಗಿ ಜವಾಜತ್ ಕಚೇರಿಗಳಿಗೆ ಭೇಟಿ ನೀಡುವ ಅಗತ್ಯವಿಲ್ಲ ಎಂದು ಅದು ಸ್ಪಷ್ಟಪಡಿಸಿದೆ.
ಆಂತರಿಕ ಸಚಿವಾಲಯದ ಎಲೆಕ್ಟ್ರಾನಿಕ್ ಸೇವೆಗಳ ಪ್ಲಾಟ್ಫಾರ್ಮ್ ಅಬ್ಶೀರ್ ಅಫ್ರಾದ್, ಅಬ್ಶೀರ್ ಆಮಾಲ್ ಮತ್ತು ಮುಖೀಮ್ ವೇದಿಕೆಗಳ ಮೂಲಕ 180 ದಿನಗಳವರೆಗೆ ಆನ್ಲೈನ್ನಲ್ಲಿ ನವೀಕರಿಸಬಹುದು.ವೀಸಾವನ್ನು ವಿಸ್ತರಿಸಲು ಜವಾಝಾತ್ ಶುಲ್ಕ ಪ್ರತಿ ಪಾಸ್ಪೋರ್ಟ್ಗೆ 100 ರಿಯಾಲ್ ಆಗಿದೆ.
ಫಲಾನುಭವಿಯು ಅಬ್ಶೀರ್ನಲ್ಲಿ ತನ್ನ ಖಾತೆಯನ್ನು ನಮೂದಿಸಬೇಕು ಮತ್ತು ಭೇಟಿ ವೀಸಾ ವಿಸ್ತರಣೆಗಾಗಿ ಸೇವಾ ಶುಲ್ಕವನ್ನು ಪಾವತಿಸಬೇಕು. ವಿಸ್ತರಣೆಗಾಗಿ, ಭೇಟಿ ನೀಡುವವರು ಮಾನ್ಯವಾದ ವೈದ್ಯಕೀಯ ವಿಮೆಯನ್ನು ಹೊಂದಿರಬೇಕು. ನಿಗದಿತ ನಿಯಮಗಳು ಮತ್ತು ಷರತ್ತುಗಳಿಗೆ ಅನುಸಾರವಾಗಿ ವೀಸಾ ವಿಸ್ತರಣೆಯ ಕಾರ್ಯವಿಧಾನಗಳನ್ನು ಪೂರ್ಣಗೊಳಿಸಬೇಕು. ಭೇಟಿ ವೀಸಾದ ಒಟ್ಟು ವಿಸ್ತರಣೆಯ ಅವಧಿಯು 180 ದಿನಗಳನ್ನು ಮೀರಬಾರದು.180 ದಿನಗಳ ನಂತರ ನವೀಕರಿಸಲು, ಸೌದಿ ಅರೇಬಿಯಾದಿಂದ ಹೊರಗೆ ಹೋಗಿ ಹಿಂತಿರುಗಬೇಕು.
ಆನ್ಲೈನ್ ಸೇವೆಯ ಲಾಭ ಪಡೆಯಲು ಯಾವುದೇ ತೊಂದರೆಗಳನ್ನು ಎದುರಿಸಿದರೆ, ಅವರು ಅಬ್ಶೀರ್ ಪ್ಲಾಟ್ಫಾರ್ಮ್ನಲ್ಲಿ ಅದರ ಸಂವಹನ ಸೇವೆ (ತವಾಸುಲ್) ಮೂಲಕ ಜವಾಝಾತ್ಗೆ ದೂರು ಸಲ್ಲಿಸಬಹುದು ಎಂದು ನಿರ್ದೇಶನಾಲಯ ತಿಳಿಸಿದೆ. ನಿರ್ದೇಶನಾಲಯದ ವಿಶೇಷ ತಂಡವು ಪ್ರಕರಣವನ್ನು ಪರಿಶೀಲಿಸಿ SMS ಮೂಲಕ ದೂರಿನ ಸ್ಥಿತಿಯ ಬಗ್ಗೆ ಮಾಹಿತಿ ನೀಡಲಿದೆ ಎಂದು ನಿರ್ದೇಶನಾಲಯವು ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ಹಿಂದೆ, ವೀಸಾ ವಿಸ್ತರಣೆಗಾಗಿ ಮೂರು ತಿಂಗಳಿಗೊಮ್ಮೆ ಸೌದಿ ಅರೇಬಿಯಾದಿಂದ ಹೊರಗೆ ಹೋಗಿ ಹಿಂತಿರುಗಬೇಕಿತ್ತು. ಏಕ ಪ್ರವೇಶ ಮತ್ತು ಬಹು ಪ್ರವೇಶವನ್ನು ಈಗ ಆನ್ಲೈನ್ನಲ್ಲಿ ನವೀಕರಿಸಬಹುದು. ಏಕ ಪ್ರವೇಶವನ್ನು ಪ್ರತಿ 30 ದಿನಗಳಿಗೊಮ್ಮೆ ಮತ್ತು ಬಹು ಪ್ರವೇಶವನ್ನು ಪ್ರತಿ 90 ದಿನಗಳಿಗೊಮ್ಮೆ ವಿಸ್ತರಿಸಬೇಕಾಗಿದೆ.
ಇನ್ನಷ್ಟು ಸುದ್ದಿಗಳು
ಸೌದಿಯಲ್ಲಿ ತೀವ್ರ ತಾಪಮಾನ: ವಾಹನಗಳಲ್ಲಿ ಬೆಂಕಿ ಹೊತ್ತಿಕೊಳ್ಳುವ ವಸ್ತುಗಳನ್ನು ಇಡದಂತೆ ಸಿವಿಲ್ ಡಿಫೆನ್ಸ್ ಎಚ್ಚರಿಕೆ
ಪವಿತ್ರ ಕಅಬಾಗೆ ತೊಡಿಸುವ ಕಿಸ್ವಾದ ಹಿಂದಿರುವ ಅದ್ಭುತ ರಹಸ್ಯಗಳ ಬಗ್ಗೆ ನಿಮಗೆ ಗೊತ್ತೇ?
ಅನಿವಾಸಿಗಳಿಗೆ ನೆಮ್ಮದಿ: ಕುವೈತ್ ವಿಮಾನ ನಿಲ್ದಾಣದಲ್ಲಿ ವಿದೇಶಿ ವಿಮಾನಗಳ ಸಂಚಾರಕ್ಕೆ ಅನುಮತಿ
ಅಮೆರಿಕ-ಇರಾನ್ ಕದನ ವಿರಾಮ ಒಪ್ಪಂದ – ಸೌದಿ ಅರೇಬಿಯಾ ಸ್ವಾಗತ
ಸೌದಿಯಲ್ಲಿ ತಪಾಸಣೆ ತೀವ್ರ: ಒಂದೇ ವಾರದಲ್ಲಿ 10,700 ನಿಯಮ ಉಲ್ಲಂಘಕರ ಬಂಧನ- 8,000 ಮಂದಿ ಗಡೀಪಾರು
ದುಬೈ ಏರ್ಪೋರ್ಟ್ನಲ್ಲಿ ಅನಾಥ ಬ್ಯಾಗ್: ಓಪನ್ ಮಾಡಿದ ಅಧಿಕಾರಿಗಳಿಗೆ ಶಾಕ್- ಒಳಗೇನಿತ್ತು ಗೊತ್ತೇ?
ದುಬೈ ಮಿನಿಬಸ್ ಅಪಘಾತ: ಆರು ಮಂದಿ ಭಾರತೀಯರು ಸಹಿತ ಎಂಟು ಮಂದಿ ಮೃತ್ಯು
ಸೌದಿ ಅರೇಬಿಯಾದಲ್ಲಿ ತೀವ್ರಗೊಂಡ ಬಿಸಿಲಿನ ಬೇಗೆ- ಹವಾಮಾನ ಇಲಾಖೆಯಿಂದ ಹೈ ಅಲರ್ಟ್!
ಅಪಾರ್ಟ್ಮೆಂಟ್ ಕೇಂದ್ರೀಕರಿಸಿ ಅನೈತಿಕ ಚಟುವಟಿಕೆ- ನಜ್ರಾನ್ನಲ್ಲಿ 12 ವಿದೇಶಿಗರ ಬಂಧನ
ಕುವೈತ್ ವಿಮಾನ ನಿಲ್ದಾಣದ ಮೇಲೆ ದಾಳಿ: ಗಾಯಗೊಂಡವರಲ್ಲಿ 13 ಮಂದಿ ಭಾರತೀಯರು