ಸೌದಿ: ಕಾನೂನು ಸಂಕಷ್ಟಕ್ಕೆ ಸಿಲುಕಿ ಸ್ವದೇಶಕ್ಕೆ ಮರಳಿದವರಿಗೆ ವಾಪಸಾಗುವಾಗ ಪ್ರವೇಶ ನಿರಾಕರಣೆ

ರಿಯಾದ್ :ಸೌದಿ ಅರೇಬಿಯಾದಿಂದ ಕಾನೂನು ಸಂಕಷ್ಟಕ್ಕೆ ಸಿಲುಕಿ ಸ್ವದೇಶಕ್ಕೆ ಮರಳಿದವರಿಗೆ ವಾಪಸಾಗುವಾಗ ಪ್ರವೇಶ ನಿರಾಕರಿಸಲಾಗುತ್ತಿದೆ ಎಂಬ ದೂರು ಕೇಳಿಬಂದಿದೆ.

ದೇಶದಲ್ಲಿ ಕೇಸ್ ಫೈಲ್‌ಗಳ ಡಿಜಿಟಲೀಕರಣದೊಂದಿಗೆ, ವರ್ಷಗಳಷ್ಟು ಹಳೆಯ ಪ್ರಕರಣಗಳಲ್ಲಿಯೂ ಸಹ ಪ್ರವೇಶ ನಿಷೇಧ ಮತ್ತು ಮುಂದಿನ ಪ್ರಕರಣದ ವಿಚಾರಣೆಯನ್ನು ಎದುರಿಸಬೇಕಾದವರ ಸಂಖ್ಯೆ ಹೆಚ್ಚಾಗಿದೆ ಎಂದು ಈ ಕುರಿತು ಬಲ್ಲವರು ವಿವರಿಸುತ್ತಾರೆ.

ಈ ಹಿಂದೆ ಸೌದಿ ಅರೇಬಿಯಾದಲ್ಲಿ ಕ್ರಿಮಿನಲ್ ಪ್ರಕರಣಗಳಲ್ಲಿ ಭಾಗಿಯಾಗಿ ನಂತರ ಸ್ವದೇಶಕ್ಕೆ ಮರಳಿದವರಿಗೆ ಪ್ರವೇಶ ನಿಷೇಧಿಸಲಾಗಿದೆ. ವರ್ಷಗಳ ಹಿಂದೆ ಪ್ರಕರಣದಲ್ಲಿ ಭಾಗಿಯಾಗಿದ್ದವರೂ ಈಗ ಮತ್ತೆ ಕಾನೂನು ಕ್ರಮ ಎದುರಿಸಬೇಕಾಗಿದ್ದು, ಹಲವರ ಅನುಭವಗಳಿಂದ ವ್ಯಕ್ತವಾಗಿದೆ ಎನ್ನುತ್ತಾರೆ ಸಾಮಾಜಿಕ ವಲಯದ ಪ್ರಜ್ಞಾವಂತರು.

ಅಂತಹ ಜನರು ಪ್ರಯಾಣಿಸುವ ಮೊದಲು ಸೌದಿ ಅರೇಬಿಯಾದ ಸಾಮಾಜಿಕ ಕಾರ್ಯಕರ್ತರು ಅಥವಾ ಕಾನೂನು ತಜ್ಞರ ಮೂಲಕ ಭದ್ರತಾ ಇಲಾಖೆಗೆ ಸಂಬಂಧಿಸಿದಂತೆ ಯಾವುದೇ ನಿಷೇಧಗಳಿಲ್ಲ ಎಂದು ಖಚಿತಪಡಿಸಿಕೊಳ್ಳಬೇಕು ಎಂದು ಸಾಮಾಜಿಕ ಕಾರ್ಯಕರ್ತರು ಹೇಳಿದ್ದಾರೆ.