ಎಸ್ಸೆಸ್ಸೆಫ್ ದ.ಕ ಜಿಲ್ಲಾ ಸಮಿತಿ: ಕೋವಿಡ್-19 ತುರ್ತು ಸೇವಾ ತಂಡಕ್ಕೆ ಟ್ರೈನಿಂಗ್ ಕ್ಯಾಂಪ್

ಮಂಗಳೂರು, ಜು15: ಎಸ್ಸೆಸ್ಸೆಫ್ ದಕ್ಷಿಣ ಕನ್ನಡ ಜಿಲ್ಲಾ ಸಮಿತಿ ನಾಯಕತ್ವದಲ್ಲಿ ಎಸ್ ವೈ ಎಸ್ ನ ಸಹಕಾರದೊಂದಿಗೆ ಕೋವಿಡ್-19 ಸಂಬಂಧಿಸಿದಂತೆ ಅಗತ್ಯ ಮಾಹಿತಿ ಕಾರ್ಯಾಗಾರವು ಇಂದು ಜಿಲ್ಲೆಯ ಮಂಗಳೂರು, ಬಿ.ಸಿ.ರೋಡು, ಉಪ್ಪಿನಂಗಡಿ, ಪುತ್ತೂರು ಕೇಂದ್ರಗಳಲ್ಲಿ ನಡೆಯಿತು.

ಸುಳ್ಯ, ಪುತ್ತೂರು, ವಿಟ್ಲ ವ್ಯಾಪ್ತಿಯ ತಂಡಕ್ಕೆ ಪುತ್ತೂರು ತಾಲೂಕಿನ ಈಶ್ವರಮಂಗಲ ತ್ವೈಬಾ ಸೆಂಟರ್ ನಲ್ಲಿಯೂ, ಬೆಳ್ತಂಗಡಿ ಹಾಗೂ ಉಪ್ಪಿನಂಗಡಿ ವ್ಯಾಪ್ತಿಯ ತಂಡಕ್ಕೆ ಉಪ್ಪಿನಂಗಡಿ ಸುನ್ನೀ ಸೆಂಟರ್ ನಲ್ಲಿಯೂ, ಮುಡಿಪು, ಬಂಟ್ವಾಳ, ಮೂಡಬಿದ್ರೆ ವ್ಯಾಪ್ತಿಯ ತಂಡಕ್ಕೆ ಬಿ.ಸಿ.ರೋಡಿನಲ್ಲಿಯೂ, ಉಳ್ಳಾಲ, ಮಂಗಳೂರು, ಸುರತ್ಕಲ್ ವ್ಯಾಪ್ತಿಯ ತಂಡಕ್ಕೆ ಮಂಗಳೂರಿನ ಪಡೀಲ್ ನಲ್ಲಿರುವ ಇಲ್ಮ್ ಸೆಂಟರ್ ನಲ್ಲಿಯೂ ಕಾರ್ಯಾಗಾರ ನಡೆಯಿತು.

ಸಂಪನ್ಮೂಲ ವ್ಯಕ್ತಿಗಳಾಗಿ ಮಂಗಳೂರು ಆರೋಗ್ಯ ವೈದ್ಯಾಧಿಕಾರಿ ಡಾ.ನವೀನ್, ಪ್ರಾಥಮಿಕ ಆರೋಗ್ಯ ವೈದ್ಯಾಧಿಕಾರಿ ಡಾ.ಜಯಪ್ರಕಾಶ್,ಎಸ್ಸೆಸ್ಸೆಫ್ ರಾಜ್ಯ ಸುಪ್ರೀಂ ಕೌನ್ಸಿಲ್ ನಾಯಕ ಜಿ.ಎಂ.ಎಂ.ಕಾಮಿಲ್ ಸಖಾಫಿ, ಮುಹಿಮ್ಮಾತ್ ಮುದರ್ರಿಸ್ ಅಬ್ದುಲ್ ಅಝೀಝ್ ಮಿಸ್ಬಾಹಿ, ಜಿಲ್ಲಾ ಕಾರ್ಯದರ್ಶಿ ರಶೀದ್ ಹಾಜಿ ವಗ್ಗ, ಜಿಲ್ಲಾ ನಾಯಕರಾದ ನವಾಝ್ ಸಖಾಫಿ ಅಡ್ಯಾರ್, ಎ.ಎಂ.ಫೈಝಲ್ ಝುಹ್ರಿ ಕಲ್ಲುಗುಂಡಿ,ಇಲ್ಯಾಸ್ ಪೊಟ್ಟೊಳಿಕೆ, ಮುಂತಾದವರು ತರಬೇತಿಯನ್ನು ನಡೆಸಿಕೊಟ್ಟರು.

ಎಸ್ಸೆಸ್ಸೆಫ್ ದ.ಕ ಜಿಲ್ಲಾಧ್ಯಕ್ಷ ಇಬ್ರಾಹಿಂ ಸಖಾಫಿ ಸೆರ್ಕಳ, ಪ್ರಧಾನ ಕಾರ್ಯದರ್ಶಿ ಶರೀಫ್ ನಂದಾವರ, ಕೋಶಾಧಿಕಾರಿ ಅಲಿ ತುರ್ಕಳಿಕೆ,ಜಿಲ್ಲಾ ನಾಯಕರಾದ ಖುಬೈಬ್ ತಂಙಳ್, ಹಕೀಂ ಕಳೆಂಜಿಬೈಲು, ಯು.ಪಿ.ಮುಸ್ತಪಾ,ಹಾಗೂ ನಾಲ್ಕು ಸೆಂಟರ್ ಗಳಲ್ಲಿ ಆಯ್ದ ಸೇವಾ ತಂಡದ ಸೇವಕರು ಉಪಸ್ಥಿತರಿದ್ದರು.